Downups

കേരളത്തിലെ സർക്കാർ aided സ്കൂളുകളിൽ അധ്യാപകനിയമനത്തിന് 40-50 ലക്ഷം രൂപ മാനേജ്മെന്റ് ആവശ്യപ്പെടുന്നു എന്നത് വാസ്തവമാണോ? ഇത്രയും വലിയ തുക നൽകി ജോലി നേടിയാൽ ശമ്പളത്തിലൂടെ മുടക്കുമുതൽ എത്ര വർഷം കൊണ്ട് തിരിച്ചു കിട്ടും?

ഉത്തരം:
ഒരിക്കലും കിട്ടില്ല. കയ്യിൽ 50 ലക്ഷം നീക്കിയിരുപ്പില്ലാതെ ഇത് ആലോചിക്കാനാവില്ലല്ലോ. 50 ലക്ഷം രൂപ ഒരു ഫിക്സഡ് ഡിപ്പോസിറ്റോ പോസ്റ്റ് ഓഫീസിൽ ലഭിക്കുന്ന സേവിങ്സ് പദ്ധതികളിലോ നിക്ഷേപിച്ചാൽ ഏതാണ്ട് എട്ടു വര്ഷം കൊണ്ട് അത് ഒരു കോടി രൂപ ആകും. അതിൽ നിന്നും 50 ലക്ഷം എടുത്തു ബാക്കി നിക്ഷേപിച്ചാൽ വീണ്ടും എട്ടു വര്ഷം കഴിയുമ്പോൾ ഒരു കോടി രൂപ കിട്ടും. ചെറുപ്പത്തിൽ സർക്കാർ ജോലിക്കു കയറുന്ന ഒരാൾക്ക് 30 -32 വര്ഷം ആണ് ജോലി ചെയ്യാൻ കഴിയുക. ഈ കാലയളവിൽ ഓരോ എട്ടു വർഷവും 50 ലക്ഷം പിൻവലിച്ചാൽ ഒന്നര കോടി രൂപ കയ്യിലുണ്ടാകും. അവസാനവര്ഷത്തെ ബാക്കിയാകുന്ന ഒരു കോടി കൂടെ കൂട്ടിയാൽ ആകെ രണ്ടര കോടി രൂപ കിട്ടും എന്നർത്ഥം. ഇനി ഈ തുക പിൻവലിക്കാതെ തുടർച്ചയായി നിക്ഷേപിച്ചാൽ എന്ത് സംഭവിക്കും എന്ന് നോക്കാം. ആദ്യത്തെ എട്ടു വര്ഷം കൊണ്ട് അത് ഒരു കോടിയാകും, ആ ഒരു കോടി നിക്ഷേപിച്ചാൽ പതിനാറാമത്തെ വര്ഷം അത് രണ്ടു കോടിയാകും ഇരുപത്തിനാലാമത്തെ വര്ഷം അത് നാല് കോടിയും മുപ്പത്തിരണ്ടാമത്തെ വര്ഷം (റിട്ടയർ ചെയ്യുന്ന പ്രായം) അത് എട്ടു കോടിയും ആകും.

