LCV Channel

பொள்ளாச்சி சட்டமன்ற தொகுதி கொங்குநாடு மக்கள் தேசிய கட்சி (திமுக) கூட்டணி வேட்பாளர் நித்தியானந்தன் பேட்டி...

பொள்ளாச்சி அருகே பயங்கர விபத்து சுற்றுலா வேன் கவிழ்ந்து 22 பேர் உயிர்தப்பினர் இருசக்கர வாகன ஓட்டுநர் பலி

பொள்ளாச்சி மே: 03
கோயம்புத்தூர் மாவட்டம் பொள்ளாச்சி அருகே அரசூர் பிரிவில் இன்று ஏற்பட்ட சாலை விபத்து பரபரப்பை ஏற்படுத்தியது. இராமநாதபுரம் மாவட்டம் கீழக்கரை பகுதியைச் சேர்ந்த 22 பேர் வால்பாறை சுற்றுலா செல்லும் நோக்கில் வேனில் பயணம் மேற்கொண்டிருந்தனர்.
அப்போது அரசூர் பிரிவில் அதிவேகமாக வந்த சுற்றுலா வேன் ஓட்டுநரின் கட்டுப்பாட்டை இழந்து, எதிரே வந்த டெம்போ மற்றும் இருசக்கர வாகனத்தில் மோதியது. மோதலின் தாக்கத்தில் வேன் தலைகுப்புற கவிழ்ந்தது. இந்த விபத்தில் வேனில் பயணம் செய்த 22 பேரும் அதிர்ஷ்டவசமாக உயிர் தப்பினர். ஆனால், வேன் மோதியதில் முதலிபுதூர் பகுதியைச் சேர்ந்த ரமேஷ் என்ற இருசக்கர வாகன ஓட்டுநர் சம்பவ இடத்திலேயே உயிரிழந்தார்.தகவல் அறிந்த கோட்டூர் போலீசார் சம்பவ இடத்திற்கு விரைந்து வந்து விசாரணை மேற்கொண்டு வருகின்றனர். விபத்திற்கான காரணங்கள் குறித்து தொடர்ந்து விசாரணை நடைபெற்று வருகிறது.

பறவைகளுக்கு தானியமும் தண்ணீரும்… இயற்கையோடு வளர்க்கும் பெத்தநாயக்கனூர் அரசு பள்ளி மாணவர்கள்!

15 நாளில் ஆங்கிலம் பேசும் தன்னம்பிக்கை குழந்தைகளுக்கான புதிய பயிற்சி

5 முதல் 10 வயது குழந்தைகள் ஆங்கிலத்தில் பேச தயக்கம் காட்டுவது அதிகரித்து வரும் நிலையில், அவர்களுக்கு தன்னம்பிக்கை அளிக்கும் வகையில் புதிய பயிற்சி திட்டம் அறிமுகப்படுத்தப்பட்டுள்ளது. “Transform your child” என்ற பெயரில் நடைபெறும் இந்த திட்டம், குழந்தைகளின் ஆங்கில பேச்சுத் திறனை மேம்படுத்துவதை நோக்கமாகக் கொண்டுள்ளது.

இந்த பயிற்சியில், எளிய *Phonics* முறைகள், சுவாரஸ்யமான கதையாடல் (Storytelling) பயிற்சிகள் மூலம் குழந்தைகள் இயல்பாக ஆங்கிலம் பேச கற்றுக் கொள்ளும் வகையில் திட்டமிடப்பட்டுள்ளது. மேலும், குறுகிய காலத்தில் – குறிப்பாக 15 நாட்களில் – குழந்தைகளின் நம்பிக்கையை உயர்த்துவதாகவும் பயிற்சி அமைப்பாளர்கள் தெரிவிக்கின்றனர்.

பயிற்சிக்கான இலவச டெமோ வகுப்பும் வழங்கப்படுகின்றது. குறைந்த இடங்கள் மட்டுமே உள்ளதால், பெற்றோர்கள் முன்கூட்டியே பதிவு செய்ய அறிவுறுத்தப்பட்டுள்ளனர்.

குழந்தைகளின் எதிர்கால வளர்ச்சிக்கு முக்கியமான ஆங்கிலத் திறனை வளர்க்கும் இந்த முயற்சி, பெற்றோரிடையே கவனம் ஈர்த்துள்ளது.
மேலும் தகவலுக்கு : 94869 20758

பொள்ளாச்சி அருகே உள்ள காளியாபுரம் பகுதியில் ஒருவரை அடித்து கொலை செய்து புதைத்த சம்பவம் பரபரப்பை ஏற்படுத்தி உள்ளது.

