AMLP School Kodathoor

കോടത്തൂർ എഎംഎൽപി സ്കൂളിന്റെ 98-ാം വാർഷികാഘോഷം വിവിധ പരിപാടികളോടെ ആഘോഷിച്ചു. സാംസ്കാരിക സമ്മേളനം പെരുമ്പടപ്പ് ഗ്രാമ പഞ്ചായത്ത് പ്രസിഡന്റ് ബീനീഷ മുസ്തഫ ഉൽഘാടനം ചെയ്തു.
സ്കൂളിലെ ഏറ്റവും മികച്ച പാരന്റിങ്ങ് അവാർഡ് ഹന്നമോളുടെ രക്ഷിതാകളായ സലീംകോടത്തൂരിനും സഹധർമ്മിണിക്കും ജില്ലാ പഞ്ചായത്ത് മെമ്പർ എ.കെ.സുബൈർ സമ്മാനിച്ചു. പഠനത്തിൽ മികച്ച പ്രകടനം നടത്തിയ വിദ്യാർത്ഥികൾക്കുള്ള ദേവകി വാരസ്യാർ എൻഡോവ്മെന്റ് ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീമതി സൗദാമിനി സമ്മാനിച്ചു . ഗണിതത്തിൽ ഏറ്റവും മാർക്ക് നേടിയ കുട്ടികൾക്കുളള എൻഡോവ്മെന്റ് ജോളി ടീച്ചർ നൽക്കി. മികച്ച കായിക താരങ്ങൾക്കുള്ള അവാർഡ് ബ്ലോക്ക് പഞ്ചായത്ത് മെമ്പർ പി റംഷാദ് സമ്മാനിച്ചു.കുട്ടികളുടെ വീട്ടിൽ ഒരുക്കിയ പുന്തോട്ടത്തിൽ നിന്ന് മികച്ചതിനുള്ള അവാർഡ്
പെരുമ്പടപ്പ് പഞ്ചായത്ത് മെമ്പർ വിജിത പ്രജിത് നൽകി.മാനേജ്മെന്റ് പ്രതിനിധി അക്ബർഷാ, അബ്ദു മാസ്റ്റർ, പിടിഎ വൈസ് പ്രസിഡന്റ് സി.കെ.റസാക്ക് , എം ടി എ പ്രസിഡന്റ് പ്രീതി സുമേഷ് എന്നിവർ ആശംസ അർപ്പിച്ചു സംസാരിച്ചു.സ്കൂൾ ഹെഡ്മിസ്ട്രസ് മേഴ്സി ടീച്ചർ സ്വാഗതവും ബിന്ദു ടീച്ചർ നന്ദിയും പറഞ്ഞു പിടിഎ പ്രസിഡണ്ട് ഫാരിസ് കല്ലാട്ടേൽ അധ്യക്ഷനായിരുന്നു.

തുടർന്ന് കുട്ടികളുടെ കലാപരിപാടികളും സലീം കോടത്തൂർ നയിച്ച മ്യുസിക്ക് നൈറ്റും നടന്നു.