VIRA

Contact for classes

ହାଏ ଫ୍ରେଣ୍ଡସ....

ମୋ ନିଝୁମ ରାତିର ବହତ ସାରା ଫ୍ରେଣ୍ଡସଙ୍କୁ ମୁଁ ସୋମ ମୋ ବ୍ଲଗକୁ ୱେଲକମ କରୁଛି।

ଆଜି ଏକ ସୁନ୍ଦର ଓ ମୋରାଲ ଭ୍ୟାଲ୍ୟୁ ଉପରେ କବିତାଟି ନେଇ ଆସିଛି। ଏହି କବିତାଟିକୁ ସମସ୍ତେ ଆମେ ପଢିଛେ। ହେଲେ କବିତାଟିକୁ ଯେଉଁମାନେ କାର୍ଯ୍ୟରେ ଲଗାଉଛନ୍ତି ସେମାନେ ଏ ସମାଜରେ ଗ୍ରହଣୀୟ ହୋଇଛନ୍ତି। ଆଉ ଯେଉଁମାନେ ଏହାକୁ କାର୍ଯ୍ୟରେ ଲଗାଉ ନାହାଁନ୍ତି ସେମାନଙ୍କ ସ୍ଥିତି ଯାହା ଆପଣମାନେ ଜାଣିଥିବେ। ତାହା ବର୍ଣ୍ଣନା କରିବାର ଆବଶ୍ୟକତା ନାହିଁ।

ତେବେ ବନ୍ଧୁଗଣ ଆସନ୍ତୁ କବିତାଟି ଉପରେ ଟିକେ ନଜର ପକାଇ ଦେବା। କବିତାଟିକୁ ରଚନା କରିଥିଲେ କାଳଜୟୀ ପୁରୁଷ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ।

ପଣ୍ଡିତ ଗୋପବନ୍ଧୁ ଦାସଙ୍କୁ ଆମେ ସମସ୍ତେ ଜାଣିଛୁ। ତାଙ୍କ ଏହି କବିତାଟିକୁ ମଧ୍ୟ ଆମେ ସମସ୍ତେ ପଢିଛୁ ଓ ମନେ ମଧ୍ୟ ରଖିଛୁ।

ତେବେ ଆସନ୍ତୁ ଜାଣିନେବା କବିତାଟି କଣ.....

"ମିଶୁ ମୋର ଦେହ ଏ ଦେଶ ମାଟିରେ....

ଦେଶ ବାସୀ ଚାଲି ଯାନ୍ତୁ ପିଠିରେ.....

ଦେଶର ସ୍ୱରାଜ୍ୟ ପଥେ ଯେତେ ଗାଡ଼.....

ପୂରୁ ତହିଁ ପଡ଼ି ମୋର ମାଂସ ହାଡ଼...."

ଏହି କାଳଜୟୀ କବିତାଟିର ବର୍ତ୍ତମାନର ପ୍ରାସଙ୍ଗିକତା କଣ ଜାଣନ୍ତି ବନ୍ଧୁଗଣ ?

ଉତ୍କଳମଣି ପଣ୍ଡିତ ଗୋପବନ୍ଧୁ ସେତେବେଳର ଜନନେତା ଥିଲେ। ତାଙ୍କ ଡ଼ାକରାରେ ହଜାର ହଜାର ଲୋକେ ଏକାଠି ହେଉଥିଲେ। ବନ୍ୟା, ବାତ୍ୟା, ପ୍ରାକୃତିକ ଦୁର୍ବିପାକ ପଡିଲେ ଚୂଡ଼ା, ଗୁଡ଼, ଚାଉଳ, ପୋଷାକ ଧରି ଗାଁ ଗାଁ ବୁଲି ଲୋକଙ୍କ ସେବା କରୁଥିଲେ।

