IDEAL IDEAS Events and Promotions

കൊറിയർ സർവ്വീസ് സ്ഥാപനത്തിലെ സ്റ്റാഫ് ആണെന്ന വ്യജേന പരാതിക്കാരനെ വിളിച്ച് പരാതിക്കാരന്റെ പേരിൽ മുംബൈയിലുള്ള വിലാസത്തിൽ നിന്നും ചൈനയിലെ ഷാങ്ഹായിലേക്ക് നിയമവിരുദ്ധമായി ATM Cards, Laptop, Cash, M**A, എന്നീ വസ്തുക്കൾ അയച്ചിട്ടുണ്ടെന്ന് അറിച്ചതിന് ശേഷം ഫോണിൽ വിളിച്ച് മുംബൈ സൈബർ ക്രൈം പോലീസ് സ്റ്റേഷനിലെ ഉദ്ദ്യോഗസ്ഥനാണെന്നും, ഈ കാര്യത്തിന് CBI കേസ് രജിസ്റ്റർ ചെയ്തിട്ടുണ്ടെന്നു പറഞ്ഞ് പരാതിക്കാരന്റെ പേരിലുള്ള അക്കൗണ്ട് കോടതിയിൽ വെരിഫൈ ചെയ്യുന്നതിനുള്ള തുകയായി നോട്ടറിയുടെ ബാങ്ക് അക്കൗണ്ട് എന്ന് പറഞ്ഞ് നൽകിയ അക്കൗണ്ടിലേയ്ക്ക് പരാതിക്കാരൻെറ അക്കൗണ്ടിൽ നിന്നും 5 ലക്ഷത്തോളം രൂപ പറ്റിച്ചെടുത്ത കേസ്സിലേക്ക് മുഹമ്മദ് തുഫൈൽ.കെ.പി, C/o നാസിർ എ.പി, കെയ്താപ്പറമ്പിൽ ഹൗസ്, മണിപ്പുറം പോസ്റ്റ്, വാവാട് ഗ്രാമം, കൊടുവള്ളി, കോഴിക്കോട് എന്നയാളെ കോഴിക്കോട് നിന്നും കൊച്ചി സിറ്റി സൈബർ ക്രൈം പോലീസ് അറസ്റ്റ് ചെയ്തു.
പരാതിക്കാരന് നഷ്ടപ്പെട്ട തുക തിരിച്ചു കിട്ടുന്നതിനായി പോലീസിന്റെ നിർദ്ദേശാനുസരണം 1930 നാഷണൽ സൈബർ ക്രൈം റിപ്പോർട്ടിംഗ് പോർട്ടലിലും സംഭവം നടന്ന ഫെബ്രുവരി മാസത്തിൽ രജിസ്റ്റർ ചെയ്തിനെ തുടർന്ന് എറണാകുളം ടൗൺ സൗത്ത് പോലീസ് കേസ് രജിസ്റ്റർ ചെയ്ത് അന്വേഷണം നടത്തിയിരുന്നതും, കേസ്സ് കാര്യക്ഷമമാക്കുന്നതിനായി കൊച്ചി സിറ്റി സൈബർ പോലീസ് സ്റ്റേഷന് കൈമാറുകയായിരുന്നു..
തുടർന്ന് സൈബർ പോലീസ് ബാങ്ക് അക്കൗണ്ട് ട്രാൻസാക്ഷനുകളുടെയും സൈബർ ക്രൈം റിപ്പോർട്ടിംഗ് പോർട്ടലിൽ നിന്നും ലഭിച്ച വിവരങ്ങളുടെയും അടിസ്ഥാനത്തിൽ നടത്തിയ അന്വേഷണത്തിൽ പ്രതിയെ കുറിച്ചുള്ള വിവരം ലഭിച്ചിട്ടുള്ളതും, സൈബർ ഓപ്പറേഷൻസ് എസ്.പി.ശ്രീ.ഹരിശങ്കർ ഐ.പി.എസ്. അവർകളുടെ നിർദ്ദേശാനുസരണം തുടർനടപടി സ്വീകരിക്കുകയുമായിരുന്നു.
ട്രാൻസാക്ഷനുകളുടെയും, ഫോൺ നമ്പരുകളുടെ ഡീറ്റെയിലുകളുമായി ബന്ധപ്പെട്ട വിശദമായ പരിശോധനയിൽ പ്രതി കോഴിക്കോട്ടുള്ള മുഹമ്മദ് തുഫൈൽ ആണെന്ന് ബോധ്യപ്പെട്ടതിനെ തൂടർന്ന് കൊച്ചി സിറ്റി കമ്മീഷണർ ആന്റ് ഡി.ഐ.ജി ശ്രീ.പുട്ട വിമലാദിത്യ IPS അവർകളുടെ പ്രത്യേക നിർദ്ദേശാനുസരണം ഡെപ്യൂട്ടി കമ്മീഷണർ സുദർശൻ K S IPS അവർകളുടെയും അസ്സി. കമ്മീഷണർ മുരളി എം.കെ.യുടെയും മേൽനോട്ടത്തിൽ പ്രത്യേക അന്വേഷണ സംഘം രൂപീകരിച്ച് നടത്തിയ അന്വേഷണത്തിലാണ് പ്രതിയായ മുഹമ്മദ് തുഫൈലിനെ അറസ്റ്റ് ചെയ്തത്. കൊച്ചി സിറ്റി സൈബർ ക്രൈം പോലീസ് സ്റ്റേഷനിലെ സബ്ബ് ഇൻസ്പെക്ടറായ രൂപേഷ് കെ.ആർ., സീനിയർ സിവിൽ പോലീസ് ഓഫീസർമാരായ നിഖിൽ ജോർജ്ജ്, അജിത് ബാലചന്ദ്രൻ, ആൽഫിറ്റ് ആൻഡ്രൂസ്, ദീപ പിഎക്സ് എന്നിവരുള്ള ടീം ആണ് പ്രതിയെ അറസ്റ്റ് ചെയ്തത്. കേസ്സിന്റെ തൂടർ അന്വേഷണം ദ്രുതഗതിയിൽ മറ്റ് സംസ്ഥാനങ്ങളിലേക്കും വ്യാപിപ്പിക്കുമെന്ന് കൊച്ചി സിറ്റി സൈബർ പോലീസ് അറിയിച്ചു.

