HNGU - PATAN

Association of Chemistry teachers અને Homi Bhabha centre of science education મુંબઇ દ્વારા ત્રી દિવસીય ઇન્ટરનેશનલ કોન્ફરન્સ તારીખ ૧૩ થી ૧૫ નવેમ્બર દરમિયાન ઉજ્જૈન ખાતે યોજાઇ ગઈ જેમાં હેમચંદ્રાચાર્ય ઉત્તર ગુજરાત યુનિવર્સિટીના રસાયણશાસ્ત્ર વિભાગના પ્રોફેસર અને અધ્યક્ષ ડૉ સંગીતાબેન શર્માને ACT chemistry popularization એવોર્ડ અને રૂપિયા દશ હજાર રસાયણશાસ્ત્રમાં સંશોધન અને ટીચિંગ માટે પદ્મ શ્રી ડૉ જી ડી યાદવ વાઇસ ચાન્સેલર વિક્રમ અને નાગાલેન્ડ યુનિવર્સિટીના હસ્તે પ્રોત્સાહિત કરવામાં આવ્યા પ્રોફેસર શર્માએ આ એવોર્ડ રસાયણશાસ્ત્ર વિભાગના વિદ્યાર્થીઓને સમર્પિત કર્યો છે આ એવોર્ડ પ્રાપ્તિ બદલ કુલપતિ ડૉ કિશોર પોરિયા કુલસચિવ ડૉ આર એન દેસાઈ હેમચંદ્રાચાર્ય ઉત્તર ગુજરાત યુનિવર્સિટી તેમજ રસાયણશાસ્ત્ર પરીવાર દ્વારા આ સિદ્ધિ બદલ શુભેચ્છાઓ પાઠવી હતી

અંગ્રેજી અસ્નાતક ભવન દ્વારા તા. 25-09-2025 ના રોજ યુનિવર્સિટીના MBA ભવન ખાતે “સ્વદેશી દેશનો પ્રાણ” વિષય પર વિચાર ગોષ્ઠી યોજાઈ. 150 થી વધુ વિદ્યાર્થીઓએ ઉત્સાહપૂર્વક ભાગ લીધો. કાર્યક્રમનું ઉદ્ઘાટન દીપપ્રાગટ્ય અને માતાજીની સ્તુતિથી કુલગુરુશ્રી પ્રોફ. (ડૉ.) કે.સી. પોરીયા, રાજકીય આગેવાન શ્રી મુકેશભાઈ કે. પટેલ, મુખ્ય વક્તા ડૉ. જય ધ્રુવ, એન.એસ.એસ. કોઓર્ડિનેટર કમલેશભાઈ કે. ઠક્કર તથા પ્રોફ. (ડૉ.) કોકીલાબેન એ. પરમાર દ્વારા કરવામાં આવ્યું.

મુખ્ય વક્તા ડૉ. જય ધ્રુવે સ્વદેશીની વ્યાખ્યા, ઇતિહાસ તથા આર્થિક મહત્વ આંકડાકીય આધાર સાથે રજૂ કર્યું. મુકેશભાઈ પટેલે વિકસિત ભારત 2047 ના સપનામાં સ્વદેશીનો ફાળો સમજાવ્યો. કુલગુરુશ્રી પ્રોફ. પોરીયાએ સ્વદેશી ચળવળ, ગાંધીજીની ભૂમિકા તથા યુવાનોની જવાબદારી પર પ્રકાશ પાડ્યો.