Adv Amit Shinde

दादा हे पचवता येत नाहीये….😔 भावपूर्ण आदरांजली

प्रकाश कुलकर्णी सर यांचे निधन झाले आहे हे अजूनही पचवता येत नाहीये.
माझी आदरणीय शरद पवार साहेब यांची दिल्ली येथे आयुष्यात पहिल्यांदा भेट झाली. पवार साहेब माझ्याशी बोललेल पहिल वाक्य होत “प्रकाश कुलकर्णी व प्रभाताई कुलकर्णी सहसा कोणाच कौतुक करत नाहीत. पण ते तुमच खूप कौतुक करतात, प्रकाश कुलकर्णी यांनी मला तुम्हाला सविस्तर बोलण्यासाठी वेळ देण्यास सांगितलं आहे. म्हणून तुम्हाला मुंबई ऐवजी दिल्लीला बोलावले आहे”
पवार साहेबांच्या त्या पहिल्या वाक्यानंतर मला काय बोलाव तेच समजत नव्हतं. तेंव्हापासून आदरणीय पवार साहेब मला नावानिशी ओळखायला लागले. पवार साहेब सांगलीत येणार असले की पहिला निरोप कुलकर्णी सरांना यायचा व त्यांना निरोप आला की ते मला लगेच कळवायचे आणि त्यामुळे त्यानंतर पवार साहेबांसोबत माझा डायरेक्ट अॅक्सेस तयार झाला.

माझ्यासारख्या छोट्या मुलाला इतक प्रेम देवून मला चांगला प्लॅटफॅार्म देण्याचा प्रकाश कुलकर्णी सरांनी नेहमीच प्रयत्न केला. मलाच नाही तर त्यांच्या नजरेत येणाऱ्या प्रत्येकाला त्यांनी शक्य ती मदत करून उभा करण्याचा प्रयत्न केला. माझी त्यांची कोणतीही जुनी ओळख नव्हती. परंतु मी करत असलेल काम त्यांना आवडल म्हणून प्रकाश कुलकर्णी सरांनी माझ्यासारख्या सामान्य मुलावर खूप प्रेम केल.

कॅालेजमध्ये असताना शरद पवार साहेब सांगलीमध्ये आले की ज्यांच्या घरी थांबतात ते घर कोणाचे आहे याची उत्सुकता असायची. आम्ही पोलीस ग्राउंडवर व्यायामाला जायचो. मग ज्यांच ते घर होत ते प्रकाश कुलकर्णी सर सुद्धा पोलीस ग्राउंड वर दररोज फिरायला येतात, ते केपीटी इंडस्ट्रीजचे ते सर्वेसर्वा आणि मा. आबासाहेब खेबुडकरांचे चिरंजीव आहेत(ज्यांचे पवार साहेबांच्या राजकीय कारकिर्दीत महत्त्वाचे योगदान होते) हे समजल्यावर त्यांच्या बद्दल प्रचंड आकर्षण निर्माण झाले होते. त्यामुळे कुलकर्णी सरांची ओळख व्हावी असे माझ्या सर्वच मित्रांना वाटत होते. तेच प्रकाश कुलकर्णी सर माझ्या आयुष्यात आले व त्यांनी माझ्या जडणघडणीत मला खूप मदत केली.

१ जानेवारीला सरांचा नवीन वर्षाच्या शुभेच्छा देण्यासाठी मेसेज आला होता. त्यावेळी त्यांच्याशी झालेला संवाद हा शेवटचा असेल याची कल्पनाही नव्हती. आज प्रकाश कुलकर्णी सर हयात नाहीत हे पचवणे त्रासाचे झाले आहे. प्रकाश कुलकर्णी सरांना भावपूर्ण आदरांजली. सर तुम्ही दिलेल्या प्रेमाचा आजन्म ऋणी राहीन.
ॲड. अमित शिंदे, सांगली.

One of the best lessons you can learn in life is to master how to remain calm.