George Abraham

കേന്ദ്ര ഗവൺമെന്റിന്റെ ജനദ്രോഹ നയങ്ങൾക്കെതിരെ കേരള കോൺഗ്രസ് (എം) റാന്നി നിയോജക മണ്ഡലം കമ്മിറ്റി പ്രതിഷേധ ധർണ്ണയും മാർച്ചും നടത്തി

​റാന്നി: പെട്രോൾ, ഡീസൽ, പാചകവാതകം എന്നിവയുടെ അടിക്കടിയുള്ള വിലവർധനവ് പിൻവലിക്കുക, നീറ്റ് (NEET) പരീക്ഷാ ചോദ്യപേപ്പർ ചോർച്ചയിലും ക്രമക്കേടിലും പ്രതിഷേധിച്ച് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജി വയ്ക്കുക, കേന്ദ്ര ഗവൺമെന്റ് ജനങ്ങളോട് നീതി പാലിക്കുക എന്നീ ആവശ്യങ്ങൾ ഉന്നയിച്ച് കേരള കോൺഗ്രസ് (എം) റാന്നി നിയോജക മണ്ഡലം കമ്മിറ്റിയുടെ നേതൃത്വത്തിൽ ശക്തമായ പ്രതിഷേധ ധർണ്ണയും മാർച്ചും സംഘടിപ്പിച്ചു.റാന്നി പെരുമ്പുഴ ബസ് സ്റ്റാൻഡിൽ നിന്നും ആരംഭിച്ച പ്രകടനം റാന്നി പോസ്റ്റ്‌ ഓഫീസിനു മുന്നിൽ എത്തി പ്രതിഷേധ ധർണ്ണ നടത്തി.
​ഇന്ധനവില വർധനവിലൂടെ കേന്ദ്ര സർക്കാർ സാധാരണക്കാരുടെ ജീവിതം ദുസ്സഹമാക്കുകയാണെന്ന് ധർണ്ണ ഉദ്ഘാടനം ചെയ്തുകൊണ്ട് കേരളാ കോൺഗ്രസ്‌ (എം) സ്റ്റിയറിങ് കമ്മിറ്റി അംഗം അഡ്വ. മനോജ് മാത്യു പറഞ്ഞു. രാജ്യത്തെ ലക്ഷക്കണക്കിന് വിദ്യാർത്ഥികളുടെ ഭാവി ഇരുട്ടിലാക്കിയ നീറ്റ് പരീക്ഷാ ക്രമക്കേടിന്റെ ധാർമ്മിക ഉത്തരവാദിത്തം ഏറ്റെടുത്ത് വിദ്യാഭ്യാസ മന്ത്രി ഉടനടി രാജിവെക്കണമെന്നും, പരീക്ഷാ നടത്തിപ്പിലെ അഴിമതിയെക്കുറിച്ച് സമഗ്രമായ അന്വേഷണം വേണമെന്നും യോഗം ആവശ്യപ്പെട്ടു.
കേന്ദ്ര സർക്കാരിന്റെ ജനദ്രോഹ നയങ്ങൾക്കെതിരെ വരും ദിവസങ്ങളിലും ശക്തമായ സമരപരിപാടികളുമായി മുന്നോട്ട് പോകുമെന്ന് നിയോജക മണ്ഡലം കമ്മിറ്റി അറിയിച്ചു.കേരളാ കോൺഗ്രസ്‌ (എം) സംസ്ഥാന സ്റ്റീയറിംഗ് കമ്മിറ്റി അംഗം അഡ്വ. മനോജ് മാത്യു പ്രതിഷേധ ധർണ്ണ ഉദ്ഘാടനം ചെയ്തു.കേരള കോൺഗ്രസ് (എം) റാന്നി നിയോജകമണ്ഡലം പ്രസിഡന്റ് ശ്രീ.ജോർജ് എബ്രഹാം അധ്യക്ഷത വഹിച്ചു .കെ എസ് സി (എം) സംസ്ഥാന ജനറൽ സെക്രട്ടറി ശ്രീ. റിന്റോ തോപ്പിൽ, ദളിത് ഫ്രണ്ട് (എം) സംസ്ഥാന ജനറൽ സെക്രട്ടറി എം സി ജയകുമാർ, ജോൺ വി തോമസ്,ടോമ്മി വടക്കേമുറിയിൽ, ബെഹനാൻ ജോസഫ്, സാബു കുറ്റിയിൽ,അങ്ങാടി ഗ്രാമപഞ്ചായത്ത്‌ അംഗം ശ്രീമതി.മെറിൻ അനീഷ്‌, ശോഭ ചാർലി, അഡ്വ. സിബി ജെയിംസ്, മാത്യുകുട്ടി ഏഴകുന്നേൽ,വി ജി റെജി, ബിറ്റോ മാപ്പൂർ,ജോമോൻ ജോസ്, അഭിജിത് വിഷ്ണു, കുഞ്ഞുമോൻ അയ്‌രൂർ, റെജി പുത്തെൻപറമ്പിൽ,അനൂപ് ജീരകത്തിനാൽ,സരൺ നമ്പൂതിരി, തോമസ് ജേക്കബ്,ആന്റണി കരീക്കുന്നേൽ എന്നിവർ പ്രസംഗിച്ചു.

