Palliyodam Aranmula

ചരിത്രപ്രസിദ്ധമായ കൂടിയെഴുന്നള്ളത്ത് 🪷🍃

പൊന്ന് തമ്പുരാന്‍ ആറന്മുള ശ്രീ പാർത്ഥസാരഥിയുടേയും, പുന്നംതോട്ടം ഭഗവതിയുടേയും എഴുന്നള്ളത്താണിത്. മീനമാസത്തിലെ പൂരം നാളിൽ കുരുമുളക്കാവ് ആറാട്ട് കടവില്‍ നടക്കുന്ന പൂരംകുളിക്ക് ശേഷം ഉത്രം നാളില്‍ ദേവി തിരു ആറാട്ടിനായി ആറന്മുള ക്ഷേത്രത്തിലേക്ക് എഴുന്നള്ളന്നു. എഴുന്നള്ളിയെത്തുന്ന തന്റെ അരുമ പെങ്ങളെ സ്വീകരിക്കാന്‍ ആറന്മുളേശൻ അത്താഴശ്രീബലി സമയം ഗരുഡവാഹനത്തില്‍ എഴുന്നള്ളി കിഴക്കേ ഗോപുര നടയില്‍ നില്‍ക്കും. അവിടെ നിന്നും ദേവി എഴുന്നള്ളി ഭഗവാനുമൊത്ത് മുഖാമുഖം ക്ഷേത്രത്തിന് പ്രദക്ഷിണം വയ്ക്കും. അതിന് ശേഷം ഭഗവാന്‍ ശ്രീലകത്തേക്ക് എഴുന്നള്ളും, ഭഗവതി ക്ഷേത്രക്കടവിൽ ആറാടി തിരികെ നാലമ്പലത്തിൽ എഴുന്നള്ളി നമസ്കാര മണ്ഡപത്തില്‍ വിശേഷാല്‍ പൂജകൾക്ക് ശേഷം സഹോദരൻ നല്‍കുന്ന വിഷു കൈനീട്ടവും, ഓണക്കോടിയും സ്വീകരിച്ച് അടുത്ത വര്‍ഷം കാണാമെന്ന വിശ്വാസത്തില്‍ ഭഗവതി പുന്നംതോട്ടത്തേക്ക് യാത്രയാവുന്നതാണ് ചടങ്ങ്...

📷 MeAkshai Akshai Hari