ଏବେର ନେତାମାନେ ବି ବନ୍ୟା ବାତ୍ୟା ସମୟରେ ଲୋକଙ୍କ ସେବା କରୁଛନ୍ତି। ହେଲେ ଏବେର ନେତା ଓ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ମଧ୍ୟରେ କି ଫରକ ରହିଛି ଯେ ଆମେ ଏବେର ନେତାଙ୍କୁ ଭୁଲି ଯାଉଛୁ କିନ୍ତୁ ଗୋପବନ୍ଧୁଙ୍କୁ ଭୁଲି ପାରୁନାହୁଁ। ତାଙ୍କ ଦର୍ଶନ, ତାଙ୍କ ଚିନ୍ତାଧାରା ଉପରେ ଏବେ ଗବେଷଣା କରାଯାଉଛି। ହେଲେ ଆମ ନେତାଙ୍କୁ ସାମାଜିକ ଗଣମାଧ୍ୟମରେ ପ୍ରତିଦିନ ସମାଲୋଚନା କରାଯାଉଛି।

ତେବେ ଗୋପବନ୍ଧୁ ଯାହା ଲେଖିଥିଲେ ତାହାକୁ କାର୍ଯ୍ୟକାରୀ କରିଥିଲେ। ଅର୍ଥାତ ସେ ଲେଖିଥିଲେ ଏ ଦେଶ ସେବା କରି କରି ମୋ ଦେହ ମାଟିରେ ମିଶିଯାଉ।

କିନ୍ତୁ ଆଜିର ନେତାଙ୍କ କଥା ଟିକେ ଚିନ୍ତା କରନ୍ତୁ। ସେମାନେ କିପରି ହଜାରେ କୋଟିର ମାଲିକ ହେବେ। କଟକ, ଭୁବନେଶ୍ୱର, ଦିଲ୍ଲୀ, ମୁମ୍ବାଇରେ କିପରି ବଙ୍ଗଳା କିଣା ହେବ। ସୁଇସ ବ୍ୟାଙ୍କରେ କିପରି କଳାଧନ ସାଇତା ହୋଇ ରହିବ। ସେ ବିଷୟରେ ଦିନରାତି ଚିନ୍ତା କରି କରି ସେମାନଙ୍କ ସମୟ ପଳାଇ ଯାଉଛି। ଲୋକଙ୍କ ସେବା କରିବା କି ଦେଶର ସେବା କରିବା ସେମାନଙ୍କ ମନରେ ନାହିଁ। ସେମାନଙ୍କ ରକ୍ତ, ଅସ୍ତି ଓ ମଜ୍ଜାରେ ଚିନ୍ତନ ରହିଛି କିପରି ସହ ସହ ଓ ହଜାର ହଜାର ହଜାର କୋଟି ଟଙ୍କାର ମାଲିକ ବନିବେ।

ଦେଖନ୍ତୁ ନେତାମାନେ ରାଜନୀତିରେ ପ୍ରବେଶ କରିବା ବେଳେ ସେମାନଙ୍କ ସମ୍ପତ୍ତି କେତେ ଥିଲା ଓ ରାଜନୀତିରେ ୫/୧୦ ବର୍ଷ ପାଦ ଥାପିବା ପରେ ସେମାନଙ୍କ ପାଖରେ କେତେ ସମ୍ପତ୍ତି ଅଛି।

ରାଜନୀତି ତ ଜନସେବା। ତେବେ ସେମାନେ ଏତେ ସମ୍ପତ୍ତିର ମାଲିକ କିପରି ବନି ଯାଉଛନ୍ତି ଏତେ କମ ସମୟ ମଧ୍ୟରେ। ଆସନ୍ତୁ ଜାଣିବା ବନ୍ଧୁଗଣ ପଣ୍ଡିତ ଗୋପବନ୍ଧୁ ଦାସ ଓ ଆଜିର ନେତାଙ୍କ ମଧ୍ୟରେ ଫରକ।

