B P Baria Science Institute Navsari

નવસારી બી. પી. બારીયા સાયન્સ ઇન્સ્ટિટ્યૂટ ખાતે નેશનલ ટાસ્ક ફોર્સ અંતર્ગત હાઉ ટૂ ગ્રો યોર મેન્ટલ હેલ્થ વિષય પર નવસારીના જાણીતા નાટ્યકાર, શિક્ષક અને મોટીવેશનલ સ્પીકર પિયુષભાઈ ભટ્ટનું વ્યાખ્યાન રાખવામાં આવ્યું હતું. તેમણે વિદ્યાર્થીઓને મુંઝવતા યાદશક્તિના, ડિપ્રેશનના તેમજ નેગેટિવ વિચારોના પ્રશ્નોનું રસપ્રદ ઉદાહરણો અને મુદ્દાઓ દ્વારા નિરાકરણ આપ્યું હતું. તેમણે નાનકડી રોજીંદી કસરતો દ્વારા માનસિક શક્તિ વધારવાની પધ્ધતિઓ પણ દર્શાવી હતી. વિદ્યાર્થીઓએ પૂછેલા પ્રશ્નોનું હળવી શૈલીમાં નિરાકરણ કરી પિયુષભાઇએ વિદ્યાર્થીઓને ટેન્શન મુક્ત કરવાનો સફળ પ્રયત્ન કર્યો હતો. આચાર્યા ડૉ. ફરિદાબેન મીનોચેહેરહોમજી એ સ્વાગત પ્રવચનમાં વિદ્યાર્થીઓને NTF ની કામગીરી થી માહિતગાર કર્યા હતા. ડૉ. સ્વાતિ નાયક અને પ્રા. એકતા દેસાઇએ સમગ્ર કાર્યક્રમનું સંચાલન તથા આભાર વિધિ કરી હતી.

બી.પી.બારીયા સાયન્સ ઇન્સ્ટિટ્યૂટ ની ખાસ વાર્ષિક શિબિર : 2025- 2026 દ્વિતીય દિવસ
• તારીખ 6/ 01 /2026 ના રોજ માસા ગામ (અમલસાડ , નવસારી) ખાતે મહાકાળી મંદિર સાસ્કૃતિક ભવનમાં માં બી.પી.બારીયા સાયન્સ ઇન્સ્ટિટ્યૂટ ની ખાસ વાર્ષિક શિબિર ના બીજા દિવસે સર્વે સ્વયં સેવકો અને પ્રોગ્રામ ઓફિસરશ્રી ઓ સવારે 7.00 કલાકે યોગાસનો અને પ્રાણાયામ કરી દિવસ ની શરૂઆત કરી.
• 9.00 કલાકે સવારના શ્રમ કાર્ય માં પૂરા મંદિર પટાંગણ ની સાફ સફાઈ કરવામાં આવી.
• ત્યાર બાદ ગામ ના સહકારથી ટેમ્પા ની વ્યવસ્થા કરવામાં આવી હતી જેમાં અંધેશ્વર મહાદેવના દર્શને સર્વે સ્વયં સેવકો ગયા હતા.
• બપોરના 3.00 થી 5.00 ના બૌધિક કાર્યક્રમમાં અમારી કોલેજ ના ભૂતપૂર્વ વિધાર્થી શ્રી વિરેન્દ્રસિંહ ઠાકોરે સ્પર્ધાત્મક પરીક્ષાઓ જેવી કે GPSC તથા UPSC માં વર્ગ 1 થી 3 ની પોસ્ટ માં કેવી રીતે તૈયારી કરવી વગેરે ની વિસ્તૃત માહિતી આપી હતી.
• સાંજે સ્વયં સેવકો ની બે ટુકડીઓ ગામ માં રૂબરૂ ઘરે સંપર્ક કરી આવતી કાલ 7/01/26 ના રોજ વ્યસન મુકિત કાર્યક્રમ વિષે હાજર રહેવા ગામ ની મુલાકાત લીધી હતી
આભાર