Graphic Design Unlimited Program
Share
नमस्कार मित्रानो,
80-90 च्या दशकांपर्यंत टाईपरायटरचा जमाना होता. तेंव्हा विचारायचे “तुम्हाला टायपिंग येतं का?” नंतर कॉम्प्युटर आला. विचारू लागले “तुम्हाला कॉम्प्युटर येतो का?”. त्यानंतर इंटरनेट, ई-मेल आला. तेंव्हा विचारू लागले “तुम्हाला इंटरनेट सर्फिंग आणि ई-मेल येतो का?”. पुन्हा हळू हळू सोशल मिडिया आला, तेंव्हा विचारू लागले “तुम्हाला सोशल मिडिया जमतो का?” रेडिओ, टीव्ही चॅनलची मक्तेदारी YouTube ने मोडीत काढत सर्वांना फुकट स्वतःचे YouTube चॅनल काढायचे स्वातंत्र्य दिले. WhatsApp सारख्या ऍप मुळे कम्युनिकेशन सोपे आले. त्यामुळे नोकरी / व्यवसायाचे स्वरूपच पालटले. टेक्नॉलॉजीच्या या आक्रमणात बरेच धंदे मोडीत निघाले. ज्यांनी टेक्नॉलॉजी स्वीकारली ते टिकले. विद्यार्थ्यांना शिकत शिकत अपडेट राहण्याची जबाबदारी वाढली. वाटले टेक्नॉलॉजी स्थिर झाली. आता नवीन काय येणार? तोच गेल्या एक दोन वर्षात आर्टिफिशिअल इंटेलिजन्सची त्सुनामी आली आणि सारे जीवनच गडबडून गेले. हडबडून जागे व्हावे तशी अवस्था झाली. नोकरी व्यवसायात कुठेही जा “तुम्हाला AI येतं का ?” हा नवीन प्रश्न जन्माला आला. कालच शिकलो होतो, ते आज जुनं झालं. टिकण्यासाठी आता रोजच नवीन नवीन शिकण्याची गरज निर्माण झाली. सर्वच क्षेत्रात हे सारे जलद घडत असल्यामुळे काय शिकायचे आणि कोणत्या क्षेत्रात करिअर करायचे हा निर्णय घेणे कठीण झालंय. डिग्री घेऊनही मला काय येतंय?आणि माझा उपयोग काय? तेच कळेनासे झालंय. येत्या काही वर्षात निम्म्याहून अधिक नोकऱ्या जाणार हे कटू सत्य आहे. नवीन नोकरी मिळणार कशी? वर्षानुवर्षे जे शिकलात ते मातीत गेल्यासारखं वाटणं साहजिक आहे. पण तुम्ही जे शिकलात त्याचा दर्जा तपासून पाहा. AI मुळे सारे सोपं झालं असलं तरी परिस्थिती अतिशय बिकट झाली आहे. AI च्या कहाण्या ऐकून आणि चमत्कार पाहून स्वतःलाच शोधण्याची वेळ आली आहे.
सर्वच क्षेत्रांबरोबर ग्राफिक डिझाईन क्षेत्रही बदललं. पारंपरिक डिजिटल डिझाईन सॉफ्टवेअर्सची कामे AI ने आता सोपी केली आहेत. आत्तापर्यंत डिझाईनसाठी लागणारे कौशल्य हातात होते. पण ते आता हाताबाहेर जाऊन प्रॉम्प्ट मध्ये आलं आहे. प्रॉम्प्ट देऊन क्षणात चित्र बनेल, प्रॉम्प्ट देऊन चित्राचा व्हिडिओ बनेल किंवा प्रॉम्प्ट देऊन वेब डिझाईन बनेल असं कधी आम्हाला स्वप्नातही वाटलं नव्हतं. AI सारे काही करत असला तरी त्याला प्रॉम्प्ट (ऑर्डर) देण्यासाठी ज्या त्या विषयातील तज्ञ व्यक्ती असावी लागते. म्हणून स्वतःच्या कलेवर आणि ज्ञानावर विश्वास असणाऱ्यांनी AI ला घाबरण्याचे कारण नाही.
17/06/2025
ग्राफिक डिझाईन आता कुणीही करू शकतं!
