Sufipedia

സയ്യിദുനാ ഹുസൈൻ (അ): ദിവ്യരക്തസാക്ഷികളുടെ നേതാവ് - ആധികാരികഗ്രന്ഥം പുറത്തിറക്കുന്നു

മുത്ത്ഹബീബ് ﷺ തങ്ങളുടെ റൈഹാൻ പുഷ്പം സയ്യിദുനാ ഹുസൈൻ (അ)ന്റെ സംഭവബഹുലമായ ജീവിതം സമഗ്രമായി പ്രതിപാദിക്കുന്ന ഒരു ഗ്രന്ഥം മലയാളത്തിൽ ഇത് വരെ വിരചിതമായിട്ടില്ല. ശരിയായ ചരിത്രത്തിന്റെ അഭാവത്തിൽ മഹാനരുടെ വിശുദ്ധജീവിതത്തിന്റെ നേർചിത്രം ലഭ്യമാകാത്തതിനാൽ കർബല പോലുള്ള സംഭവങ്ങളെ വക്രീകരിക്കാൻ നവയസീദികൾ പലപ്പോഴും വിഫലശ്രമം നടത്താറുണ്ട്. അറിഞ്ഞോ അറിയാതെയോ സംഘടനാഭേദമന്യേ സയ്യിദുനാ ഹുസൈൻ (അ)നെ തെറ്റായി ചിത്രീകരിക്കുന്നതിൽ സുന്നീപ്രസ്ഥാനങ്ങൾ പോലും പങ്കുചേർന്നിട്ടുണ്ട്. സത്യധാരയിൽ ച്വാലിഹ് പുതുപൊന്നാനി എന്ന കഴുതമാടനും മഅ്‌ദിനിൽ അബൂശാകിർ ഫൈസി എന്ന കള്ളവരാഹവും സയ്യിദുനാ ഹുസൈൻ (അ)നെ നിന്ദിച്ചത് ഉദാഹരണം. കർബല പറയുക പോലും ചെയ്യരുത് എന്നാണ് തൈമിയ്യഃ പ്രേമി സ്വയംപൊങ്ങി മൗലാനാ പുണ്ഡ്രകേളി വിഭാഗത്തിന്റെ നിലപാട്. കർബല ആദ്യമായി പ്രതിപാദിച്ചത് തിരുനബിﷺയും സയ്യിദുനാ അലി (അ)മും നക്ഷത്രതുല്യരായ അനുചരമഹത്തുക്കളും ആണെന്നത് ഇവറ്റകൾ കാണാതെ പോവുന്നുവെന്നത്‌ യാഥാർത്ഥ്യം.

ഈയൊരു സാഹചര്യത്തിൽ ദുർവ്യാഖ്യാനങ്ങളുടെ സകലപഴുതുകളും അടച്ചുകൊണ്ട് സുന്നീപാരമ്പര്യത്തിൽ അതിഷ്ഠിതമായി നമ്മുടെ അഇമ്മത്തുകളുടെ കിതാബുകൾ ആസ്പദമാക്കി ഒരു ഗ്രന്ഥരചന അനിവാര്യമായതിനാൽ ആ ദൗത്യം ഏറ്റെടുത്തിരിക്കുകയാണ് സാവിയതുൽ ഫാതിഹ്. രചന നിർവ്വഹിക്കപ്പെടുന്നത് അഅ്‌ലാ ഹസ്രത്തിനെപ്പോലെ അത്യുന്നതപണ്ഡിത മഹാത്മാക്കളെ സംഭാവന ചെയ്ത ഉപഭൂഖണ്ഡഭൂമികയിൽ നിന്നായതിനാൽ സർവ്വാംഗീകൃതപണ്ഡിതർ ഷാഹ് വലിയുല്ലാഹി ദഹ്ലവി (റ)വിന്റയൊക്കെ വിഷയാനുസൃത നിലപാടുകൾ രചനയുടെ ഭാഗമാകും, ഇൻഷാ അല്ലാഹ്. റാഫിദ്വികളുടെ പത്തി നോക്കി പ്രഹരിക്കുന്നതോടൊപ്പം നാസ്വിബിയൻ നിലപാടുകളും പുസ്തകം അടിച്ചൊതുക്കും. സയ്യിദുനാ ഹുസൈൻ (അ)ന്റെ ശ്രേഷ്ഠവ്യക്തിത്വം ഗ്രന്ഥത്തിൽ അനാവരണം ചെയ്യപ്പെടും. കർബലയിലെ കരളലിയിക്കുന്ന ചരിത്രസംഭവങ്ങൾ വായനക്കാരന്റെ ഹൃദയത്തെ മുറിവേല്പിക്കും എന്നതിൽ സംശയമില്ല.

ക്രൂരയസീദിനെ ലഅനത് ചൊല്ലണോ എന്ന വിഷയത്തിലെ തെറ്റിദ്ധരിപ്പിക്കലുകൾ പുസ്തകം സമഗ്രമായി വിലയിരുത്തും; കർബല പറയരുത് എന്ന വാദം ഇനിയൊരു ഉദവി കെട്ടവനും ഉയർത്താത്ത വിധം ദുർവാഖ്യാനങ്ങളുടെ നിഖിലമേഖലകളും നിഷ്പ്രഭമാക്കി ചർച്ച ചെയ്യുന്നതാണ്. അഹ്ലുബൈത് പ്രേമികൾക്കും ചരിത്രാന്വേഷികൾക്കും സത്യത്തെ തേടുന്നവർക്കും പണ്ഡിതവിദ്യാർത്ഥികൾക്കും വലിയൊരു മുതൽക്കൂട്ട് തന്നെയായി മാറും ഈ മഹദ്ഗ്രന്ഥം, ഇൻഷാ അല്ലാഹ്. അല്ലാഹുവിന്റെ സഹായത്താൽ അടുത്ത കർബലാ ദിനത്തിൽ രചന പൂർണ്ണമാക്കി കമനീയമായ രീതിയിൽ ഇത് പുറത്തിറക്കാനാണ് സാവിയതുൽ ഫാതിഹിന്റെ പദ്ധതി. ഹുസൈനീപ്രേമികൾക്ക് ഇതൊരു വലിയ മുതൽക്കൂട്ടായി ഭവിക്കട്ടെ - ആമീൻ.