SAHiB

ചോദ്യങ്ങളെ ഭയക്കുന്ന സർക്കാർ ചോദിക്കുന്നവരെ വേട്ടയാടുന്നു.

സംസ്ഥാനത്തെ ഹയർസെക്കൻഡറി പ്രവേശനത്തിൽ സീറ്റ് ലഭിക്കാതെ തുടർ വിദ്യാഭ്യസം അനിശ്ചിതത്വത്തിലായ വിദ്യാർഥികളുടെ കണക്കുകൾ ചൂണ്ടിക്കാട്ടി പ്രതിഷേധിക്കുന്നവർക്കെതിരെ കേസെടുത്തു വേട്ടയാടാനുള്ള സർക്കാർ നീക്കം അന്യായം. ഭരണകൂടത്തിന്റെ അനീതികൾക്കെതിരെ സമരം ചെയ്യുന്നവരെ ജനാധിപത്യ വിരുദ്ധമായി കയ്യാമം വെക്കുന്ന നരേന്ദ്ര മോദി സർക്കാരിന്റെ നയങ്ങളാണ് കേരളത്തിലെ പിണറായി വിജയൻ സർക്കാർ പിന്തുടരുന്നത്.

കേരളത്തിലെ മലബാർ ജില്ലകൾ നേരിടുന്ന കടുത്ത അവഗണനയോട് സർക്കാർ കാണിക്കുന്ന അനീതിയെ കണക്കുകൾ നിരത്തി ഇനിയും പ്രതിഷേധിക്കും. സർക്കാർ ഈ പ്രതിസന്ധിയെ പരിഹരിക്കാതെ പ്രതിഷേധിക്കുന്നവരെ നേരിടാൻ ശ്രമിക്കുന്ന തീരുമാനത്തിൽ നിന്ന് പിന്മാറണമെന്നും വിദ്യാർത്ഥികളോട് മാപ്പ് പറയണമെന്നും എംഎസ്എഫ് സംസ്ഥാന കമ്മിറ്റി പ്രസ്താവനയിലൂടെ ആവശ്യപ്പെടുന്നു.