പ്രിയപ്പെട്ട ബാബു ചാഴികാടന്റെ 35-ാം ചരമവാർഷികമാണ് ഇന്ന്.

കേരളത്തിന്റെ തിരഞ്ഞെടുപ്പ് ചരിത്രത്തിലെ തീരാ വേദനയായി ഇന്നും ബാബു ചാഴികാടൻ ഓർമ്മിക്കപ്പെടുന്നു. അദ്ദേഹത്തിന്റെ ചരമ വാർഷിക ദിനത്തിൽ വാര്യമുട്ടത്ത് നടന്ന പുഷ്പാർച്ചനയിൽ പങ്കെടുത്തു.
ബാബുവിന്റെ മരിക്കാത്ത ഓർമ്മകൾക്ക് മുന്നിൽ പ്രണാമം

പൊതുവിഷയങ്ങളിലും ജനകീയ പ്രശ്നങ്ങളിലും സജീവമായി ഇടപെടുന്ന പ്രവർത്തനങ്ങളുമായി മുന്നോട്ടു പോകുവാൻ ഇന്ന് കോട്ടയത്ത് ചേർന്ന
കേരള കോൺഗ്രസ് (എം)സംസ്ഥാന സ്റ്റീയറിംഗ് കമ്മിറ്റി യോഗം തീരുമാനിച്ചു.

140 നിയോജക മണ്ഡലങ്ങളിലും പാർട്ടി ഘടകങ്ങളെ ശക്തിപ്പെടുത്തും.
തിരഞ്ഞെടുപ്പുകളിൽ ജയപരാജയങ്ങൾ സ്വാഭാവികമാണ്.ഇന്ത്യയിലെ ഇതര സംസ്ഥാനങ്ങളിലെ ഒട്ടുമിക്ക പ്രാദേശിക രാഷ്ട്രീയ പ്രസ്ഥാനങ്ങളും വലിയ തിരഞ്ഞെടുപ്പ് തോൽവികൾ ഏറ്റുവാങ്ങിയിട്ടുണ്ട്.അതിശക്തമായി പിന്നീട് സംസ്ഥാന ഭരണത്തിലേക്ക് അവർ തിരിച്ചു വന്നിട്ടുമുണ്ട്.

കേരളത്തിലെ ഏറ്റവും ശക്തമായ പ്രാദേശിക രാഷ്ട്രീയ പാർട്ടി കേരള കോൺഗ്രസ് എം ആണ്.സംസ്ഥാന സർക്കാരിൻ്റെ ജനക്ഷേമ പ്രവർത്തനങ്ങൾക്ക് പൂർണ്ണ പിന്തുണ നൽകും.എൽഡിഎഫ് സർക്കാർ അടിസ്ഥാന ജനവിഭാഗങ്ങൾക്കായി നടപ്പാക്കിയ ക്ഷേമ പദ്ധതികളും സംസ്ഥാനത്തെ വികസന പ്രവർത്തനങ്ങളും സംരക്ഷിച്ചു നിർത്തുന്നതിന് ജാഗ്രതയോടെ പ്രവർത്തിക്കും.

നിയമസഭാ തെരഞ്ഞെടുപ്പിലെ ജനവിധി വിനയത്തോടെ അംഗീകരിക്കുന്നു.പാർട്ടിയിൽ നിന്നും അകന്നുപോയ അടിസ്ഥാന വിഭാഗങ്ങളെ കൂടെ നിർത്തുവാൻ എന്തെല്ലാം നടപടികൾ സ്വീകരിക്കണം എന്ന് താഴെത്തട്ടിൽ തന്നെ ചർച്ച ചെയ്തു പരിഹാരമുണ്ടാക്കും.

യുഡിഎഫിനാണ് കേരളം ഭരിക്കുന്നതിനുള്ള മാൻഡേറ്റ് ജനങ്ങൾ നൽകിയത് .അതിനർത്ഥം എൽഡിഎഫ് ദുർബലമായി എന്നല്ല.എംഎൽഎമാരുടെ എണ്ണത്തിൽ കുറവ് വന്നു എന്നത് വാസ്തവവുമാണ്.കേരളത്തിൽ എൽഡിഎഫ് സർക്കാർ നടപ്പാക്കിയ ജനക്ഷേമ പദ്ധതികളും വികസന പ്രവർത്തനങ്ങളും സംബന്ധിച്ച വിശദാംശങ്ങൾ വേണ്ടത്ര ജനങ്ങൾക്കിടയിൽ ആഴത്തിൽ എത്തിക്കുന്നതിൽ വീഴ്ച ഉണ്ടായി.ഇക്കാര്യങ്ങൾ എല്ലാം വിശദമായി പരിശോധിച്ചു ആവശ്യമായ തിരുത്തലുകൾ നടത്തും.