Vikrant Gojamgunde

सहकार संकुल भूमिपूजन ससोहळ्यास उपस्थित राहिलो.

आज लातूर येथे राज्याचे सार्वजनिक बांधकाम मंत्री तथा लातूर जिल्हा पालकमंत्री मा.ना. छत्रपती शिवेंद्रसिंहराजे भोसले आणि सहकार मंत्री मा. ना. श्री. बाबासाहेबजी पाटील यांच्या प्रमुख उपस्थितीत लातूर जिल्हा सहकार संकुलाचा भूमिपूजन सोहळा संपन्न झाला. तब्बल 25 कोटी रुपयांच्या निधीतून हे सहकार संकुल पूर्णत्वास जाणार आहे.

जिल्ह्याचे सहकार संकुल प्रभागात निर्माण होत असल्याचा विशेष आनंद आहे.

लातूर जिल्ह्यातील नागरिकांना अधिक सुलभ, पारदर्शक व दर्जेदार शासकीय सेवा उपलब्ध करून देण्याच्या उद्देशाने सहकार विभागाच्या अधिपत्याखालील लातूर शहरातील ११ क्षेत्रीय कार्यालये एकाच छताखाली आणण्यासाठी हे सहकार संकुल उभारले जात आहे.

या नवीन इमारतीमुळे शासकीय कामकाज अधिक कार्यक्षम होईल. तसेच नागरिकांना विविध सेवा एकाच ठिकाणी सुलभपणे उपलब्ध होतील. त्यामध्ये आधुनिक कार्यालयीन सुविधा, स्वतंत्र अधिकारी व कर्मचारी कक्ष, बैठक व्यवस्था, अभिलेख कक्ष, संगणकीकृत कामकाजासाठी आवश्यक सुविधा, नागरिकांसाठी प्रशस्त प्रतीक्षागृह, स्वच्छतागृहे तसेच दिव्यांग व्यक्तींसाठी सुलभ प्रवेश व्यवस्था उपलब्ध करून देण्यात येणार आहे.

याप्रसंगी मान्यवरांचा प्रभागाच्या व लातूर शहराच्या वतीने विशेष सन्मान केला.