Actor Rajni Kant Kushwaha

सावन चुअई राते दिन हो -२
मलीन मोर मुख भेल राजा जी
दुःख भेल राजा जी दूर सुख भेल राजा जी
दे देलऽ कइसन कुदिन हो
मलीन मोर.....................-२

बिन पतवार नईया, डग-मग डोले -२
डग-मग डोले नईया डग-मग डोले
भंवर में फंसल बिरहिन हो -२
मलीन मोर.....................-२

हरियर बाध में, पानी छहलाएल -२
पानी छहलाएल हो पानी छहलाएल
मोर तन भेलक अगिन हो -२
मलीन मोर.....................-२

रजनी सपन मोर, जीउ हदसावे -२
जीउ हदसावे मोरा जीउ हदसावे
देलऽ जहर लाके सउतीन हो -२
मलीन मोर.....................-२
(१८/०६/२०२६)
#गीतकार_रजनी_कान्त #कवि_रजनी_कान्त #मगहियाछौंड़ा #मगहीलोकगीत #मगहीकजरी #मगहीगीत #मगही Actor Rajni Kant Kushwaha

बरखे बदरा सावन हरिआएल हे
मन अकुलाएल हे न -२

झूला बिरह गीत गाये
बरखा नैना के लजाये -२
बिरह बरछी से दिलवा छेदाएल हे
मन अकुलाएल हे न -२

हिया हम मउलाएल
तोरा लागी पगलाएल -२
राग मल्हार के जगहा मारवा आएल हे
मन अकुलाएल हे न -२

बिजुरी जब-जब डेरावे
रजनी साथ मोर निभावे -२
तोहर आस में आंख चोंधरिआएल हे
मन अकुलाएल हे न -२
(१६/०६/२०२६)
#गीतकार_रजनी_कान्त #कवि_रजनी_कान्त #मगहियाछौंड़ा #मगहीलोकगीत #मगहीगीत #मगहीकजरी #मगही Actor Rajni Kant Kushwaha

आवऽ त नाच नचाएम राजा जी -२
हम सेजिया प बदला सधाएम राजा जी -२

कइली इंतजार हम, तोरा कराएम
सासु के पंजरा, बिछौना बिछाएम -२
आठो पहर अंगुठा, देखाएम राजा जी -२
हम सेजिया प बदला.....................-२

कुछ दिन जुदाई के, मज़ा तूं हूं लीहऽ
निमन लगत दोष, हमरा तूं दिहऽ -२
दरद देख हम हूं, मुस्काएम राजा जी -२
हम सेजिया प बदला.....................-२

रजनी पिया जी, तोरा खखना देम
हफ्ता दूं हफ्ता, तोरा छछना देम -२
दबवा के गोर असरा, पुराएम राजा जी -२
हम सेजिया प बदला.....................-२
(१४/०६/२०२६)
#गीतकार_रजनी_कान्त #कवि_रजनी_कान्त #मगहीलोकगीत #मगहियाछौंड़ा #मगहीगीत #मगही Actor Rajni Kant Kushwaha