CPIM Bethurpara

ആറ് പതിറ്റാണ്ട് കാലയളവിനുമപ്പുറം അപ്പൻ പാകപ്പെടുത്തിയെടുത്ത രാഷ്ട്രീയത്തഴമ്പിന്റെ അടിബലം പേറി സ്ഥാനാർത്ഥിയായവനല്ല,

പുതുപ്പള്ളിയിലെ സാധാരണ മനുഷ്യരുടെ ജീവൽ പ്രശ്നങ്ങളോട് മുഖം തിരിഞ്ഞു നടന്നവനല്ല,

മഹാപ്രളയവും മഹാമാരിയും വരിഞ്ഞു മുറുക്കപ്പെട്ട പുതുപ്പള്ളിക്കാർക്ക് തന്റെ മുഖം പെട്ടെന്നങ്ങ് വിസ്മരിച്ചു കളയാൻ മാത്രം ഇട നൽകിയവനല്ല,

ജനങ്ങൾ ചേർത്തു പിടിക്കുമെന്നുറപ്പായിരുന്ന സാഹചര്യത്തിലും അവൻ ജനവിധിയോട് പരാജയപ്പെട്ടു.
ഈ തോൽവി അയാളുടെ വ്യക്തിപരമായ പരാജയമോ അയാളുടെ പ്രസ്ഥാനത്തിന്റെ പരാജയമോ ആയി വിലയിരുത്തപ്പെടരുത്.

മലയാളിയുടെ അസ്ഥിയിൽ അലിഞ്ഞു ചേർന്ന അതിവൈകാരികത എന്ന സ്വത്വം ആ നാടിന്റെ വികസന സ്വപ്നങ്ങളെ വീണ്ടും തച്ചുടയ്ക്കുകയായിരുന്നു.

വർഗീയതയോട് സന്ധി ചേർന്നവർ മതനിരപേക്ഷതയെ പരാജയപ്പെടുത്തുകയായിരുന്നു.

സഖാവ് ജെയ്ക്കേ.....
നിങ്ങളുടെ പ്രസ്ഥാനം നിങ്ങളിലർപ്പിച്ച ഉത്തരവാദിത്തം ഏറെ മികവോടെയും അർപ്പിത മനോഭാവത്തോടെയും നിങ്ങൾക്ക് നിറവേറ്റാനായതിൽ അഭിമാനിക്കുക.
വിജയ പരാജയങ്ങൾക്കുമപ്പുറം പുതുപ്പള്ളിയിലെ മനുഷ്യർ മാത്രമല്ല ലോകമലയാളികൾ ഒന്നടങ്കം രഹസ്യമായും പരസ്യമായും ഏറ്റുപറയുന്നൊരു സത്യമുണ്ട്,
" നിങ്ങൾ തന്നെയായിരുന്നു ഈ തെരഞ്ഞെടുപ്പിലെ ഏറ്റവും മികവുറ്റ സ്ഥാനാർത്ഥി ".

പാബ്ലോ നെരൂദ പറഞ്ഞത് പോലെ ചില മനുഷ്യരുടെ വിവേകമില്ലായ്മയിൽ ഒരു സുഖമുണ്ട്; ആ സുഖം വിവേകമില്ലാത്തവർക്ക് മാത്രം അനുഭവിച്ചറിയാനാകുന്ന ഒരു പ്രത്യേക തരം സുഖമാണ്. അവർ വിവേകം വീണ്ടെടുക്കുന്ന കാലത്ത് അവർ ചെയ്തുപോയ അവിവേകത്തെയോർത്ത് പശ്ചാത്തപിക്കും, അന്നവർ ഏറെ വിവേകത്തോടെ അവരുടെ തെറ്റുകളെ തിരുത്തുവാൻ മുന്നോട്ട് വരും; അന്നവർ യുക്തമായി വിധിയെഴുതും. പുതുപ്പള്ളിയുടെ പ്രബുദ്ധ ജനത വീണ്ടും കാത്തിരിക്കുകയാണ്. ആ കാത്തിരിപ്പിന് ദൈർഘ്യമേറില്ലെന്നുറപ്പാണ്.

പ്രിയപ്പെട്ട ജെയ്ക്കേ.....
ഊഷ്മളമായ അഭിവാദ്യങ്ങൾ ❤️

പങ്കെടുക്കുക.. വിജയിപ്പിക്കുക...