Puthurmarkaz

പുത്തൂർ മർകസ് സഹ്റതുൽ ഖുർആൻ (ZeeQue) ഫെസ്റ്റ് വർണ്ണാഭമായി.

ഖുർആൻ പഠിക്കുന്ന കുഞ്ഞിളം പൈതങ്ങളുടെ നയന മനോഹരമായ കലാവിഷ്കാരങ്ങൾ ഇമവെട്ടാതെ നോക്കി നിന്നുപോയ നിമിഷങ്ങളായിരുന്നു. പിഞ്ചു ഹൃദയങ്ങളിൽ കൊത്തി വെച്ച ഖുർആൻ വചനങ്ങൾ എത്ര കേട്ടാലും മതിവരാത്ത ശീലുകളാവുന്ന അനുഭൂതി.

അൽഹംദുലില്ലാഹ്.. ഈ തൗഫീഖിന് ആയിരം ഹംദുകൾ പറയണം. കൊച്ചു കുട്ടികളെ ഇത്രയും പ്രൊഡക്ടീവായി, പ്രാക്ടീസ് നൽകി, അതി മനോഹരമായി ആവിഷ്കരിച്ച ടീച്ചർമാരേയും അഭിനന്ദിച്ചാൽ മതിയാവില്ല. വീട്ടിലെ കുട്ടികളെ അനുസരിപ്പിക്കാനും പഠിപ്പിക്കാനും പെടാപ്പാടുപെടുന്നവർക്ക് മനസ്സിലാവും ഇത്രയും കുട്ടികളെ സദാ സമയവും നിരീക്ഷിച്ച്, അനുസരിപ്പിച്ച്, സ്നേഹം നൽകി, ശിക്ഷണം നൽകി പഠിപ്പിച്ചു വളർത്തൽ, അതും ഇത്ര മനോഹരമായി അവരെ വളർത്തിയെടുക്കൽ വളരെ ശ്രമകരമായതാണ്.

നമ്മുടെ മക്കൾ ഇനിയും ഇതിലേറെ സുന്ദരമായി ആവിഷ്കരിക്കപ്പെടണം. അവർ വളരെ മികച്ച രീതിയിൽ പഠിച്ചു വളരണം. ഇനിയുമേറെ പ്രൗഢിയോടെ zeeque ഫെസ്റ്റുകൾ കൊണ്ടാടണം, ഇൻശാ അല്ലാഹ്. അതിന് പടച്ചവൻ തൗഫീഖ് നൽകട്ടെ. ആമീൻ

പുത്തൂർ മർകസ് സഹ്റതുൽ ഖുർആൻ പുതിയ സ്വപ്നങ്ങളിലേക്ക് വളരുക കൂടിയാണ്.. പുതിയ കാലത്തെ പുതുമകളോടെ വരവേൽക്കാൻ, നമ്മുടെ പിഞ്ചോമനകൾക്ക് ആധുനിക സൗകര്യങ്ങളും ആത്മീയാനുഭൂതിയും സമന്വയിപ്പിച്ച് നവ്യാനുഭവമാകുവാൻ.. പുതിയ സംരംഭം നിങ്ങളെ കാത്തിരിക്കുന്നു. *സുവർണ്ണ നിമിഷങ്ങളെ കാതോർത്തിരിക്കാം....*