Dolphin Labs

Third year Students of E and TC Department from Karmyogi Institute of Technology (Polytechnic),Shelve Pandharpur has successfully completed 90 Days internship.

One month Training program in, “Embedded System Designing” from Dolphin Labs
नमस्कार ,
गेल्या महिन्यात डॉल्फिन लॅब्समध्ये इलेक्ट्रोनिक्स इंजिनियरिंगच्या विद्यार्थ्यांची भरती होती . ज्यावेळी इंटरव्हू घेतला त्यावेळी एक महत्वाची गोष्ट जाणवली कि मुलांनी प्रोजेक्ट हे स्वतः केले नव्हते , बऱ्याचशा मुलांना इलेक्ट्रोनिक्सच्या पार्टसची नावे सुद्धा सांगता येत नव्हती . मायक्रोकंट्रोलर कुठलाच येत नव्हता . इंटर्नशिप हि सॉफ्टवेअर कंपनीमध्ये केली होती . कित्येकांनी सॉफ्टवेअरचे कोर्स केले होते. काही जण परराज्यात जावून एम्बेडेड सिस्टीमचा कोर्स करून आले होते पण त्यांना सुद्धा मायक्रोकंट्रोलरच ज्ञान नव्हत . मनात प्रश्न आला कि यांना घ्याव कस आणि याना त्यांच्या अपेक्षेप्रमाणे पगार तरी कसा द्यायचा? आज इलेक्ट्रोनिक्स इंजिनियरिंगला कधी नव्हता तितका स्कोप आलाय पण दैव आलंय द्यायला आणि पदर नाही घ्यायला अशी अवस्था झाली आहे . इलेक्ट्रोनिक्स इंजिनियरिंगच्या मुलांना इलेक्ट्रोनिक्सच ज्ञान नाही हे पाहून वाईट वाटलं.
शेवटी आपणच काही तरी केलं पाहिजे म्हणून डॉल्फिन लॅब्सने फक्त इलेक्ट्रोनिक्स इंजिनियरिंगच्या तिसऱ्या वर्षामध्ये शिकणाऱ्या विद्यार्थ्यासाठी आणि जे इलेक्ट्रोनिक्स डिप्लोमा करून डायरेक्ट इंजिनियरिंगच्या दुसऱ्या वर्षाला आले आहेत त्यांच्यासाठी एक स्पेशल एम्बेडेड सिस्टीम डिझाईनवर एक महिन्याचा हँड्स ऑन ट्रेनिंग आणि इंटर्नशिपचा प्रोग्राम आखला आहे. ज्यामध्ये इलेक्ट्रोनिक्सच्या बेसिक्सपासून 8051, PIC या ८ बीट मायक्रोकंट्रोलरबरोबरच STM32 या 32 बिट्सच्या मायक्रोकंट्रोलरच्या प्रोग्रामिंग आणि त्याच बरोबर डिझाइनिग शिकवलं जाईल . एकदा हे तीन कंट्रोलर शिकले कि जगातील कोणत्याही मायक्रोकंट्रोलरवर थोड्या अभ्यासाने प्रोग्राम कस करायचं हे पण शिकवलं जाईल . बऱ्याच जणांना वाटेल कि हे एव्हढ शिकवून होईल का ? तर निश्चिंत राहा डॉल्फिन लॅब्सच्या ट्रेनिंगचे वैशिष्ठे हे सोप्या भाषेत आणि युनिवर्सल शिकवण हेच आहे त्यासाठी डॉल्फिन लॅब्सने शिकवण्याच्या प्रात्यक्शिकावर आधारित विविध पद्धती विकसित केल्या आहेत.
या कोर्ससाठी फक्त तिसऱ्या वर्षाच्या आणि डिप्लोमा करून दुसऱ्या वर्षाला अॅडमिशन घेतलेल्या विद्यार्थ्यांनाच प्रवेश आहे . याच्यामागे आम्हाला पुढे दिड वर्ष / अडीच वर्ष या मुलांना मार्गदर्शन करता येईल हा उद्देश आहे . त्यांना बऱ्याच वेगवेगळ्या संधी साठी घडवता येईल . म्हणजेच हा कोर्स जरी फक्त एक महिन्याचा असला तरी मार्गदर्शन हे पुढील दिड वर्ष चालणार आहे ( यामध्ये इतरही बऱ्याच गोष्टी होणार आहेत.).
हे ट्रेनिंग एक महिना चालणार आहे . या ट्रेनिंगनंतर तिसऱ्या वर्षीच्या मिनी प्रोजेक्ट आणि चौथ्या वर्षाच्या मेगा प्रोजेक्टसाठी स्पॉन्सरशिप दिली जाणार आहे ( ग्रुप मेंबर हे डॉल्फिन लॅब्सचे ट्रेनिंग केलेले असावेत) . त्याना डॉल्फिन लॅब्समध्ये चालणाऱ्या विविध प्रोजेक्टवर काम करण्याची संधी मिळणार आहे . डॉल्फिन लॅब्समध्ये एकदा ट्रेनिंग घेतले कि आयुष्यभरासाठी मार्गदर्शन केले जाते . हा कोर्स पूर्ण करणाऱ्या विद्यार्थ्याच्या नोकरीसाठी / व्यवसायासाठी डॉल्फिन लॅब्स प्रयत्न करणार आहेत .
हा पायलट प्रोजेक्ट आहे यामध्ये प्रत्येकी २० विद्यार्थ्यांच्या फक्त दोन बॅच असणार आहेत . एक बॅच फक्त पुणे युनिव्हर्सिटी मधील विद्यार्थ्यासाठी आहे आणि दुसरी बॅच हि बाकी सर्व युनिव्हर्सिटीच्या विद्यार्थ्यासाठी असणार आहे . जागा लिमिटेड आहेत .
पुणे विद्यापीठातील विद्यार्थ्यासाठी हा कोर्स त्यांची परीक्षा झाली कि दोन दिवसात चालू होईल.
बाकिंच्यासाठी १० डिसेंबर पासुन सुरुवात होईल.( तारीख सर्वांच्या सोयीने ठरवली जाईल)
या कोर्सची फी १०,०००/- आहे . २५००/- रुपये भरून सिट बुक करा .
https://forms.gle/VU96FR8cYk8PqS4V8

