Florenza

#05

Botanical Name: Impatiens travancorica Bedd.
Family: Balsaminaceae 
Common Name: Travancore Balsm

An annual, fleshy herb up to 30 cm tall, found growing on wet rocks. Leaves are crowded and rosulate towards tip, elliptic, nearly pointed, rounded toothed, fringed with hairs in crenatures. This species is endemic to Southern Western Ghats in Tamil Nadu and Kerala and assessed as Critically Endangered (CR).

Ref.
https://powo.science.kew.org/taxon/urn:lsid:ipni.org:names:374385-1 http://www.flowersofindia.net/catalog/slides/Travancore%20Balsam.html

Image: Dr. Manudev K.M.
Location: Kodayar Dam, Tamil Nadu
Shot on Samsung M31

ഇന്നൊരു ബിസിനസ് സംരംഭകയെ പരിചയപ്പെടുത്താം. എന്റെ കൂട്ടുകാരിയായ ആയ Anjali Chandran നെയാണ് ഞാൻ പരിചയപ്പെടുത്താൻ പോവുന്നത്...

സ്ത്രീ ശാക്തീകരണം എന്നും, പെണ്ണ് സ്വന്തം കാലിൽ നിൽക്കാനും പുതുവഴികൾ കണ്ടെത്തി മറ്റുള്ളവർക്ക് പ്രചോദനമായി മാറാനും ശ്രമിക്കണം എന്നൊക്കെ നമ്മൾ പഞ്ച് ഡയലോഗ് എഴുതി വിടുമ്പോൾ സ്വന്തം ജീവിതം കൊണ്ട് അത് തെളിയിച്ച പെൺകരുത്താണ് അഞ്ജലി. എല്ലാവരും നടക്കുന്ന വഴിയിൽ നിന്ന് ഇത്തിരി സഹസികതയോടെ മാറി നടക്കാനും അതിലൂടെ ഒരുപാട് പേർക്ക് ഗുണമാവാനും സാധിക്കുക എന്ന മോഹമാണ്
വിപ്രോയിലെ കമ്പ്യൂട്ടർ എൻജിനീയർ ജോലി ഉപേക്ഷിച്ച് impresa boutique എന്ന കൈത്തറി വസ്ത്ര സ്ഥാപനം തുടങ്ങാൻ അഞ്ജലിയെ പ്രേരിപ്പിച്ചത്.

സ്വസ്ഥമായ ജോലി രാജിവെച്ചു മുൻപരിചയം ഇല്ലാത്ത ഇങ്ങനെ ഒരു മേഖല തെരഞ്ഞെടുക്കുന്നതിൽ എതിർപ്പുകൾ ഏറെ ഉണ്ടായിരുന്നുവെങ്കിലും, ഇന്ത്യയിലെ വിവിധ ദേശങ്ങളിലെ പരമ്പരാഗത നെയ്ത്തുഗ്രാമങ്ങളിൽ നേരിട്ടുപോയി വസ്ത്രങ്ങൾ ശേഖരിച്ചു കൊണ്ട് മാർക്കറ്റ് ചെയ്യാനുള്ള ശ്രമം പ്രതീക്ഷിച്ചതിലും നല്ല പ്രതികരണമാണ് ഉണ്ടാക്കിയത്. ആദ്യം ഫേസ്‌ബുക്ക് പേജ് വഴിയും പിന്നീട് ആവശ്യക്കാർ ഏറിയപ്പോൾ കോഴിക്കോട് ഷോറൂം തുറന്നും അഞ്ജലിയുടെ ബിസിനസ് വളരുന്നതോടൊപ്പം കൈത്തറി രംഗത്തെ ഒരുപാട് ജീവിതങ്ങൾക്ക് അതൊരു താങ്ങായി മാറുക കൂടി ആയിരുന്നു.

