Uday Ravindra Samant

रत्नागिरी जिल्ह्यातील 'जिल्हा परिषद पूर्ण प्राथमिक आदर्श विद्यामंदिर, पाली नं.१' या शाळेत आज चिमुरड्यांचा 'विद्यार्थी शाळा प्रवेशोत्सव सोहळा' अत्यंत उत्साहात पार पडला. याप्रसंगी उपस्थित राहून नव्या दमाने शाळेत पाऊल ठेवणाऱ्या भावी पिढीचे स्वागत करण्याचा आणि त्यांच्या चेहऱ्यावरील आनंद अनुभवण्याचा सुखद प्रसंग लाभला. यावेळी विद्यार्थी – विद्यार्थिनींना पुढील शैक्षणिक प्रवासासाठी मनःपूर्वक शुभेच्छा दिल्या.
यावेळी उपस्थितांशी संवाद साधतांना, शासकीय शाळांमधील प्रत्येक मूल दर्जेदार शिक्षण घेऊन आपल्या स्वप्नांना गवसणी घालेल, हाच आमचा कायम ध्यास असून, शासकीय शाळांचा विकास आणि विद्यार्थ्यांचे हित हीच आमच्या महायुती सरकारची प्राथमिकता आहे. सर्व लाडक्या बाल मित्र मैत्रिणींना शाळाप्रवेश व नवीन शैक्षणिक वर्षाच्या हार्दिक शुभेच्छा दिल्या.
यावेळी विद्यालयाचे मुख्याध्यापक, शिक्षक – शिक्षिका, शिक्षकेतर कर्मचारी, पालक मोठ्या संख्येने उपस्थित होते.

#शाळाप्रवेशोत्सव #रत्नागिरी #शिक्षण

#जागतिक_रक्तदाता_दिवस
आपल्या एका रक्तदानामुळे एखाद्याचे आयुष्य वाचू शकते.
चला, #रक्तदान करूया आणि मानवतेचे ऋण फेडूया!
जागतिक रक्तदाता दिनानिमित्त सर्व रक्तदात्यांना मनःपूर्वक सलाम!

सोलापूर स्थानिक स्वराज्य संस्था निवडणुकीचे रणशिंग फुंकले गेले असून, महायुतीचे उमेदवार श्री. राजेंद्र राऊत यांच्या प्रचार रणनीतीसाठी आज सोलापूरमधील महायुतीचे सर्व प्रमुख लोकप्रतिनिधी आणि ज्येष्ठ पदाधिकारी यांच्या उपस्थितीत आढावा बैठक घेतली.
यावेळी बोलतांना, महायुती सरकारने केलेली विकासकामे आणि लोककल्याणकारी योजना हीच आपली ताकद आहे. या बळावर आणि कार्यकर्त्यांच्या अथांग ऊर्जेच्या जोरावर सोलापूरमध्ये महायुतीचा ऐतिहासिक विजय निश्चित होईल, असा विश्वास व्यक्त केला.
उपस्थित पदाधिकारी व लोकप्रतिनिधींनी या निवडणुकीत महायुतीचा झेंडा अभिमानाने फडकावण्यासाठी आणि सोलापूरच्या सर्वांगीण विकासाला गती देण्यासाठी सर्व घटकांनी एकजुटीने काम करण्याचा निर्धार व्यक्त केला.
या बैठकीला ग्रामविकास मंत्री तथा पालकमंत्री श्री.जयकुमारजी गोरे, खासदार ज्योतीताई वाघमारे, माजी मंत्री श्री.सिध्दराम म्हेत्रे, माजी मंत्री श्री.उत्तम खंदारे, श्री.शहाजीबापू पाटील, संपर्कप्रमुख श्री.चंद्रहार पाटील, नगराध्यक्षा प्रणिताताई भालके, नगरध्यक्षा सिध्दीताई वस्त्रे, श्री.अमोल शिंदे, श्री.मंगेश चिवडे, श्री.अमर पाटील, श्री.चरणराज चवरे, श्री.लक्ष्मीकांत ढोंगे पाटील, श्री.महेश चिवटे, श्री.शहाजी पवार, श्रीमती रोहिणीताई तडवडकर, श्री.शशिकांत नाना चव्हाण, श्री.सचिन चव्हाण यांच्यासह जिल्ह्यातील महायुतीचे प्रमुख लोकप्रतिनिधी, जिल्हा संपर्कप्रमुख, जिल्हाध्यक्ष, तालुकाध्यक्ष, शहराध्यक्ष यांच्यासह महायुतीचे विविध आघाड्यांचे प्रमुख पदाधिकारी उपस्थित होते.

आपल्या लेखणीने मराठी साहित्यक्षेत्रावर अधिराज्य गाजविणारे साहित्यिक स्व. #पु_ल_देशपांडे यांचा आज स्मृतिदिन. त्यानिमित्त त्यांच्या स्मृतीस विनम्र आदरांजली!