KMCP

കൊച്ചി മെട്രോയുടെ തമാശകൾ ...

ഇതാദ്യമായല്ല ഇത്തരം വിഡ്ഢിത്തങ്ങൾ കാണിക്കുന്നത്.

ആളുകൾ സൈക്കിൾ യാത്ര നടത്തണമെന്നോ
സൈക്കിൾ മെട്രോ യാത്രാ സംവിധാനത്തിന്റെ ഒരു ഭാഗമാണെന്നോ
കൊച്ചി മെട്രോയ്‌ക്കോ കോർപറേഷനോ
ജി സി ഡി എ യ്‌ക്കോ കൊച്ചിൻ സ്മാർട്ട് മിഷനോ
പൊതു മരാമത്തിനോ ... ആർക്കും ധാരണയില്ല.

ആദ്യം വേണ്ടത് സുരക്ഷിതമായ സൈക്കിൾ പാതകൾ
നഗരത്തിൽ ഉണ്ടെന്ന് ഉറപ്പാക്കലാണ്.
എന്നിട്ട് വേണം ഇത്തരം പ്രവർത്തികൾക്ക് പണം മുടക്കാൻ.

അല്ലെങ്കിൽ വെളുക്കാൻ തേച്ചത് പാണ്ടാകും ...
ആളുകൾ കളിയാക്കി ചിരിക്കും.

മുഖ്യമന്ത്രിയുടെ ഓഫീസിൽ നിന്നുള്ള മറുപടി കൈപ്പറ്റി.

3 ജൂണിൽ അയച്ച കത്തിനാണ് മറുപടി അയച്ചത്.
(അയച്ച കത്ത്)

നമസ്കാരം,

ഇന്ന ലോക സൈക്കിൾ ദിനമാണല്ലോ. (ജൂണ് 3).

തിരഞ്ഞെടുപ്പ് പത്രികയിൽ പറഞ്ഞിരിക്കുന്ന ഒരു പദ്ധതിയ്ക്ക് തുടക്കം കുറിക്കാൻ നല്ല ദിവസമാണിന്ന് .

715. സൈക്കിള്‍ ഉപയോഗിക്കുന്നതിനെ പ്രോത്സാഹിപ്പിക്കും.
റോഡുകളില്‍ സൈക്കിള്‍ ട്രാക്കുകള്‍ സ്ഥാപിക്കും.
ഒഴിവു ദിവസങ്ങളില്‍ ചില റോഡുകള്‍ സൈക്കിളിനും കാല്‍നടയാത്രക്കാര്‍ക്കും മാത്രമായി റിസര്‍വ്വ് ചെയ്യും.

സൈക്കിള്‍ വാങ്ങുന്നതിന് ഉദാരമായ വായ്പ ലഭ്യമാക്കും.
സൈക്കിള്‍ ക്ലബ്ബുകളെ പ്രോത്സാഹിപ്പിക്കും.
വര്‍ഷത്തില്‍ ഒരുദിവസം സൈക്കിളിംഗ് ദിനമായി ആചരിക്കുകയും കേരളത്തിന്റെ ഒരറ്റം മുതല്‍ മറ്റേയറ്റം വരെ വിപുലമായ റിലേ സൈക്കിളംഗ് സംഘടിപ്പിക്കുകയും ചെയ്യും.

എന്നാൽ ഇതിന് മുന്നേതന്നെ, റോഡുകൾ സൈക്കിൾ സവാരിയ്ക്ക് സുരക്ഷിതമാണ് എന്നുറപ്പാക്കേണ്ടതുണ്ട്. അതിനുവേണ്ടിയുള്ള പ്രാരംഭ പ്രവർത്തികൾ സർക്കാർ തലത്തിൽ ഇന്ന് തുടങ്ങാൻ സാധിക്കും എന്ന് പ്രതീക്ഷിക്കുന്നു.

ലോകത്തിന് മുന്നിൽ നല്ലൊരു കേരള മാതൃക ഉണ്ടാക്കാൻ രണ്ടാം ജനകീയ സർക്കാരിന് സാധിക്കട്ടെ എന്നാത്മാർത്ഥമായും ആഗ്രഹിക്കുന്നു.

നന്ദി,
സസ്നേഹം

സന്തോഷ് താന്നിക്കാട്