வால்பாறை பொள்ளாச்சி சாலையில் சிறுத்தை நடமாட்டம்.....

சரிவை நோக்கி செல்லும் ஆழியார் அணையின் நீர்மட்டம்
வெயிலின் தாக்கத்தால் விறுவிறு என நீர் இருப்பு குறைவு...

பொள்ளாச்சியில் சட்டவிரோத மதுபான விற்பனை 1314 பாட்டில்கள் பறிமுதல் இளைஞர் கைது.....

100 டிகிரி வெப்பம் பகல் 12 மணி உச்சி வெயிலில் ஆழியார் அணையில் ரீல்ஸ் மோகத்தில் கேரள இளைஞர்கள்

பொள்ளாச்சியை அடுத்த ஆழியார் பகுதியில் தினமும் நூற்றுக்கும் மேற்பட்ட சுற்றுலா பயணிகள் வந்து செல்வது வழக்கம். தற்போது வெயிலின் தாக்கம் அதிகரித்து காணப்படுவதால் பெரும்பாலும் சுற்றுலா பயணிகள் பகல் நேரங்களில் சுற்றுலா செல்வதை தவிர்த்து வருகின்றனர். இந்நிலையில் இன்று பொள்ளாச்சி ஆழியார் பகுதியில் சுமார் 100 டிகிரி ஃபாரன்ஹீட் வெப்பம் காணப்பட்டது . கடும் வெயில் சுட்டெரிக்கும் பகுதியில், அதுவும் அணைக்கட்டின் மேற்பரப்பில் கானல் நீர் வெப்பம் தகிக்கும் நிலையில் கேரளப் பகுதியைச் சேர்ந்த இரண்டு இளைஞர்கள் வெயிலின் தாக்கத்தை பொருட்படுத்தாமல் கைபேசியில் பாடல்களை ஒலிக்க விட்டு சளைக்காமல் ரீல்ஸ் செய்து கொண்டிருந்தனர். சுமார் 20 டிரயல்களுக்கு(trails) மேல் ஒவ்வொரு முறையும் ஒப்பனை செய்து, தொடர்ந்து பாடல்களை சரியான இடத்தில் ஒலிக்கவிட்டு பகல் 12:00 மணி உச்சி வெயிலில் 100 டிகிரி ஃபாரன்ஹீட் வெப்பத்திலும் ரீல்ஸை தொடர்ந்து கொண்டிருந்தனர்.கடந்த சில நாட்களாக சுற்றுலாத்தலங்களில் ரீல்ஸ் மோகம் இளைஞர்களுடைய அதிகரித்து காணப்படுகிறது....

உழைப்பாளர் தினத்தை முன்னிட்டு வடக்கு நகர திமுக சார்பில் ஆட்டோ ஓட்டுநர்களுக்கு நலத்திட்ட உதவிகள் வழங்கப்பட்டன.

மே ஒன்றாம் தேதி நாடு முழுவதும் உலக உழைப்பாளர் தினம் கொண்டாடப்படுகிறது. இதன் ஒரு பகுதியாக இன்று உலக உழைப்பாளர் தினத்தை முன்னிட்டு பொள்ளாச்சி வடக்கு நகர திமுக சார்பில் ஆட்டோ ஓட்டுநர்களுக்கு நலத்திட்ட உதவிகள் வழங்கும் விழா நடைபெற்றது. தேர்நிலை திடல் பகுதியில் உள்ள திமுக அலுவலகத்தில் வடக்கு நகர திமுக செயலாளர் நவநீதகிருஷ்ணன் தலைமையில் நடைபெற்ற இந்த விழாவில் திமுக தகவல் தொழில்நுட்ப அணி இணை செயலாளர் டாக்டர் மகேந்திரன் கலந்துகொண்டு ஆட்டோ ஓட்டுநர்களுக்கு நலத்திட்ட உதவிகளை வழங்கி வாழ்த்துக்களை தெரிவித்தார். இந்த நிகழ்ச்சியில் பொள்ளாச்சி நகராட்சி தலைவர் சியாமளா உள்ளிட்ட திமுக நிர்வாகிகள் பலர் கலந்து கொண்டனர்.