Vivahsaptpadi

लग्न करायचं ठरवलंय ?

एक 'आदर्श' नवरा, एक 'आदर्श' पत्नी या दोघांचा 'आदर्श' संसार अशी कोणतीही चीज या भूतलावर अस्तित्वात नाही. वर्तमानात तशी शक्यता नाही. भविष्यात तर नाहीच नाही. उगाच खोटं कशाला बोलायचं ?

केवळ भारतातीलच नव्हे तर जगातील कुटुंब संस्था ही संस्कृती, परंपरा आणि त्याग यासारख्या मूल्यांचे टेकू लावून उभी असलेली. ही 'लग्नसंस्था' मुळातच असंख्य दोष आणि विरोधाभासांनी खिळखिळी झालेली. दोन मनांचं मिलन, दोन शरीरांचे मिलन, दोन आत्म्यांचे मिलन, दोन कुटुंबांचं मिलन या साऱ्या अत्यंत उदात्त आणि पवित्र संकल्पना !

'नातिचरामी' ची शपथ घेऊन वयात आलेलं जोडपं सहजीवनाची सुरुवात करते. अशावेळी प्रत्येक नवपरिणीत जोडप्याच्या नजरेसमोर एक सुंदर स्वप्न असतं. जन्म-जन्मांतरीच्या अखंड सहवासाचं ! एकमेकांच्या कुशीत जगण्या मारण्याचं ! अखेरच्या श्वासापर्यंत एकमेकांची साथ निभावण्याचं !

परस्परांना वचनं देत-घेत स्त्री पुरुष लग्न करण्यासाठी एकत्र येतात. स्त्री-पुरुषांच्या आदिम प्रेरणेने, एका अनामिक आकर्षणापोटी एकमेकांकडे ओढली जातात. एकमेकांच्या सोबतीने अख्खं आयुष्य काढण्याच्या शपथा घेतात. प्रेमभावनेने शारीरिक आणि मानसिक गरजेपोटी लग्न करतात. लग्नाच्या निमित्ताने एक अलिखित धार्मिक सामाजिक करार अस्तित्वात येतो.

लग्न बंधनात अडकलेल्या या दोन व्यक्ती वेगवेगळी संस्कृती, रीतीभात, परंपरा, संस्कार घेऊन वाढलेल्या. वेगवेगळे स्वभाव, वेगवेगळ्या सवयी, वेगवेगळी मूल्य सांभाळत संसार करणारी. आपल्या जोडीदाराबरोबर सुखाचे सोहळे आणि दुःखाचे भोग साजरी करणारी.

आपल्या आधीच्या पिढ्यांचा संसार या तरुणाईने जवळून पाहिलेला. तरीसुद्धा आधुनिक तंत्रज्ञान युगाच्या तरुणाईला लग्नाच नुसतं नाव काढलं तरी भीती वाटते. जोडीदाराच्या प्रेमात स्वतःला झोकून देणारी, समर्पित होणारी, आपल्या आधीची पिढी ! हे लोक कोणत्या धुंदीत एकाच व्यक्ती बरोबर कशी काय राहत होती ? याचच त्यांना कोडं वाटतंय.

नात्याचे पाश नकोत. जबाबदारी नको. कर्तव्य नको. कसलंच उत्तरदायित्व नको. एकाच व्यक्तीशी, एकाच नात्याशी, आयुष्यभर एकनिष्ठेने राहायचं ? तेही कुठल्याही पूर्व अटींशिवाय ?

आधुनिक तंत्रज्ञानाच्या काळात नव-नवीन आव्हानं मोठ्या हिमतीने पेलणारी तरुणाई ' लग्न करायचे ' या नुसत्या विचाराने सुद्धा धास्तावली आहेत.

मोस्ट ऑफ युवर फ्रेंडस आर मॅरीड ! व्हेन यू विल ?

ज्यांचा लग्न या संकल्पनेवर विश्वास आहे, ते या लग्नाच्या फंदात पडतात. मग त्यासाठी तयारी करायला नको ? लग्न संस्थेवर विश्वास असेल, मनात एकमेकांविषयी शंका नसेल, तडजोडीची तयारी असेल, परस्परांना देण्यासाठी वेळ असेल, मनाचा संयम असेल, मी आणि माझं यातून बाहेर यायचं असेल, फक्त स्वतःचाच स्वार्थी विचार करायचा नसेल. तरच लग्नाच्या मांडवाखालून जा.

यु कान्ट अफोर्ड टू बी सेल्फिश इन मॅरेज.

फक्त स्वतःचाच विचार करत असाल, स्वतःतच रमत असाल, स्वतःसाठी जगायचं ठरवलं असेल, स्वतःचेच सुख पाहणार असाल. मी आणि माझं याच्या बाहेर काही तुम्हाला दिसत नसेल तर ? अशा लोकांनी लग्नापासून दूर राहिलेलं बरं.

तुमच्यावर कधी काळी लग्न करायची वेळ आलीच तर तुम्ही काय कराल ?
कॉमेंट बॉक्समध्ये लिहा.

-

Saptapadi There separate Charges for one to One counselling and profile of the Week, said charges can be solemnly decided by VS Team.

शुभ दीपावली 🪔 ❤️

पुण्यात वधू-वरांची प्रचंड गर्दी !
विवाह सप्तपदी डॉट कॉम आयोजित थेट-भेट आणि गप्पा गोष्टी या कार्यक्रमाला परिट-धोबी समाजातील मुला-मुलींनी प्रचंड गर्दीत हजेरी लावली. आज पर्यंत पारंपारिक वधु-वर मेळावे हे कार्यकर्ते, त्यांचे सत्कार, त्यांची भाषणे, मुला- मुलींचे पालक यांच्याच गर्दीने फुलून जात असत. विवाह सप्तपदीच्या या कार्यक्रमामुळे मेळावे भरवण्याच्या पारंपरिक चौकटीला छेद दिला गेला. या अभिनव उपक्रमाला समाजातील सुशिक्षित मुला-मुलींनी पालकांच्या संमतीने उपस्थिती नोंदवली. कार्यक्रमाच्या पहिल्या सत्रात श्री. दत्ता यादव व वेबसाईटच्या संचालिका सौ. उर्मिला यादव यांनी मुला-मुलींचे विवाहपूर्व समुपदेशन केले. अशा अभिनव व विनामूल्य थेट-भेट कार्यक्रमाचे समाजबांधव, पालक व लग्नाळू सुशिक्षित तरुण-तरुणींकडून स्वागत व कौतुक झाले. सहभोजनाचा आस्वाद घेतल्यानंतर मुला-मुलींनी परस्परांची थेट-भेट घेऊन प्रत्यक्ष संवाद साधला.
आम्ही लवकरच विविध शहरात असेच थेट-भेट कार्यक्रम घेऊ. आपल्या या कार्यक्रमाबाबत काही सूचना किंवा अभिप्राय असल्यास आम्हाला नक्की कंमेंट मध्ये कळवा .