Kollam Rural Police
Share
07/07/2026
അഭിനന്ദനങ്ങൾ......
പത്തനാപുരത്ത് വൻതോതിൽ നിരോധിത പുകയില ഉൽപ്പന്നങ്ങൾ പിടികൂടി;
പത്തനാപുരത്ത് വൻതോതിൽ നിരോധിത പുകയില ഉൽപന്നങ്ങൾ പിടികൂടി. ഓപ്പറേഷൻ തൂഫാന്റെ ഭാഗമായി പത്തനാപുരം പോലീസ് നടത്തിയ തിരച്ചിലിലാണ് ലഹരി ശേഖരം പിടികൂടിയത്. പിറവന്തൂർ വില്ലേജിൽ നാരങ്ങാപ്പുറം എന്ന സ്ഥലത്ത് വാടകയ്ക്കെടുത്ത് ഗോഡൗൺ ആയി ഉപയോഗിച്ചിരുന്ന കട റൂമിൻ്റെ ഉള്ളിലായി 48 ചാക്കുകളിൽ വിൽപ്പനയ്ക്കായി സൂക്ഷിച്ചു വച്ചിരിക്കുന്ന നിരോധിത പുകയില ഉൽപ്പന്നങ്ങളാണ് പിടികൂടിയത്. പത്തനാപുരം മഞ്ചല്ലൂർ മാലിക്മൻസിലിൽ മീരാസാഹിബ് മകൻ ഫൈസലിനെ പോലീസ് അറസ്റ്റ് ചെയ്തു.
06/07/2026
കാണാതെ പോയ മൊബൈൽ ഫോണിനെ സംബന്ധിച്ച് CEIR ൽ രജിസ്റ്റർ ചെയ്ത പരാതിയിൽ കുളത്തുപ്പുഴ പോലീസ് നടത്തിയ അന്വേഷണത്തിൽ ഝാർഖണ്ഡിൽ നിന്നും മൊബൈൽഫോൺ കണ്ടെത്തി സുരക്ഷിതമായി തിരികെ എത്തിച്ച് യഥാർത്ഥ ഉടമയ്ക്ക് കൈമാറി
മൊബൈല് ഫോണ് നഷ്ടപ്പെട്ടാൽ...
അടുത്തുള്ള പോലീസ് സ്റ്റേഷനില് നേരിട്ടോ കേരളാ പോലീസിന്റെ POL APP എന്ന മൊബൈല് ആപ്പ് വഴിയോ THUNA ഓണ്ലൈന് പോര്ട്ടല് വഴിയോ പരാതി രജിസ്റ്റര് ചെയ്ത് രസീത് കൈപ്പറ്റാവുന്നതും സിം കാര്ഡുകളുടെ ഡ്യൂപ്ലിക്കേറ്റ് എടുത്ത് സിം ആക്ടീവ് ആയ ശേഷം Sanchar Saathi ആപ്പ് വഴിയോ CEIR വെബ്സൈറ്റ് (https://ceir.sancharsaathi.gov.in/) വഴിയോ ‘Block Stolen/Lost Mobile’ ടാബില് ക്ലിക്ക് ചെയ്ത് IMEI നമ്പര്, ഫോണില് ഉപയോഗിച്ചിരുന്ന മൊബൈല് നമ്പര്, പോലീസില് പരാതി നല്കിയപ്പോള് ലഭിച്ച രസീത്, മൊബൈല് ഉടമസ്ഥന്റെ തിരിച്ചറിയല് രേഖ മുതലായവ നല്കി തുടര്ന്ന് നേരത്തെ എടുത്ത് വച്ചിരിക്കുന്ന ഡ്യൂപ്ലിക്കേറ്റ് സിമ്മിലേക്ക് വരുന്ന OTP കൂടി നല്കിയാല് പരാതി രജിസ്റ്റര് ആകുന്നതും ഒരു റിക്വസ്റ്റ് ഐഡി നമ്പര് ലഭിക്കുന്നതുമാണ്. തുടര്ന്ന് ഈ ബ്ലോക്ക് ചെയ്യപ്പെട്ട IMEI നമ്പര് ഉള്ള ഫോണില് ഏതെങ്കിലും സിം കാര്ഡ് ആരെങ്കിലും ഉപയോഗിക്കാന് ശ്രമിച്ചാല് ടി വിവരം SMS ആയി പരാതി നല്കിയ ആള്ക്കും വിശദാംശങ്ങള് സഹിതം പരാതി രജിസ്റ്റര് ചെയ്ത പ്രസ്തുത പോലീസ് സ്റ്റേഷനില് CEIR പോര്ട്ടല് മുഖേനയും അറിയിപ്പ് ലഭ്യമാകുന്നതുമാണ്.
സർവീസിനായി കൊണ്ടുവരുന്ന ഫോണുകൾ വാങ്ങി വയ്ക്കുന്നതിന് മുമ്പ് അവ "സഞ്ചാർ സാഥി" ആപ്പിൽ പരിശോധിച്ചു ഐഎംഇഐ ബ്ലാക്ക് ലിസ്റ്റ് ചെയ്തതല്ല എന്ന് മൊബൈൽ ഷോപ്പ് ജീവനക്കാർ ഉറപ്പാക്കണം. സെക്കന്ഡ് ഹാന്ഡ് ഫോണുകള് വാങ്ങുന്ന പൊതുജനങ്ങള് ടി ഫോണിന്റെ 2 IMEI നമ്പരുകളും പരിശോധിച്ച് ( * #06 # ഡയല് ചെയ്താല് IMEI നമ്പരുകള് ലഭിക്കുന്നതാണ്) അവ ബ്ലാക്ക് ലിസ്റ്റ് ചെയ്യപ്പെട്ടതല്ല എന്ന് ഉറപ്പാക്കണം. അല്ലാത്തവ ശ്രദ്ധയിൽപ്പെട്ടാൽ ഉടനടി പോലീസിൽ വിവരമറിയിക്കണം. Playstore/Appstore ല് ലഭ്യമായിട്ടുള്ള Sanchar Saathi App വഴിയും KYM എന്ന് ടൈപ്പ് ചെയ്ത് 14422 എന്ന നമ്പരിലേക്ക് SMS അയച്ചും കൈവശം ഉള്ള ഫോണിന്റെ IMEI ബ്ലാക്ക് ലിസ്റ്റ് ചെയ്യപ്പെട്ടവ ആണോ അല്ലയോ എന്ന് പരിശോധിക്കാവുന്നതാണ്.
Click here to claim your Sponsored Listing.
Category
Contact the organization
Telephone
Address
Kottarakkara
Kollam
