St.George Jacobite Syrian Church Mananthavady

ആരാണ് ഡീക്കണ്‍ ?. A Deacon shold not be a Freaken, but a Beacon of Christ

ആരാണ് ഡീക്കണ്‍ എന്ന ചോദ്യത്തിന് ആനുകാലിക പ്രസക്തിയോടെ പറയാവുന്ന മറുപടി A Deacon shold not be a Freaken, but a Beacon of Christ എന്നാണ്. കാറ്റിലാടുന്ന മുടിയിഴകളും, ട്രെന്‍ഡി വസ്ത്രങ്ങളും, മിന്നിത്തിളങ്ങുന്ന ആഭരണങ്ങളുമായി പുതുമയുടെ നിറക്കൂട്ടുകളാല്‍ പരമ്പരാഗതമായ ചട്ടക്കൂടുകളെ ഭേദിച്ച്, പുതുമയുടെ ചടുലതയെ ഹൃദയത്തോട് ചേര്‍ക്കുന്നവരാണ് ഫ്രീക്കന്മാര്‍. ഇരുള്‍ മൂടിയ പതകളില്‍ ഇടറുന്നവര്‍ക്ക് മുന്നില്‍, സ്വയം എരിഞ്ഞും വെളിച്ചം പകരുന്ന പ്രത്യാശയുടെ വിളക്കുമാടമാണ് ബീക്കണ്‍. മറ്റുള്ളവര്‍ക്ക് ക്രിസ്തുവിനെ കാണിച്ചുകൊടുക്കുന്ന മാര്‍ഗ്ഗദീപമാകണം ഡീക്കന്‍.
പട്ടത്വം ഒരു പദവിയല്ല, പവിത്രമായ ദൈവീക നിയോഗമാണ്. പദവികള്‍ പലപ്പോഴും അധികാരത്തിന്റെ ബാക്കിപത്രങ്ങളാണ്. എന്നാല്‍ നിയോഗങ്ങള്‍ എപ്പോഴും ആത്മാര്‍പ്പണവുമായി ബന്ധപ്പെട്ടതാണ്. അര്‍പ്പിക്കപ്പെടുന്നതേ അനശ്വരമാകൂ. സമ്പൂര്‍ണ്ണ സമര്‍പ്പണത്തോടെ സര്‍വേശ്വരന്റെ സാക്ഷിയാകാന്‍ സാധിക്കട്ടെ. നല്ല ശുശ്രൂഷകനായിരിക്കാന്‍ എന്നും പ്രാര്‍ത്ഥിക്കുക, പരിശ്രമിക്കുക. ദൈവം അനുഗ്രഹിക്കട്ടെ...