विविध प्रकारच्या ग्राफिक डिझाईन्ससाठी Canva हे जगप्रसिद्ध आणि लोकप्रिय सॉफ्टवेअर आहे. ज्यामध्ये आर्टिफिशिअल इंटेलिजन्स सह सर्व प्रकारचे प्रिंट डिझाईन, वेब डिझाईन, सोशल मिडिया डिझाईन, इमेज एडिटिंग, व्हिडिओ एडिटिंग अशा सर्व प्रकारची ग्राफिक डिझाईन्स कुणीही सहज बनवू शकते. शालेय विद्यार्थ्यांपासून कलेची आवड असणारे विद्यार्थी, कॉलेज स्टुडंट्स, शिक्षक, गृहिणी, नोकरदार, व्यावसायिक या सर्वांसाठी हा कोर्स अत्यंत उपयुक्त आहे.
माहितीपत्रक डाऊनलोड किक -
https://artekeducation.com/download-course-ebook/
11/02/2025
पारंपरिक ब्रॅण्ड डिझाईनमधील… भ्रमाचा भोपळा फुटला.
एखादे ग्राफिक डिझाईन करायचे म्हटले तर त्याची एक विशिष्ट प्रोसेस असते. आणि त्या सर्व प्रोसेसमधून आर्टिस्टला जावे लागते. मोठ्या डिझाईन एजन्सीमध्ये प्रत्येक प्रोसेससाठी त्या त्या प्रोसेस संबंधित तज्ज्ञ लोक असतात, आणि शेवटी ते ग्राफिक डिझाईन बनते. उदा. मला चिकन मसाला या प्रोडक्ट्ची जाहिरात बनवायची आहे. तर सुरुवात थिंकिंग पासून होते. त्यासाठी क्रिएटिव्ह आर्ट डायरेक्टर आणि व्हिज्युअलायझर एकत्रपणे थोडी चर्चा करून डिझाईन कसे असायला पाहिजे यावर विचार करायला सुरुवात करतात. उदा. एखादी मध्यवर्ती कल्पना सुचली कि त्यावर आधारित डिझाईनमध्ये कोणता फोटो वापरायला पाहिजे? हेडलाईन कशी असावी, मजकूर काय असावा. हे ठरवले जाते. त्यानुसार फोटोग्राफरला सूचना देऊन त्या कल्पनेनुसार फोटोग्राफी करायला सांगतात. आर्ट डायरेक्टर / व्हिज्युअलायझर यांना लाखो रुपये पगार असतो. कमर्शिअल फोटोग्राफीचे दर अव्वाच्या सव्वा असतात. आणि ते त्यांना मिळतातही. पाच पन्नास फोटो शूट करून त्यातील दोन चार फोटो फायनल होतात. डिझाईनची मध्यवर्ती कल्पना आणि ते फोटो दाखवून कॉपी रायटरला पाचारण करण्यात येते. तो दिवसभर सिगारेट फुकत तीन चार संबंधित हेडलाईन्स आणि त्याखालील मजकून लिहून देतो. थोडक्यात डिझाईनच्या मध्यवर्ती कल्पनेवर आधारित फोटोज, हेडलाईन्स आणि कॉपी मॅटर तयार होतो. मध्येच डिझाईनमध्ये एखादे इलस्ट्रेशन असावे ठरते. मग हातात पेन्सिल, ब्रश आणि कलर घेऊन इलस्ट्रेटर आर्टिस्ट वाटच पाहत असतो. आर्ट डायरेक्टरच्या सूचनेनुसार एक दोन दिवसात तो पाच -सहा इलस्ट्रेशन्स करतो. सर्वानुमते योग्य ते इलस्ट्रेशन फायनल करून वापरायचे ठरते. एका जाहिरातीच्या ग्राफिक डिझाईनसाठी हा सारा लवाजमा