GST Filing

Courtesy :- Malayala Manorama

GST Amenesty Scheme
*ജിഎസ്‌ടി അമിനാസ്റ്റി സ്‌കീം. 2021.*

● ജിഎസ്‌ടി അമിനാസ്റ്റി സ്‌കീം എന്നാൽ ജിഎസ്‌ടി യിൽ രെജിസ്ട്രേഷൻ എടുക്കുകയും എന്നാൽ റിട്ടേൺ ഫയൽ ചെയാതിരിക്കുകയോ അല്ലെങ്കിൽ ഇടയ്ക്കു വെച്ചു റിട്ടേൺ ഫയൽ ചെയ്യുന്നതിൽ വീഴ്ച വരുത്തുകയോ ചെയ്‌ത ബിസിനസ് സ്ഥാപനങ്ങൾക്കു ലേറ്റ് ഫീസ്/ഇന്റെരെസ്റ്റ്/പെനാൽറ്റി ഒന്നുമില്ലാതെ മുടക്കം വന്ന റിട്ടേൺ ഫയൽ ചെയ്യാൻ നൽകുന്ന ഒരു അവസരം ആണ് ജി എസ്‌ ടി അമിനാസ്റ്റി സ്‌കീം.
● ഗവർമെന്റിന്റെ പോളിസി ഡിസിഷനുമായി ബന്ധപ്പെട്ട ഇത്തരം സ്കീമുകൾ ഓരോ പ്രത്യേക സാഹചര്യങ്ങൾക്കനുസരിച്ചാണ് പ്രഖ്യാപിക്കാറുള്ളത്.
നിലവിൽ 2017- 2020 കാലയളവിൽ രണ്ടു തവണ പ്രഖ്യാപിച്ച ഈ സ്‌കീം അറിവില്ലായ്മ കൊണ്ടും,അശ്രദ്ധ കൊണ്ടും,സാമ്പത്തിക ബുദ്ധിമുട്ടുകൾ കൊണ്ടും റിട്ടേൺ ഫയൽ ചെയ്യാതിരുന്ന ധാരാളം വ്യബാരികൾക്കു വലിയൊരു ആശ്വാസം തന്നെ ആയിരുന്നു.
● 2017 ജൂലൈ മുതൽ 2020 ജൂലൈ വരെയുള്ള കാലയളവിലെ മുടക്കം വന്ന ടാക്സ് ബാധ്യത ഉള്ള റിട്ടേണുകൾ വെറും Rs.500/Month പിഴ അടച്ചും നിൽ റിട്ടേർണുകൾ പിഴ കൂടാതെയും ഫയൽ ചെയ്യാനുള്ള സമയ പരിധി 2020 സ്പെറ്റംബർ ആയിരുന്നു. എന്നാൽ കോവിഡ് 19 മഹാമാരി മൂലം ഈ സ്‌കീം വേണ്ടരീതിയിൽ ഉപയോഗിക്കാനോ ബിസിനസ് സ്ഥാപങ്ങൾ അടച്ചിട്ടതിനാൽ തുടർന്നുള്ള റിട്ടേണുകൾ യഥാസമയം ഫയൽ ചെയ്യാനും വ്യബാരികൾക്കു സാധിച്ചിരുന്നില്ല.
● നിലവിൽ സെപ്റ്റംബർ 2020 ൽ അവസാനിച്ച ഈ സ്‌കീം 2021march വരെ നീട്ടി തരണം എന്നു കാണിച്ചു ധാരാളം നിവേദനങ്ങളും,അപേക്ഷകളും സമർപ്പിക്കപ്പെട്ടു കഴിഞ്ഞു.
ഇതിന്റെ എല്ലാം അടിസ്ഥാനത്തിലാണ് ഗവർമെന്റ് ഒരുവട്ടം കൂടെ അമിനാസ്റ്റി സ്‌കീം പ്രഖ്യാപിക്കുന്നത് എന്നാണ് റിപോർട്ടുകൾ സൂചിപ്പിക്കുന്നത്.
● പുതിയ റിപോർട്ടുകൾ പ്രകാരം ഫിനാൻസ് മിനിസ്ട്രി ജിഎസ്‌ടി കൗൺസിലിന് നിർദ്ദേശം നല്കിയിട്ടുണ്ടെങ്കിലും അവസാന തീരുമാനം കൈക്കൊള്ളുന്നത് ജിഎസ്‌ടി കൗൺസിൽ ആണ് എന്നതിനാൽ അടുത്ത ജി എസ്‌ ടി കൗൺസിൽ മീറ്റിംഗ് വരെ കാത്തിരിക്കേണ്ടി വരും എന്നതാണ് അവസ്ഥ.
● ജി എസ്‌ ടി അമിനാസ്റ്റി സ്‌കീം പ്രഖ്യാപിക്കുമ്പോൾ ടാക്സ് ബാധ്യത ഉള്ള റിട്ടേണുകൾക്കു ലേറ്റ് ഫീസ് പഴയ പോലെ Rs.500/month ആവുമോ അതോ പുതിയ റേറ്റ് നിജപ്പെടുത്തുമോ എന്നതും 18% ഇന്റെരെസ്റ്റ് 9% ആയികുറക്കുമോ എന്നതും കണ്ടറിയേണ്ടത് തന്നെയാണ്.
● കൂടാതെ റെഗുലർ സ്കീമിലുള്ള ബിസിനെസ്സുകളുടെ മറ്റു റിട്ടേണുകൾ ആയ GSTR1,GSTR9 കോംപോസിഷൻ ബിസിനെസ്സുകളുടെ വാർഷിക റിട്ടേൺ ആയ GSTR4 എന്നിവയുടെയും ലേറ്റ് ഫീ ഒഴിവാക്കി കിട്ടുമോ എന്നതും കണ്ടറിയേണ്ടതാണ്.
● അതുപോലെ തന്നെ sec.16(4) പ്രകാരമുള്ള സമയ പരിധി കഴിഞ്ഞ ശേഷം ഫയൽ ചെയുന്ന റിട്ടേണുകൾക്കു ഇന്പുട് ടാക്സ് ക്രെഡിറ്റ് ലഭിക്കുമോ എന്നതും Rule 36(4) പ്രകാരം ഇന്പുട് എടുക്കേണ്ട രീതിയിലും എന്തെങ്കിലും ഇളവുകൾ ലഭിക്കുമോ എന്നതും കണ്ടറിയേണ്ട ഒന്നു തന്നെയാണ്.
♤ *വാൽകഷ്ണം.*
ഓരോ സമയവും ജി എസ്‌ ടി അമിനാസ്റ്റി സ്‌കീം പ്രഖ്യാപിക്കുന്നു എന്ന് റിപോർട്ടുകൾ പുറത്തുവരുമ്പോൾ റിട്ടേൺ ഫയൽ ചെയ്യാത്തത് കൊണ്ട് പതിനായിരങ്ങളും,ലക്ഷങ്ങളും പിഴ അടക്കേണ്ടി വരുന്ന വ്യാബാരി സമൂഹത്തിനു വളരെയേറെ ആശ്വാസം നൽകുന്നുണ്ടെങ്കിലും, ഇതിന്റെയെല്ലാം അവസാന പ്രതീക്ഷയായ ജി എസ്‌ ടി കൗൺസിൽ മീറ്റിംഗ് തീയതി പ്രഖ്യാപിക്കാതെ അനന്തമായി നീളുന്നതിനാൽ വലിയ രീതിയിൽ ഉള്ള നിരാശയും,അമർശവുമാണ് വ്യാപാരികൾക്കുള്ളത്....