https://www.facebook.com/112675796059746/

Viaan

24/09/2025

അപ്രതീക്ഷിതമായി സംഭവിച്ച ഒരു കൂടിക്കാഴ്ച, ജീവിതത്തിൽ ഒരിക്കലും മറക്കാനാവാത്ത ഒരനുഭവമാണ്. പ്രധാനമന്ത്രിയുടെ ജന്മദിന വീഡിയോ വൈറലായതിന്റെ ഫലമായി ഒരുപാട് ഫോൺ വിളികളുടെയും, മെസ്സേജുകളുടെയും ഒപ്പം, മൂന്ന് തലമുറകളെ തീയേറ്ററിൽ പ്രകമ്പനം കൊള്ളിക്കുന്ന സൂപ്പർസ്റ്റാർ രജനികാന്തിനെ നേരിൽ കാണാൻ കഴിയുമെന്ന് പ്രതീക്ഷിച്ചിരുന്നില്ല..സിനിമയുടെ വെള്ളിവെളിച്ചത്തിൽ നിന്ന് വിഭിന്നമായി, ലാളിത്യം നിറഞ്ഞ ഒരു സാധാരണക്കാരനായി കറുത്ത ഇന്നോവ കാറിൽ, പേഴ്‌സണൽ അസിസ്റ്റന്റ് സുബ്ബയ്യയ്ക്കൊപ്പം 25 വയസ്സുകാരന്റെ ഊർജ്ജസ്വലതയോടെ തലൈവർ ഇറങ്ങിവന്നപ്പോൾ,അവിടെ നിറഞ്ഞ പ്രഭാവലയം നേരിട്ട് അനുഭവിച്ചറിഞ്ഞാൽ മാത്രം മനസ്സിലാക്കാവുന്ന ഒന്ന്തന്നെ. ആഡംബരങ്ങളില്ലാത്ത ആ വ്യക്തിത്വത്തിൽ അദ്ദേഹത്തിന്റെ എളിമ നിറഞ്ഞ പെരുമാറ്റമാണ് ഏറെ ആകർഷണീയം.
ഈ കൂടിക്കാഴ്ചയ്ക്ക് അവസരമൊരുക്കിയ വൈബ്ഓൺ ഗ്ലോബൽ എന്റർടൈൻമെന്റസ് സപ്പോർട്ടറും സുഹൃത്തും നിർമ്മാതാവുമായ സുരേഷ് സാറിനു നന്ദി പറയേണ്ടത്
'ജയിലർ 2'ന്റെ തിരക്കിനിടയിൽ വലിയ മനുഷ്യന്റെ കുറച്ചു സമയം മാറ്റിവച്ചതിന് , വളരെക്കാലമായി അറിയുന്ന ഒരാളോടെന്നപോലെ പെരുമാറിയ തലൈവരെ ഇനിയും കാണാമെന്ന പ്രതീക്ഷയിൽ ഇറങ്ങാൻ നേരം, കൂടെയുള്ള അസിസ്റ്റന്റിനോട് പ്രഭാതഭക്ഷണം ഒരുക്കാൻ പറയാൻ അദ്ദേഹം മറന്നില്ല. ഒരു വലിയ മനുഷ്യന്റെ ചെറിയ കാര്യങ്ങളിലെ ശ്രദ്ധ.
ചില കാര്യങ്ങൾ അങ്ങനെയാണ്, യാദൃച്ഛികമായി സംഭവിക്കുന്ന ചില കൂടിക്കാഴ്ചകൾ ഒരു പുതിയ തുടക്കമായി മാറാറുണ്ട്..

Viaan Narendra Modi