ପଣ୍ଡିତ ଗୋପବନ୍ଧୁ ଦାସ ଲୋକଙ୍କ ଠାରୁ ଚୂଡ଼ା, ଚାଉଳ ଓ ଅନ୍ୟାନ୍ୟ ଖାଦ୍ୟ ଶସ୍ୟ ସଂଗ୍ରହ କରି ବନ୍ୟା, ବାତ୍ୟା ପ୍ରପୀଡ଼ିତ ଲୋକଙ୍କୁ ବାଣ୍ଟୁଥିଲେ।

କିନ୍ତୁ ଆଜିର ଗାନ୍ଧୀ ଓ ଗୋପବନ୍ଧୁଙ୍କ ଖୋଳପା ପିନ୍ଧିଥିବା ନେତାମାନେ କଣ କରୁଛନ୍ତି ବନ୍ଧୁଗଣ....

ରାସ୍ତା କାମ ହେଲା ସେଥିରେ ପିସି, ପୋଲ କାମ ହେଲା ସେଥିରେ ପିସି, ସ୍କୁଲ ଘର ନିର୍ମାଣ ହେଲା ସେଥିରେ ପିସି, ରିଲିଫ ବଣ୍ଟା ହେଲା ସେଥିରେ ପିସି, କାହାକୁ ଚାକିରୀ ଦିଆଯିବ ସେଥିରେ ଲକ୍ଷ ଲକ୍ଷ ଟଙ୍କା ରୋଜଗାର, କାହାର ବଦଳି ହେବ ସେଥିରେ ଲକ୍ଷ ଲକ୍ଷ ଟଙ୍କା ରୋଜଗାର। ଏହିଭଳି କାର୍ଯ୍ୟକୁ ଆମ ନେତାମାନେ ପ୍ରଥମେ ପ୍ରାଧାନ୍ୟ ଦିଅନ୍ତି, ପରେ ଲୋକଙ୍କ କଥା ଚିନ୍ତା କରନ୍ତି।

ତେଣୁ ଏବେର ନେତାମାନେ ଲୋକଙ୍କ ଦ୍ୱାରା ଗ୍ରହଣୀୟ ହୋଇ ପାରୁ ନାହାଁନ୍ତି। କେବଳ ଗାନ୍ଧୀ ଜୟନ୍ତୀ ଓ ଗୋପବନ୍ଧୁ ଜୟନ୍ତୀରେ ଧଳା ପୋଷାକ ପିନ୍ଧି ଗାନ୍ଧୀ ଓ ଗୋପବନ୍ଧୁଙ୍କ ଆଦର୍ଶ ସମ୍ପର୍କରେ ଭାଷଣ ମାରି ଲୋକଙ୍କୁ ଭୁଆଁ ବୁଲାଇଥାନ୍ତି।

ଯାହା ଫଳରେ ଗାନ୍ଧୀ ଓ ଗୋପବନ୍ଧୁଙ୍କ ଉପରେ ଆଜିବି ଗବେଷଣା ହେଉଛି, ପୂର୍ବରୁ ହେଉଥିଲା ଓ ଆଗାମୀ ଦିନରେ ମଧ୍ୟ ହେବ। କିନ୍ତୁ ଏବେର ନେତାମାନେ ସେମିତି ସମାଲୋଚନାର ଶିକାର ହେଉଥିବେ।

ଏବେବି ସମୟ ଅଛି ଆମ ନେତାମାନଙ୍କୁ ସୁଧୁରି ଯିବାର। କାରଣ ଆମେ ଏ ଦୁନିଆକୁ ଆସିବା ବେଳେ ଗାନ୍ଧୀ ଓ ଗୋପବନ୍ଧୁଙ୍କ ଭଳି ଖାଲି ହାତରେ ଆସିଥିଲୁ ଓ ଯିବାବେଳେ ଗାନ୍ଧୀ, ଗୋପବନ୍ଧୁ ଯେମିତି ଖାଲି ହାତରେ ଗଲେ ଆମେ ମଧ୍ୟ ସେମିତି ଖାଲି ହାତରେ ଯିବୁ।