जुन-२५ पासुन डॉल्फिन लॅब्स एम्बेडेड सिस्टीम डिझायनिंगचा कोर्स सुरु करणार आहे त्यावेळी या कोर्सची किंमत ५००००/- असणार आहे .

अधिक माहितीसाठी :
चित्तरंजन महाजन -७२७६०२८०५१ (WA) या नंबरवर संपर्क करा .

कृपया आपल्या मित्रामध्ये, विद्यार्थ्यामध्ये शेअर करा .

# # # कोडिंगचे लॅपटॉप # # #

गेले बरेच महिने मी नवीन लॅपटॉप घ्यायचा विचार करत होतो. आपल मोबाईल फोन आणि लॅपटॉप याबद्दल आधीच ठरलं आहे कि मोबाईल फोन हा दर तीन वर्षांनी आणि लॅपटॉप हा दर चार वर्षांनी नवीन घ्यायचा . मोबाईल फोन हा पंधरा हजार रुपये आणि लॅपटॉप हा तीस हजारच्या आतच घ्यायचा .

आता सध्या वापरत होतो तो लॅपटॉप २०१८ मध्ये घेतला होता . त्यावर इलेक्ट्रोनिक्स आणि मेकॅनिकलसाठी लागणारी सगळी सॉफ्टवेअर अजूनही गुण्यागोविंदाने चालत होती तरीपण वाटलं नवीन घ्यावा . आता नवीन घ्यायचं म्हणजे शोधाशोध आली . वेगवेगळ्या कॉलेजमध्ये मी वर्कशॉप घेत असतो त्यामुळे बऱ्याच प्रकारचे लॅपटॉप दिसतात मग मुलांनाच विचारायचो कितीला घेतला? . प्रत्येकजण सत्तरहजारच्या वरचीच किंमत सांगायचा .

