Batch 1997

1997 ൽ, ഒരു പരീക്ഷണാടിസ്ഥാനത്തിൽ ആൺകുട്ടികളെയും പെൺകുട്ടികളെയും വ്യത്യസ്ത ക്ലാസുകളിലേക്ക് മാറ്റിയിരുന്നു.. പിന്നീടുള്ള വർഷങ്ങളിൽ സമ്മിശ്രമായി തുടരുകയാണുണ്ടായത്... Picture courtesy -Dhanya chakko (Dhanya Shijo)

മലയോരഗ്രാമത്തിലെ ഏക ഹൈസ്കൂൾ.. തലയാട്, ചമൽ, തെച്ചി, കോളിക്കൽ എന്നീ ഭാഗത്തുള്ള കുട്ടികൾ ആശ്രയിച്ചിരുന്നത് ഈ സ്കൂൾ ആയിരുന്നു.... ഇരുപത് വർഷങ്ങൾക്കു മുൻപ് സ്കൂൾ വിദ്യഭ്യാസം പൂർത്തിയാക്കി പടിയിറങ്ങുമ്പോൾ എന്താവുമെന്നോ, കൂടെ പഠിച്ചവർ എവിടെയാകുമോ എന്നോ, എന്നൊന്നുമുള്ള ചിന്തകൾ ഒന്നും തന്നെ ഉണ്ടായിരുന്നില്ല...

വർഷങ്ങൾ കടന്നു പോയി..

പഠനം കടന്ന് ജോലിയിലേക്കും, പിന്നീട് ജീവിതങ്ങളിലും മുങ്ങി താഴ്ന്ന് ഒടുവിൽ വാട്സ്ആപ്പിലും ഫേസ്ബുക്സിലും സമയം കണ്ടെത്തി... സൗഹൃദം വീണ്ടെടുത്ത്.. Virtual ഗ്രൂപ്പിൽ തുടങ്ങി.. ഇപ്പോൾ നന്മയുടെ മറ്റൊരു തലത്തിലേക്കുള്ള വഴി യാത്രയിലാണ്... ആ പഴയ സഹപാഠികൾ....

ഇന്ന് ഞങ്ങൾ 9 പേർ , തിരക്കൊഴിച്ചു നിർത്തി പഴയ സ്‍കൂൾ വരാന്തയിലേക്ക് ഒത്തുകൂടാൻ തീരുമാനിച്ചു ..ചില സുപ്രധാന തീരുമാനങ്ങൾക്ക് ശേഷം ഞങ്ങൾ തൊട്ടടുത്തുള്ള അമരാട് മലയിലേക്ക് പോകാൻ തീരുമാനിച്ചു.

മലയോര മേഖലകളെമ്പാടും വിനോദ സഞ്ചാര കേന്ദ്രങ്ങളായി മാറുന്ന കാഴ്ച്ച, ഇരുപത് വർഷങ്ങൾക്ക് മുൻപും ഇത് ഇവിടെ തന്നെയുണ്ടായിരുന്നു ..എത്രമാത്രം സഹപാഠികളാണ് അവിടെ നിന്നും സ്കൂളിൽ എത്തിയിരുന്നത് ..അന്നൊന്നും ഈ വെള്ളച്ചാട്ടങ്ങൾ അത്ഭുതങ്ങളായി തോന്നിയിരുന്നില്ല ...ഞങ്ങൾക്ക് ചുറ്റും അന്ന് നിരവധി തോടുകളും പുഴകളും ..മഴവെള്ള പാച്ചിലികളും ധാരാളമുണ്ടായിരുന്നു ...

അത്ഭുതപെടുത്തുന്നത് കഴിഞ്ഞ ഇരുപതു വർഷങ്ങൾകൊണ്ട് പ്രകൃതിയിൽ ഉണ്ടായ മാറ്റങ്ങളാണ് ..

മനോഹരമായ വെള്ളച്ചാട്ടത്തിൽ കുളിച്ചു രസിച്ചു ഇരുപതു വർഷത്തെ ഇടവേളകൾ മാഴ്ച് ..കുഞ്ഞൻറെ വീട്ടിൽ നിന്നും നല്ല ചൂടുള്ള കട്ടൻ ചായ കുടിച്ചു ..താത്കാലികമായി പിരിഞ്ഞു ..