Appa Renuse

ऐश्वर्य कट्ट्यावर रंगली अनुभवांची मैफल मैफिलीत त्रिमूर्तीने भरला रंग

ताणतणावाचे व्यवस्थापन, रक्तदानाचे महत्त्व आणि प्रशासकीय सेवेतील अनुभव, यासह अनेक प्रेरणादायी सुंदर विचारांचे आदान प्रदान आणि वैविध्यपूर्ण विचारवंतांनी ऐश्वर्य कट्ट्याची आजची मैफल रंगली... आजच्या कट्ट्यावरील मानकरी होते...मांईंड ट्रेनर डॉ दत्ता कोहिनकर, रक्ताचे नाते ट्रस्ट चे संस्थापक अध्यक्ष राम बांगड आणि महापालिका सहाय्यक आयुक्त लक्ष्मण कांदबाने... या वेगवेगळ्या क्षेत्रांत कार्यरत असणाऱ्या त्रिमूर्तीचे वैविध्यपूर्ण अनुभव, वैचारिक विचारांचे मंथन यामध्ये अनुभवायला मिळाली,

कार्यक्रमाच्या सुरुवातीला उपस्थित सर्वांचे शंखनादाच्या निनादात स्वागत आणि औक्षण करण्यात आले. मानाची शिंदेशाही पगडी, शाल, सन्मानपत्र, मोत्याची माळ देऊन सर्वांचा यथोचित सन्मान करण्यात आला.

या वेळी बोलताना माईंड ट्रेनर डॉ दत्ता कोहिनकर यांनी सांगितले की हजार युध्द जिंकण्यापेक्षा मनाचे एक युद्ध जिंकणे सर्वश्रेष्ठ आहे. तर नकारात्मक विचारांना सकारात्मक करण्याची कला अवगत असली पाहिजे, त्यासाठी आनंदी जीवन जगण्याची कला शिकण्यासाठी दहा दिवसाचे विपश्यना ध्यानशिबिर आवश्यक करावे असा सल्ला देखील कोहिनकर यांनी दिला.

रक्ताचे नाते ट्रस्ट चे संस्थापक अध्यक्ष राम बांगड यांनी रक्तदान चळवळी विषयी माहिती देताना सांगितले की, पंधरा राज्य बावीस जिल्हातून तब्बल पन्नास हजार हून अधिक रक्तदाते जोडले आहेत. तर दरवर्षी गरजूंना तब्बल वीस लाखाचे रक्त मोफत मिळवून दिले आहे. समाजात अनेकजण आपापल्या परीने समाजाचे ऋण फेडण्याचा प्रयत्न करीत असतात. मी रक्तदानाच्या माध्यमातून ऋण फेडण्याचे कार्य करत आहे...१३८ रक्तदान वेळा रक्तदान, १५ प्लाझ्मा तर २५ वेळा प्लेट लेट्स अशा पद्धतीने १७८ वेळा रक्तदान करणाऱ्या राम बांगड यांच्या कार्याचा अनेक सामाजिक संस्थांनी गौरव केला आहे.

महापालिका सहाय्यक आयुक्त लक्ष्मण कांदबाने यांनी आपल्या प्रशासकीय सेवेतील अनुभव कथन केले.

यावेळी आप्पासाहेब रेणुसे, अॅङ दिलीप जगताप, शंकर कडू, सर्जेराव शिळीमकर, पांडुरंग मरगजे, मधुकर कोंढरे, विलासराव भणगे, हितेश तन्ना, शिरीष चव्हाण, मनोज तोडकर, नितीन रांजणे रोहित रेणुसे मंगेश साळुंखे सुनील सोनवणे दत्ता तोडकर प्रवीण नामेकर, संतोष ढवण, प्रियांका अरगडे, स्नेहल कोंडे, शिल्पा उपळावीकर, सायली सोनजनकर आणि अप्पा रेणुसे मित्र परिवारातील अनेकजण उपस्थित होते.