गेल्या दोन वर्षात साठ हजाराच्या खाली किमतीचा लॅपटॉप घेतलेला कुणीही भेटला नाही त्यातच मध्यंतरी चीनमधून आयात बंद केल्याने लॅपटॉपच्या किंमत वाढल्या असही कळल होत . आजकाल पेपरमध्ये पण ज्या जाहिराती येतात त्यामध्येपण ऐंशी हजाराच्यावरच लॅपटॉपच्या किमती असतात . आता काय करायचं? कसतरी पन्नास हजार पर्यंत बजेट वाढवलं पण कुठला लॅपटॉप घ्यायचा ते सुचेना .

शेवटी पोराला म्हटलं एखादा पन्नासच्या खाली चांगला लॅपटॉप शोधून काढ . त्याला विचारल्यावर त्याने झटदिशी नेटवरून शोधून काढलं आणि म्हणाला सध्या १६ जीबी राम आणि ५१६ जीबी एस एस डी मेमरीचा लॅपटॉप ४०००० च्या खाली मिळतोय आणि त्यान शोधून पण काढलं कि कुठे मिळतोय? . मग त्याला घेउनच मी शोरूम ला गेलो .

तिथ गेल्यावर लगेच आमच एका सेल्समनने स्वागत केलं . मग माझ्या मुलांकडे पहात विचारलं लॅपटॉप कोडिंगला पाहिजे का ? अर्थात आम्ही होय म्हटल्यावर तो एका बाजूला घेउन गेला . लय भारी भारी लॅपटॉप दाखऊ लागला . सगळे ऐंशी हजाराच्या आसपासच्या किमतीचे होते . मला परत टेन्शन, माझी चुळबुळ सुरु झाली . सेल्समन माझ्याकडे बघतच नव्हता त्याच लक्ष्य माझ्या मुलाकडे होत आणि मुद्दा कोडिंग वरून गेमिंग वर आला आणि हे लॅपटॉप गेमिंगसाठी कसे भारी आहेत ते सांगू लागला . कमी कमी करत त्याने ६५००० हजारच्या पर्यंतचे लॅपटॉप दाखवायला सुरुवात केली .

मला हे कळेना कि कोडिंगसाठी गेमिंग लॅपटॉप कशाला पाहिजे . मग मी मुलाला त्याने शोधून काढलेल्या लॅपटॉपविषयी विचारायला सांगितलं मग काय ? सेल्समनच्या चेहऱ्यावरचा उत्साह मावळला त्याने दुसरा सेल्समन बोलावलं आणि आमच्याबरोबर पाठवला . एका कोपऱ्यात हे लॅपटॉप ठवले होते .अगदी यांची रेंज १८००० रुपये पासुन सुरु होत होते. सध्या मी वापरत असलेल्या लॅपटॉपपेक्षा चागले फीचर्सअसणारा लॅपटॉप अगदी पंचवीस हजाराच्या आत येत होता .

हे सर्व चालल असताना एक साध कुटुंब आल . अठरा एकोणीस वर्षाच पोरग सोबत पंचवीस वर्षाच पोरग, आई वडील आणि सोबत वडिलांचा मित्र असावा. ते आत आलेवर लगेच मघाचा सेल्समन त्यांचेकडे गेला.. त्यांना विचारलं कि लॅपटॉप कुणाला पाहिजे ,तर लॅपटॉप त्या एकोणीस वर्षाच्या मुलाला पाहिजे होता. तो इंजीनियरिंग करत होतो . दुसऱ्या वर्षात शिकत होता... मग काय त्याला सावज मिळालं . दुसरा मुलगा हा त्याचा भाऊ होता आणि सध्या तो आय टी मध्ये होता . कोडिंग वरून विषय गेमिंगवर आला आणि शेवटी नव्वद हजाराच्या पुढचा झगमगीत लायटिंग दिसणारा लॅपटॉपघेउन लगेच गेले.... आणि मला महाग लॅपटॉप गुपित कळल ,खुपच वाईट वाटलं .