पाच-सहा दिवस काम करून डिझाईनसाठी लागणारे हे सर्व रॉ मटेरियल जमा करतात. आता नंबर लागतो लेआऊट / कॉम्पोझिशन आर्टिस्टचा. बिचारा हा कमर्शिअल आर्टिस्टच असतो. ह्या साऱ्यांच्या अपेक्षा आणि दबावाखाली जाहिरातीचा लेआऊट करायला घेतो. एक दोन दिवसात तो चार-पाच लेआऊट तयार करतो. पुन्हा सारी मंडळी एकत्र जमा होऊन डिझाईनची निवड प्रक्रिया सुरु करतात. सर्वानुमते ठीक वाटलेली एक-दोन डिझाईन्सच्या फायनल प्रिंट काढून अप्रूव्हलसाठी कस्टमरला दाखवण्यासाठी नेतात. किंवा आता ई-मेल किंवा व्हाट्सअप करतात. पुन्हा पुन्हा त्यामध्ये करेक्शन्स करून एकदाचे फायनल प्रिंट किंवा वेब रेडी डिझाईन आणि आर्टवर्क तयार होते. एक ग्राफिक डिझाईन बनविण्यासाठी केवढा हा खटाटोप. मूळ डिझाईनचा चिकन मसाला प्रॉडक्ट, त्याची क्वालिटी, वैशिष्ठे आणि डिझाईनसाठी त्या प्रॉडक्ट विषयी होणाऱ्या चर्चेचा विषय मी इथे घेतला नाही. एखाद्या प्रॉडक्ट किंवा सेवेचे ब्रॅण्डिंग काल होते आणि आजही आहे. पण आज हे काम म्हणजे लहान मुलांचा खेळ झालाय. पण हा पोरखेळ खेळण्यासाठी या विषयाची पूर्ण माहिती असायला हवी, एवढी एकच अट आहे. नाहीतर या पोरखेळाचा कधी कधी खेळ खंडोबा होऊ शकतो ही गोष्ट लक्षात असुद्या.
जाहिरातीच्या टायटल / मजकुरासाठी लागणारे शब्द कौशल्य, लक्ष वेधणारी कल्पना शक्ती, चित्रकारीसाठी लागणारे हस्तकौशल्य, सौंदर्य दृष्टी या गोष्टी संपल्या नाहीत पण आता जुन्या झाल्या, या सर्व कामासाठी वेगवेगळ्या कलाकारांची आता गरज नाही. आता कोणीही हे काम खूपच चांगले आणि कमी वेळेत करू शकतो. डिझाईनसाठी फक्त आर्टिस्टच लागतो या भ्रमात आम्ही आजपर्यंत होतो. पण DeepSeek आणि इतर अनेक आर्टिफिशिअल इंटेलिजन्समुळे पारंपरिक ब्रॅण्ड डिझाईनमधील भ्रमाचा भोपळा फुटून आमचा भ्रमनिरास झाला असला तरी त्याकडे दुर्लक्ष किंवा त्याला सोडून चालणार नाही हे मात्र खरे. स्पर्धेत टिकून राहायचे असेल तर आवडीच्या विषयातील परिपूर्ण ज्ञान घ्या आणि सोबत AI चा स्वीकार करा. ग्राफिक डिझाईनर आणि ज्यांना ग्राफिक डिझाईनमध्ये नव्याने करिअर करण्याची इच्छा आहे त्यांच्यासाठी जे जे आवश्यक आहे ते मी इथून पुढे लिहीनच. पण ज्यांना वर्षात AI सह ग्राफिक डिझाईन मास्टर व्हायचे आहे त्यांच्यासाठी आमचा ‘Graphic Design with Artificial Intelligence’ हा ऑनलाईन / ऑफलाईन कोर्स आहेच. कोर्स माहितीपत्रकासाठी WhatsApp करा.