കോർപറേറ്റ് കാലത്തെ കുത്തക വസ്ത്രഭീമന്മാരുടെ പരസ്യങ്ങൾക്കും പകിട്ടിനും മുന്നിൽ പിടിച്ചു നിൽക്കാൻ ആവാതെ ഊർധ്വൻ വലിക്കുന്ന നമ്മുടെ പരമ്പാരഗത കൈത്തറി വസ്ത്ര നിർമ്മാണ ലോകത്ത് ഇതല്ലാതെ മറ്റൊരു തൊഴിലും ജീവിതവും അറിയാത്ത ഒരുപാട് മനുഷ്യരുണ്ട്. ഇന്ത്യയുടെ വിവിധ ഭാഗങ്ങളിലിലായി ചിതറി കിടക്കുന്ന അവരുടെ അറിവും കഴിവും പലപ്പോഴും ചൂഷണം ചെയ്യപ്പെടുകയോ ആർക്കും വേണ്ടതാക്കപ്പെടുകയോ ആണ് എന്ന തിരിച്ചറിവാണ് അഞ്ജലിയെ ഈ മേഖലയിൽ എന്തെങ്കിലും ചെയ്യാൻ പ്രേരിപ്പിച്ചത്.

ഈ രംഗത്ത്‌ ഒരുപാടു കാര്യങ്ങൾ ചെയ്യാനുള്ള പദ്ധതികൾ മനസ്സിലുണ്ടെങ്കിലും അത് പ്രവർത്തികമാക്കാനുള്ള സാമ്പത്തിക പിന്തുണ അടക്കമുള്ള കാര്യങ്ങൾ ഓർത്ത്‌ സ്വപ്‌നങ്ങൾ അടക്കിവെച്ചു കഴിയുമ്പോഴാണ് യുവ സംരംഭകർക്ക് വേണ്ട സഹായവുമായി പാരീസ് ആസ്ഥാനമായ Capgemini യുടെ innovetors award നെ കുറിച്ച് അറിയുന്നത്.

ലോകത്തിന്റെ വിവിധ ഭാഗങ്ങളിലിലുള്ള യുവസംരംഭകർ മത്സരിക്കുന്ന innovetors race50 യിൽ തെരഞ്ഞെടുക്കപ്പെട്ടാൽ അഞ്ജലിയുടെ സ്വപ്നപദ്ധതികൾക്ക് ആവശ്യമായ ഫണ്ടും മറ്റും ലഭിക്കും. ഇതിനു വേണ്ടി നമുക്ക് ചെയ്യാനാവുന്നത് ഈ ലിങ്കിൽ പോയി ഫേസ്‌ബുക്ക് വഴി impresa ക്ക് ഒരു വോട്ട് ചെയ്യുക എന്നതാണ്.

ഇതിൽ മത്സരിക്കുന്ന ഏക മലയാളി പെൺകുട്ടി എന്ന നിലയിൽ നമ്മുടെയൊക്കെ പിന്തുണ അഞ്ജലി അർഹിക്കുന്നുണ്ട്. വളരെ എളുപ്പത്തിൽ നമുക്ക് ചെയ്യാൻ പറ്റുന്ന ഒരു വോട്ടു കൊണ്ടും ഈ പോസ്റ്റ് കൂടുതൽ ആളുകളിലേക്ക് പങ്കുവെക്കുന്നതിലൂടെയും ഒരു യുവ സംരംഭകയുടെ ആകാശത്തോളം വലിയ സ്വപ്നങ്ങൾക്ക് ചിറക് വെച്ച് കൊടുക്കാൻ നമുക്ക് കഴിയുമെങ്കിൽ അതിലൂടെ ആത്മവിശ്വാസത്തോടെ മുന്നേറാനുള്ള പെൺമോഹങ്ങൾക്ക് നാം കരുത്തു പകരുകയാണ് ചെയ്യുന്നത്. ഒപ്പം കൈത്തറി മേഖലയിൽ ജീവിതം നൂറ്റെടുക്കുന്ന ഒരുപാട് പാവം മനുഷ്യരുടെ സ്വപ്ന ങ്ങൾക്ക് വർണ്ണമനോഹരമായ ഈടും പാവും നെയ്യുകയും.

ഈ ലിങ്ക് വഴി പോയി ഫേസ്ബുക്കിലൂടെ തന്നെ സിമ്പിളായി വോട്ടു ചെയ്യാം.
https://innovatorsrace50.com/team/impresa.html
ഒപ്പം കൂടുതൽ പേരിലേക്ക് എത്താനായി പോസ്റ്റ് share ചെയ്യുകയും ചെയ്യാം. ഒരു മലയാളി പെൺകുട്ടി ഇത്രയേറെ ആളുകളോട് മത്സരിച്ചു മുന്നിലെത്താൻ നമ്മളാലായത് ചെയ്യുന്നതും അഭിമാനകരമാണല്ലോ