ഇനി ഈ കാലയളവിൽ എന്ത് ശമ്പളം കിട്ടും എന്ന് നോക്കാം. ലക്ഷങ്ങൾ ശമ്പളം എന്നതൊക്കെ വെറും കൊട്ട കണക്കാണ്. തുടക്കത്തിൽ ഏതാണ്ട് 60000 രൂപ കിട്ടും. ഒരു കൊല്ലം കൊണ്ട് 720000 രൂപ. അതായത് പ്രതിദിനം 2000 രൂപ. നല്ലൊരു തുക പ്രോവിഡന്റ് ഫണ്ടിലും മറ്റും നിക്ഷേപിച്ചില്ലെങ്കിൽ ഒരു മാസത്തെ ശമ്പളമെങ്കിലും ആദായ നികുതിയായി പോയി കിട്ടും.അതായത് പ്രതിമാസം 60000 രൂപ എന്നത് ഫലത്തിൽ പന്ത്രണ്ട് മാസം പണിയെടുത്തിട്ടു പതിനൊന്നു മാസത്തെ ശമ്പളം വാങ്ങുക എന്നാകും. അതായത് പ്രതിദിനം 1775 രൂപ. ഒരു വിദഗ്ധ തൊഴിലാളിയുമായി താരതമ്യപ്പെടുത്തിയാൽ അവരെക്കാൾ കൂടുതൽ നിങൾ വാങ്ങുന്നത് 775 രൂപ മാത്രം. ശമ്പളം കൂടുന്നതിന് അനുസരിച്ചു നികുതിയും കൂടും. ഈ ശമ്പളം എന്നത് ഒറ്റയടിക്ക്ത് ധാരാളമായി കൂടുകയുമില്ല. പ്രതിവർഷം ഏതാണ്ട് രണ്ടു മൂന്നു ശതമാനമാണ് അതിന്റെ വർധന. ആദായ നികുതി വെട്ടിക്കാൻ ശമ്പളക്കാർക്കു മാർഗ്ഗമൊന്നും ഇല്ല. ഒന്നര ലക്ഷം പ്രതിമാസ ശമ്പളം ഒക്കെ ആകുമ്പോൾ ചുരുങ്ങിയത് മൂന്നു നാല് ലക്ഷം രൂപയൊക്കെ വർഷത്തിൽ ആദായ നികുതി ആയി മാത്രം കയ്യിൽ നിന്നു പോകും. ഈ കാലയളവിൽ നിങ്ങൾ ശമ്പളമായി വാങ്ങുന്നത് ഏതാണ്ട് അഞ്ചരക്കോടി രൂപയാണ്. അതിൽ ഏതാണ്ട് ഒന്നരക്കോടി രൂപ നികുതിയായി പോകും. ബാക്കി നാല് കോടി രൂപയാണ് ഇത്രയും പണി എടുത്തിട്ടു നിങ്ങള്ക്ക് കയ്യിൽ കിട്ടുക. അതായത് ഒന്നും ചെയ്യാതെ ഇരുന്നാൽ നിങ്ങള്ക്ക് നിക്ഷേപത്തിൽ നിന്ന് കിട്ടുന്നതിന്റെ നേര്പകുതി തുക. അതിൽ തന്നെ ഒരു വിദഗ്ധ തൊഴിലാളിക്ക് ഇതേ കാലയളവിൽ കിട്ടുക രണ്ടേ മുക്കാൽ കോടി രൂപയാണ്. (അവർ നികുതി കൊടുക്കാറുമില്ല.) എന്ന് വച്ചാൽ നിങ്ങൾക്ക് ആകെ അധികം കിട്ടുന്നത് ഒന്നേ കാൽ കോടി രൂപ മാത്രം. വെറുതെ കിട്ടുന്നതൊന്നുമല്ലല്ലോ. ഇതിനു വേണ്ടി നന്നായി പണിയെടുക്കുകയും വേണം.

ഇനി പെന്ഷന്റെ കാര്യം. പണ്ടത്തെ പെൻഷൻ സമ്പ്രദായം 2012 ആയതോടെ നിർത്തി. ഇനിയുള്ളത് പങ്കാളിത്ത പെൻഷൻ ആണ്. അതായത് പെൻഷൻ വേണമെങ്കിൽ പണം നമ്മൾ നമ്മുടെ കയ്യിൽ നിന്നും മുൻ‌കൂർ ആയിപെൻഷൻ ഫണ്ടിലേക്ക് കൊടുക്കണം. സർക്കാരും ഒരു തുക അതിൽ നിക്ഷേപിക്കും. ഈ രണ്ടു തുകയും ചേർത്ത് നിങ്ങള്ക്ക് റിട്ടയർ ചെയ്തതിനു ശേഷം മാസാമാസം തരും. അതാണ് ഇപ്പോളത്തെ രീതി. അതായത് പെൻഷൻ മോഹിച്ചിട്ടാണ് ഇത്രയും കാശു മുടക്കുന്നതെങ്കിൽ അതും നടപ്പില്ല.

പിന്നെ ആകെ ഉള്ള ഗുണം, വിദ്യാർത്ഥികളും ഒക്കെ തരുന്ന ഒരു ബഹുമാനവും നാട്ടിലെ വിലയുമൊക്കെ ആണ്. അതാകട്ടെ ദിനംപ്രതി താഴോട്ട് പോയിക്കൊണ്ടിരിക്കുകയുമാണ്.

മൊത്തത്തിൽ ഇതൊരു നഷ്ടക്കച്ചവടമാണെന്നു ചുരുക്കത്തിൽ പറയാം. അ തായതു നമ്മുടെ കയ്യിലുള്ള കാശു നമ്മൾ ആർക്കോ കൊടുക്കുന്നു. എന്നിട്ടു പട്ടിയെപ്പോലെ പണിയെടുക്കുന്നു. പണിക്കാശു കഴിച്ചു നോക്കിയാൽ കൊടുത്ത കാശിന്റെ പലിശ പോലും മുതലാകാതെ പത്തു മുപ്പതു കൊല്ലം നമ്മൾ വെറുതെ പണിയെടുക്കുന്നു. കിട്ടുന്നതിൽ നിന്ന് നികുതി കൊടുക്കുന്നു. മിച്ചം പിടിച്ചു നമുക്കുള്ള പെൻഷൻ നമ്മൾ തന്നെ കരുതി വെക്കുന്നു. ഇത്രയും മണ്ടത്തരങ്ങൾ ചെയ്തിട്ട് സർക്കാർ ജോലി കിട്ടി എന്ന ആശ്വാസത്തിൽ ജീവിച്ചു പോകുന്നു. എത്ര സുന്ദരം അല്ലെ?

പ്രൊഫസർ ഗിഗ്ഗിൻ

Happy Diwali