ଆମ ସହ କିଛି ଯିବ ନାହିଁ। ଆମେ ଯେଉଁ ଟଙ୍କା ପାଇଁ ଗର୍ବ କରୁଛେ, ଏତେ ମିଛ କହି ଲୋକଙ୍କୁ ଭୁଆଁ ବୁଲାଉଛେ, ସେ ଟଙ୍କା ନେତା ଗଣ ଆମ ସାଙ୍ଗରେ ଯିବ ନାହିଁ। ସେ ସବୁ ଏଠି ରହିଯିବ। ତେବେ ଆମ ସାଙ୍ଗରେ ଯିବ କେବଳ ଆମ ଭଲ କର୍ମ। ଆମେ ଯାହାଙ୍କୁ ଲୁଟିଛେ ସେମାନେ କହିବେ ଭଲ ହେଲା ଦୁର୍ନୀତିରେ ଉବୁଟୁବୁ ଥିବା ଲୋକଟା ଚାଲିଗଲା। ଆଉ ଯେଉଁ ନେତାମାନେ ରାଜନୈତିକ ଜୀବନ କାଳରେ ବେଶୀ ଲୋକଙ୍କ ପାଇଁ କରିଛନ୍ତି ଓ ନିଜ ପାଇଁ କମ କରିଛନ୍ତି ସେମାନଙ୍କୁ ଏ ମାଟି ଝୁରିବ। ଏ ଜନତା ଝୁରିବେ। ସେମାନେ ପ୍ରକୃତ ଗାନ୍ଧୀ ଓ ଗୋପବନ୍ଧୁଙ୍କ ଦାୟାଦ ବୋଲି ପ୍ରମାଣିତ ହେବେ।

ହେଲେ ଯେଉଁମାନେ ସାରା ଜୀବନ ଲୋକଙ୍କୁ ଲୁଟିଲେ, ଦେଶକୁ ଲୁଟିଲେ ସେମାନେ କେବେହେଲେ ଆଦର୍ଶ ନେତା ହୋଇପାରିବେ ନାହିଁ।

ତେଣୁ ବନ୍ଧୁଗଣ ଓ ନେତାଗଣ ଆସନ୍ତୁ ଆଜି ଭି ସମୟ ଅଛି ଆମେ ଶପଥ ନେବା ଆମେ ଯେଉଁ ମହତ କାର୍ଯ୍ୟ କରିବା ପାଇଁ ଏହି ସୁନ୍ଦର ପୃଥିବୀକୁ ଆସିଛୁ ସେଥିରେ ଲାଗି ପଡ଼ିବା।

ଗାନ୍ଧୀ ଗୋପବନ୍ଧୁଙ୍କ ଆଦର୍ଶରେ ଅନୁପ୍ରାଣିତ ହୋଇ ଅନ୍ୟର ସେବା କରିବା। ନିଜର ସ୍ୱାର୍ଥ୍ୟକୁ ଜଳାଞ୍ଜଳି ଦେବା। ପୁଣି ନୂଆ ନୂଆ ଗାନ୍ଧି ଓ ଗୋପବନ୍ଧୁ ସୃଷ୍ଟି କରିବା। ସେମାନଙ୍କ ଭଳି ସ୍ୱାର୍ଥ ରହିତ ହୋଇ ସମାଜରେ ନୂଆ ପରିଚୟ ସୃଷ୍ଟି କରିବା।

ବନ୍ଧୁଗଣ ସୋମର ବ୍ଲଗ ଆଜି ପାଇଁ ଏତିକି....

ପୁଣି ଆପଣଙ୍କ ସୋମ ଆପଣଙ୍କ ପାଖକୁ ଆସିବ ନୂଆ ଏକ ଭାବନା, ନୂଆ ଏକ ଚିନ୍ତନ ସହ। ଟିଲ ଦେନ ବାଏ ବାଏ...