भागवत पवार, मो. 093711 02678
17/01/2025
1993-94 पर्यंतचा काळ आर्टिस्टसाठी सुगीचा होता. कारण ग्राफिक डिझाईन करण्यासाठी कमर्शिअल आर्टिस्टच लागायचा. स्केचिंग, इलस्ट्रेशन, फोटोग्राफी, कॅलिग्राफी, टायपोग्राफी असे विषय आणि बरेचशे कटिंग-पेस्टींग चे काम असायचे. त्यामध्ये कला आणि कौशल्य असायचे. त्यामुळे जाहिरात, प्रिंटिंग क्षेत्रात आर्टिस्टचे एक स्वतंत्र स्थान होते. त्यानंतर कॉम्प्युटर आल्यावर हे चित्र थोडे पालटले. आर्टिस्टला नकळत थोडी धास्ती वाटली खरी. पण सृजनशीलतेच्या जोरावर ग्राफिक डिझाईनवर त्याने प्रभुत्व ठेवले. 1998-99 नंतर इंटरनेट आले, ई-मेल आला. वेब डिझाईन सुरु झाले, तसे जाहिरात, मार्केटिंगमध्ये कम्युनिकेशन सोपे झाले. प्रिंट टेक्नॉलॉजीमध्ये डिजिटल प्रिंटिंग सुरु झाले, त्याचा परिणाम स्क्रीन / ऑफसेट प्रिंटर्स तसेच साईन बोर्ड आणि पायाडावर उभे राहून मोठमोठी होर्डिंग रंगविणाऱ्या पेंटरच्या व्यवसायावर झाला. अशा काळातही क्रिएटिव्ह डिझाईन बनविण्यासाठी आर्ट डायरेक्टर, व्हिज्युअलायझर, कॉपी रायटर, कमर्शिअल आर्टिस्ट यांचे महत्व होते. कंपनी किंवा प्रोडक्ट्च्या ब्रॅण्डिंगसाठी त्यांची गरज होती. त्यानंतर Facebook, Youtube, Instagram, LinkedIn, X असे सोशल मीडिया प्लॅटफॉर्म आले, सोशल मिडिया मार्केटिंग सुरु झाले, मेसेजिंग मध्ये WhatsApp ने बाजी मारली. WhatsApp मार्केटिंग सुरु झाले, टेक्स्ट, इमेज आणि व्यावसायिक व्हिडिओ पाठवणे अगदी सुलभ झाले. सोशल मिडियामुळे सर्वच क्षेत्रात गेली दहा - पंधरा वर्षे प्रचंड उलतापालथ झाली. Canva सारख्या ऍपमुळे डिझाईन करणे कुणालाही सोपे झाले. ऑटोमेशनमुळे व्यवसायात बऱ्याच गोष्टी सोप्या झाल्या. डिझाईनरवर अवलंबून राहणे कमी झाले. ज्यासाठी पूर्वी ग्राफिक डिझाईनरच लागायचा अशी बरीच कॉमन डिझाईन्स लोक स्वतःच बनवू लागली. आर्टिस्ट कोम्यात गेल्यासारखा झाला. तरीही जिवंत होता. गेल्या 25 - 30 वर्षात नवीन नवीन टेक्नॉलॉजी येत गेली, एक नवीन आलेली टेक्नॉलॉजी शिकेपर्यंत दुसरी टेक्नॉलॉजी यायची, त्यामुळे आमच्या बरोबरीच्या ग्राफिक डिझाईनर्सचे सारे आयुष्य शिकण्यातच गेले. शिकले ते थोडे टिकले. ग्राफिक डिझाईनचा हा खडतर इतिहास खरोखर मनोरंजक आहे. आणि हो आता तर आर्टिफिशिअल इंटेलिजन्सने ग्राफिक डिझाईनमध्ये धुमाकूळच घातलाय. जे डिझाईन बनवण्यासाठी पूर्वी आम्ही दिवस दिवसभर राबायचो ते डिझाईन AI मुळे आता चुटकीसरशी बनते. डिझाईनसाठी क्रिएटिव्ह आयडिया सुचविण्याबरोबरच ग्राफिक डिझाईनरने करायच्या कामांपैकी जवळजवळ 90 टक्के काम आता AI करू लागलंय. त्यामुळे आता कमर्शिअल आर्टिस्ट / ग्राफिक डिझाईनरला ह्या AI टेक्नॉलॉजीचा स्वीकार करायलाच हवा. आणि या क्षेत्रात करिअर करू इच्छिणाऱ्या नवोदितांनी ग्राफिक डिझाईनमध्ये AI चा वापर करायला शिकल्याशिवाय गत्यंतर नाही.
म्हणूनच AI सह ग्राफिक डिझाईनचा 3 महिन्याचा फुल-टाईम ऑफलाईन कोर्स 10 फेब्रुवारीपासून सुरु करीत आहे. संपर्क: 9371102678
Click here to claim your Sponsored Listing.
Category
Contact the school
Telephone
Website
Address
A/404, Avnish Regency, Vadgaon Budruk, Near Vishwas Hotel, Navale Bridge
Pune
411041
Opening Hours
| Monday | 10am - 6pm |
| Tuesday | 10am - 6pm |
| Wednesday | 10am - 6pm |
| Thursday | 10am - 6pm |
| Friday | 10am - 6pm |
| Saturday | 10am - 6pm |
