Aai Durga Foundation

मौजे वडणगे येथे रोटरी क्लब ऑफ कोल्हापूर व आईंदुर्गा फाउंडेशन यांच्या संयुक्त विद्यमाने महिलांसाठी भव्य मोफत आरोग्य शिबीर आयोजित करण्यात आले. या शिबिरात ऍस्टर आधार हॉस्पिटल व कोल्हापूर कॅन्सर सेंटर यांच्या मार्फत रुग्णांच्या सर्व तपासण्या मोफत राबवण्यात आल्या. या शिबिरात कोल्हापूर कॅन्सर सेंटरच्या डॉ. वैशाली शिरोळकर यांनी कॅन्सर तपासणी केली. रोटरी इन्स्टिट्यूट ऑफ स्पीच अँड हीअरिंगचे श्रवणतज्ञ जयकुमार पाटील यांनी श्रवण व वाचा दोष तपासणी केली. ऍस्टर आधार हॉस्पिटलच्या डॉ. तेजश्री जाधव यांनी आरोग्य तपासणी केली. या शिबिराच्या निमित्ताने रांगोळी स्पर्धा आयोजित करण्यात आली. आरती दळवी,आकांक्षा पाटील,अश्विनी मगदूम,मंगल पाटील व संजीवनी मगदूम या विजेत्या ठरल्या. रोटरी क्लब ऑफ कोल्हापूरच्या वतीने रोटेरियन अरविंद तराळ(प्रेसिडेंट), रोटेरियन प्रदीप कारंडे(सेक्रेटरी), रोटेरियन डॉ. अभिजित हावळ, रोटेरियन वैशाली तराळ व रोटेरियन अमोल घोडके यांचे विशेष सहकार्य लाभले. ३०० हून अधिक महिलांनी या शिबिराचा लाभ घेतला. कार्यक्रमाचे सूत्रसंचलन शैलजा पोवार यांनी केले तर शिबिराच्या आयोजक व आईदुर्गा फाउंडेशनच्या अध्यक्षा अश्विनी सतीश ढेंगे यांनी बक्षीस वितरण करून उपस्थितांचे आभार मानले.