ഇന്ത്യാ പോസ്റ്റ് എന്ന പേരിലുള്ള വ്യാജ സന്ദേശങ്ങള്‍ നിങ്ങൾക്കും കിട്ടിയിട്ടുണ്ടാവും.

നിങ്ങളുടെ പാക്കേജ് വന്നിട്ടുണ്ട്. രണ്ട് തവണ ഡെലിവറി ചെയ്യാൻ ശ്രമിച്ചെങ്കിലും വിലാസം അപൂർണമായതിനാല്‍ അതിന് സാധിച്ചില്ല. 48 മണിക്കൂറിനുള്ളില്‍ വിലാസം അപ്ഡേറ്റ് ചെയ്യുക. അല്ലാത്തപക്ഷം പാക്കേജ് തിരികെ അയക്കുന്നതാണ്. വിലാസം അപ്ഡേറ്റ് ചെയ്യാനായി ലിങ്കില്‍ ക്ലിക്ക് ചെയ്യുക.(ലിങ്ക്) അപ്ഡേറ്റ് ചെയ്തുകഴിഞ്ഞാല്‍ 24 മണിക്കൂറിനുള്ളി പാക്കേജ് വീണ്ടും ഡെലിവറി ചെയ്യുന്നതാണ്. എന്നാണ് സന്ദേശം

ഈ ലിങ്കില്‍ ക്ലിക്ക് ചെയ്യുമ്ബോള്‍ ഇന്ത്യാ പോസ്റ്റ് വെബ് സൈറ്റിനു സമാനമായ ഒരു വ്യാജ വെബ്സൈറ്റിലേക്കാണ് പോവുക. ഒരു ട്രാക്കിങ് ഐ.ഡിയും ഡെലിവറി പരാജയപ്പെട്ട നോട്ടിഫിക്കേഷനും അതില്‍ കാണാം. ഒപ്പം വിലാസം അപ്ഡേറ്റ് ചെയ്യാനും ആവശ്യപ്പെടും.

സന്ദേശങ്ങളുടെ ആധികാരികത ആദ്യം ഉറപ്പുവരുത്തുക. സംശയം തോന്നിയാല്‍ പരാതിപ്പെടുക.
വ്യക്തിവിവരങ്ങള്‍ ആവശ്യപ്പെട്ടുള്ള ലിങ്കുകളിലും, അപരിചിതർ അയക്കുന്ന ലിങ്കുകളിലും ക്ലിക്ക് ചെയ്യാതിരിക്കുക.
വെബ്സൈറ്റുകളിലെയും സന്ദേശങ്ങളിലേയും ഭാഷയിലെ വ്യാകരണ പ്രശ്നങ്ങള്‍ ശ്രദ്ധിക്കുക.
ഇന്ത്യാ പോസ്റ്റിന്റെ ഈ സന്ദേശം ലഭിച്ചാല്‍ നിങ്ങള്‍ക്ക് ശരിക്കും ഒരു പാക്കേജ് വരാനുണ്ടോ എന്ന് പരിശോധിക്കുക.
നിങ്ങളുടെ അറിവില്‍ ഒരു പാക്കേജ് വരാനില്ലെങ്കില്‍, അടുത്തുള്ള പോസ്റ്റ് ഓഫീസില്‍ വിവരം അന്വേഷിക്കുക
ലിങ്കുകള്‍ യഥാർത്ഥ് വെബ്സൈറ്റിന്റേത് തന്നെയാണെന്ന് ഉറപ്പുവരുത്തുക.
തട്ടിപ്പിന് ഇരയായെന്ന് മനസിലായാല്‍ 1930 വിളിച്ച്‌ വേഗം തന്നെ പരാതി നൽകുക