आजकाल लोकांच्या हातात पैसा बऱ्यापैकी खेळायला लागला आहे. अभियांत्रिकी आणि तंत्रनिकेतनाची महाविद्यालयाचा सुकाळ झाला आहे त्यामुळे मेरीट हि पद्धत बंद होत चालली आहे. आजकाल एडमिशन पण लगेच मिळतात .एकदा अडमिशन घेतलं कि इंजिनियरिंगच्या दुसऱ्या वर्षाला पोरग गेलं कि त्याची लॅपटॉपसाठी पिरपिर सुरु होते. पालकाना पण कौतुक वाटत आणि आपलं पोरग अभ्यासात माग पडू नये म्हणून मुकाटपणे त्यांने दाखवेल तो लॅपटॉप गपगुमान घेऊन देतात. खरच एव्हढ्या महागड्या लॅपटॉपची गरज असते का?

बऱ्याच वेळा लॅपटॉप हा एकदा चांगला घेतला कि पुढ पाच सहा वर्षे बघायला नको असंही त्याचं मार्केटिंग केलं जात . तस बघायला गेल तर तीन वर्षात तंत्रज्ञान इतकं बदलेलं असत कि एकदाच महागडा लॅपटॉप घेण्याऐवजी दर तीन वर्षांनी दोन स्वस्त लॅपटॉप घेण कधीही परवडत .

आज ज्यावेळी मी ट्रेनिंग घेत असतो तर अगदी गावाकडच्या विद्यार्थ्याकडेपण लॅपटॉप असतो. किबहुना अभियांत्रिकीच्या विद्यार्थ्यासाठी लॅपटॉप हा अनिवार्यच झाला आहे पण खरंच मुलांना लॅपटॉप वापरता येतो का ? अगदी शेवटच्या वर्षाच्या विद्यार्थ्याला सुद्धा लॅपटॉप वापरता येत नाही . अगदी कंप्युटर इंजिनियरिंगच्या विद्यार्थ्याना सुद्धा विंडोज किती बिट्सची आहे , ऑपरेटिंग सिस्टीम कशी टाकावी ? अगदी डिस्क पार्टिशन कस कराव इतकीही माहिती नसते .

आज पाहिल्यासारखे लॅपटॉप मेंटेन करण एव्हढ अवघड राहिलेले नाहीत पण महागडा लॅपटॉप घेतला आहे म्हणून त्याला इतकं जपलं जात कि त्याच्यावर काही प्रयोग केले जातच नाहीत . अगदी त्याच्या कि बोर्डवरच कव्हर तीन वर्षानंतर पण तसच असत म्हणजे लॅपटॉपचा वापर जास्त केला जात नाही.

२०१० पूर्वी मुलांच्या लॅपटॉप मध्ये सोफ्टवेअर , पिक्चर आणि टेक्निकल पुस्तकांचा भरणा असायचा . त्यानंतर हळूहळू सोफ्टवेअर आणि टेक्निकल पुस्तके कमी होउ लागली आणि aptitude परीक्षा आणि मोटिव्हेशनल पुस्तकांची संख्या वाढू लागली , हार्ड डिस्कचा साठवणूक क्षमता वाढू लागलेने पिक्चर हि वाढू लागले. २०१५ नंतर टेक्निकल पुस्तके कमी झाली आणि यु ट्युब च्या व्हिडीओ, ओ टी टी वरच्या वेब सेरीज आणि त्याचबरोबर गेम्सचा भरणा वाढू लागला .लॅपटॉप हे शिकण्याच साधन कमी झालं आणि मनोरंजनाच साधन झालं.

आज जर पाहिलं (बघा जरा सहज सर्वे करून ) तर बऱ्यापैकी लॅपटॉपवर गेमिंगची सोफ्तवेअर आणि वेब सेरीज यांचाच भरणा दिसतो. अलीकडे लॅपटॉप हा शिकण्यासाठी कमी आणि गेमिंग साठीच घेण्याच प्रमाण वाढलं आहे .

कोडिंग च्या नावाखाली गेमिंगचे लॅपटॉप घेण्यामध्ये पालकांच्या पैशाची नासाडी होत चालली आहे .

तुमची प्रतिक्रिया अवश्य मांडा.
चित्तरंजन महाजन
डॉल्फिन लॅब्स,पुणे