Bodoland Channel NE

जै बर'हारिनि जै बर'सा देरहासात देरहासात।

दिनै आसाम केबिनेटआ BTR गोरोथानि दफा नं 5.1 थानाय बादि BTR नि बाइजोयाव थानाय बर'फोरनो Bodo - Kachari Welfare Autonomous Council खौ दानानै होबाय आरो दफा नं 6.2 आव थानाय बादियै बर' रावखौ आसामनि लोगो मावख'वारि राव महरैनो गनायथि होबाय। बेखौ लानानै जोंनि बर' हारिया आरो आगानसे दावगानो हाबावबाय। बिनिखायनो आं दुलाराय बर' फरायसा आफादनि जानानै बड'फा उपेन्द्र' नाथ ब्रह्मखौ गोसो गोर्बोजों खुलुमहरो। BTR गोरोबथानि गासै सागानगिरि, बारग' एन दि एफ बि, बर' थुनलाइ आफाद, एबसुनि दैदेनगिरि मावथि लोगो आरो बर' हारिनि थांना थानायनि थाखाय गावखौ बावसोमबोनाय साफ्रोम बर' फिसाफोरखौ गोसो गोरबोनिफ्राइ साबायखर बावहरो। थांनाय गोलाव समाव बर' हारिनि रैखाथि आरो थांना थानायनि थाखाय सोमावसारनानै जिउ गोमानाय, बेंगुरा - बेंगुरि जाबोनाय साफ्रोम बर' फिसाफोरखौ गोसो गोर्बोनिफ्राइ साबायखर बावहरबाय।
दिनैनि दिनाव जोंनि हारिया मोनसे गुवार लामायाव सौफैनो हाबाय। बिनिखायनो जों खौसेयै बर' माहारि दानायाव बाहागो लानांगोन अब्लासो हारिया गेरेमसा महर मोनगोन। फैबाय थानाय समावबो BTR गोरोबथानि दफाफोरा मावफुंजानायजों लोगोसे बुहुमाव थानाय गासै बर'फोरनि थाखाय मोनसे रंजाथाव सान जानानै फैथों बेखौनो आं आफा अबंलावरिनिसिम आरज गाब्बाय। फै जों बर' हारिखौ खौसेयै बुहुमनि बिखायाव गेरेमसा हारि महरै दालांनि।
©Lawrence Islary