Viswanathan Cvn

കഴിഞ്ഞ വെള്ളിയാഴ്ച്ച, ക്ലബ്ബ്ഹൗസിൽ "കോലായ " ഗ്രൂപ്പ് സംഘടിപ്പിച്ച ഒരു മീറ്റിങ്ങിലെ ദീർഘമായ ചോദ്യോത്തര വേളയിൽ ഉയർന്ന ഒരു ചോദ്യം ഇതായിരുന്നു : "ലെഫ്റ്റ് വിങ്ങ് യുക്തിവാദം ശരിയാണെങ്കിൽ റൈറ്റ് വിങ്ങ് യുക്തിവാദം എങ്ങിനെ തെറ്റാവും ?" അതിനു നൽകിയ ഉത്തരമാണ് പതിനൊന്നു മിനിറ്റുള്ള ഈ വീഡിയോ. കാണുമല്ലോ. ലിങ്ക് കമന്റിൽ .

സപ്തംബർ 18 ന് ഇടപ്പാളിൽ വൻ വിജയമായി നടന്ന സമ്മേളനത്തിന്റെ വേദിയിൽ AK Vinod ഈ സമ്മേളനത്തെക്കുറിച്ച് -തീയതി, വേദി, പേരിന്റെ സാംഗത്യം ഇതൊക്കെയടങ്ങുന്ന -വിശദമായ ഒരു അനൗൺസ്മെന്റ് ചെയ്തിരുന്നു. ഹിന്ദുത്വരാഷ്ട്രീയത്തെ റോസ് പൗഡറിട്ടും കിന്നരിത്തലപ്പാവണിയിച്ചും പുള്ളിമാൻ തോൽക്കുപ്പായമണിയിച്ചും എഴുന്നള്ളിക്കുക എന്ന പണി വെടിപ്പായി ചെയ്തുകൊണ്ടിരിക്കുന്ന ചില നാസ്തികപ്രമുഖർ കേരളത്തിലെ സ്വതന്ത്ര ചിന്തകരുടെ മൊത്തം പ്രാതിനിധ്യം വഹിക്കുന്നില്ല എന്ന വിളിച്ചു പറയൽ കൂടിയാണ് ഇക്കാലത്ത് ഞങ്ങൾ ചിലർ ഭാഗഭാക്കാകുന്ന ഇതു പോലുള്ള ചെറിയ ചെറിയ സമ്മേളനങ്ങൾ.
ഇതേ ദിവസം തന്നെ കോഴിക്കോട് ജില്ലയിൽ , മറ്റൊരു വേദിയിൽ ഒരു നാസ്തിക സമ്മേളനം ഇപ്പോൾ പ്രഖ്യാപിക്കപ്പെട്ടിട്ടുള്ളതായി ഇന്ന് അറിഞ്ഞു. അത് ഏതായാലും നന്നായി. നാസ്തികതയുടെ ലേബലിൽ തീവ്രവലതുപക്ഷ രാഷ്ടീയം വിളമ്പുന്നതിലെ ചതിവ് തിരിച്ചറിയാൻ ഇനിയും സാധിച്ചിട്ടില്ലാത്ത "നിഷ്കളങ്കർ " ഇനിയും സ്വതന്ത്രചിന്തകരുടെ സദസ്സുകളിലേക്ക് വരാതിരിക്കുന്നതു തന്നെയാണ് ഉത്തമം !

വമ്പൻപണത്തിന്റെ ഊർജ്ജമുപയോഗിച്ചുള്ള ഒരു മിന്നൽ അധിനിവേശത്തിലൂടെ കേരള സ്വതന്ത്ര ചിന്താമണ്ഡലത്തെ അമ്പേ കീഴടക്കാൻ ശ്രമിക്കുന്ന വലതുപക്ഷനാസ്തികതക്കെതിരെ ശബ്ദമുയർത്തേണ്ടതുണ്ട് എന്നു കരുതുന്ന എല്ലാവരേയും നവമ്പർ 6 ഞായറാഴ്ച്ച , കോഴിക്കോടേക്ക് ക്ഷണിക്കുന്നു.