abvpsatara

अखिल भारतीय विद्यार्थी परिषद, सातारा शहर यांच्या वतीने स्वामी विवेकानंद व राजमाता जिजाऊ आऊ साहेब यांच्या जयंतीनिमित्त आयोजित मशाल यात्रा १२ जानेवारी रोजी सायं. ०६.३० वाजता राजवाडा, सातारा येथून शिवतीर्थ पवई नाका पर्यंत तब्बल २ किमी अंतर घोषणांच्या गजरात, शिस्तबद्ध व प्रेरणादायी वातावरणात मोठ्या जल्लोषात पार पडली.
या यात्रेमध्ये काष्टा व फेटा परिधान करून राजमाता जिजाऊ आऊ साहेबांचे तेजस्वी व्यक्तिमत्त्व साकार करणाऱ्या विद्यार्थिनींनी मातृशक्ती, संस्कार व नेतृत्वाचे जिवंत दर्शन घडवले. मोठ्या संख्येने विद्यार्थी व विद्यार्थिनींचा उत्स्फूर्त सहभाग या यात्रेची प्रेरणादायी ताकद ठरला.