Pustak Sagar

'महापुरुषांच्या नजरेतून स्त्री' आता ऑनलाईन उपलब्ध
साडेतीन-चार हजार वर्षांच्या इतिहासात पुरुषांनीच स्त्रिला कसं जमिनीत गाडलं. तसेच काही स्त्रियांमध्ये ही स्वातंत्र्याची आग प्रेरित करेल हे लक्षात आल्यावर पुरुषांनीच स्त्रीच्या कल्याणाचा विचार मांडण्यासाठी पुढाकार कसा घेतला, हा स्त्रीच्या जगण्याचा सारा प्रवास ज्येष्ठ लेखिका डॉ.मंगला आठलेकर यांनी 'महापुरुषाच्या नजरेतून स्त्री' या पुस्तकात शब्दबद्ध केला आहे.स्त्रियांना त्यांच्या अस्तित्वाबद्दल विचार करायला लावणारे हे पुस्तक आहे.
आधुनिक काळात स्त्रिया एकीकडे पुरुषांच्या खांद्याला खांदा लावून चालत असल्या, तरी त्यांचे समाजातील स्थान हे दुय्यमच आहे. स्त्रियांवरील अन्याय दूर करत असतानाच काही समाजसुधारक आणि महापुरुषांच्या भूमिकेत दुटप्पीपणा पाहायला मिळतो. स्त्रियांना काही अधिकार दिल्यासारखं दाखवायचं आणि त्यापुढे एक छोटीशी वाटणारी अट ठेवायची, त्यामुळे तो अधिकार असून नसल्यासारखा व्हायचा. ही युक्ती जगातल्या अख्ख्या पुरुष जातीनं वापरली.‘तुला काय हवंय, तुला कसं जगायचंय’ हे तिला कुणी विचारलेलंच नाही. तिला काय द्यायचं आणि किती द्यायचं हे पुरुषांनीच ठरवून टाकलं. त्यामुळे शिक्षण मिळून, नोकरी करूनसुद्धा तिचं पुरुषावरचं अवलंबन संपलेलं नाही. शिक्षण आणि नोकरीची सवलत देतानासुद्धा तिचं स्थान आपल्यापेक्षा उंचावर नाही याची काळजी पुरुषानं घेतली. दुय्यम स्थानावरून ती समान स्थानावर यावी अशी जरूरच कुणाला वाटली नाही. म्हणून तसे प्रयत्नही झाले नाहीत.
शेवटी धर्मसंस्थापक, समाजसुधारक, महात्मा झाले तरी ते सारे पुरुषच होते.‘पुरुषी’पणा मिरवणाऱ्या इतर पुरुषांपेक्षा थोडी अधिक संवेदनशीलता त्यांच्याकडे होती इतकंच ! ‘स्त्री’ला मान देण्यासाठी तिला माता किंवा भगिनी होण्याचं बंधन महापुरुषांकडून घातलं जात होतं.‘स्त्रीला ठरवू द्यात तिला काय हवंय’ किंवा ‘स्त्रियांनी संततीनियमनाची साधने वापरली पाहिजेत, त्यांना समागमाचा अधिकार मिळायला हवा’ असे म्हणणारे आगरकर, र. धों. कर्वे त्यांच्या जिवंतपणीच नव्हे तर मृत्यूंनतरही दुर्लक्षित, एकाकी पडले. याला काही अंशी स्त्रियाही जबाबदार आहेत. आधुनिक स्त्रिया अजूनही स्वत:कडे स्त्री म्हणून, एक स्वतंत्र व्यक्ती म्हणून बघत नाहीत. या सगळ्याचा अभ्यासपूर्ण गोषवारा महापुरुषांच्या नजरेतून स्त्री या पुस्तकातून डॉ.मंगला आठलेकर यांनी मांडला आहे.
हे पुस्तक जास्तीत जास्त महिला वाचकांपर्यंत पोहचवण्यासाठी ्फे पुस्तकसागर हे पुस्तक ऑनलाईन उपलब्ध करून देत आहोत. पुस्तकसागरच्या वेबसाइटवर व मोबाईल अॅपवर हे पुस्तक ई-बुक स्वरूपात उपलब्ध आहे. हे पुस्तक डाऊनलोड करण्यासाठी पुढील लिन्कवर क्लिक करा...
https://goo.gl/48pMus

महापुरुषांच्या नजरेतून स्त्री - पुस्तक सागर ‘महापुरुषांच्या नजरेतून स्त्री’ या पुस्तकातून दुय्यम स्थानाचा इतिहास धुंडाळताना लक्षात येतं, भाषा वेगळ्या असल्या, प्रांत वेगळे असले, जाती वेगळ्या असल्या इतकंच काय धर्मही वेगळे असले तरी हे स्त्रियांचे दुय्यम स्थान मात्र सगळीकडे आणि सगळ्या काळात सारखं आहे, हे वास्तववादी दर्शन होते. स्त्रिया कधी स्वत:क...

छोट्या साहित्य संमेलनातून विचारांची देवाण-घेवाण
छोट्या साहित्य संमेलनांतूनच खऱ्या अर्थाने विचारांची देवाण-घेवाण होते. मोठ्या साहित्य संमेलनात अधिकतर बडेजावपणा असतो, असे वक्तव्य ज्येष्ठ नाटककार जयंत पवार यांनी वसईतील साहित्य जल्लोषच्या कार्यक्रमादरम्यान केले. वसईतील अनंत नाट्यगृहात आयोजित करण्यात आलेल्या या साहित्य संमेलनाचा समारोप महाराष्ट्र महोत्सवाने झाला. अखिल भारतीय नाट्य संमेलनाचे अध्यक्ष गंगाराम गवाणकर हे या साहित्य संमेलनाच्या अध्यक्षस्थानी होते. यावेळी शिक्षण समाजपरायण आणि शिक्षक ज्ञानपरायण आहेत का अशा विविध चर्चासत्रांत महत्त्वपूर्ण विषयांवर चर्चा करण्यात आली.