Pathayam

ഫേസ് 2 ബുക്ക്
മൂകാംബികാ ദർശനം

കലകളുടെ ദേവത നമ്മിൽ പ്രസാദവും, പ്രകാശവും ചൊരിയട്ടെ

ഫേസ് 2 ബുക്കിൽ വായനയും പുസ്തകവും ഇടക്കാലം മുടങ്ങിയിരുന്നു. പുസ്തകത്തെയും വായനയെയും സ്നേഹിക്കുന്ന ഫേസ് 2 ബുക്ക് ടീം ജീവിതത്തിന്റെ തിക്കിലും, തിരക്കിലും പല വഴികളിലായി ചിതറിപ്പോയി. എങ്കിലും ഇപ്പോഴും ഫേസ് 2 ബുക്ക് നെ നല്ല വായനക്കാരും, നല്ല മനുഷ്യരും തിരിച്ചറിയുകയും വായിക്കുകയും ചെയ്യുന്നതിൽ സന്തോഷം. നാളെ വിജയദശമി അക്ഷരങ്ങളുടെയും കലകളുടെയും ലോകത്തേക്ക് ആയിരകണക്കിന് കുഞ്ഞുങ്ങള അവരുടെ സ്വന്തം പേര് എഴുതി ചേർക്കുന്ന ദിനം. അക്ഷരങ്ങളും കലയും അവരുടെ പേരിനെ ഭൂമിയിലെ പുതിയൊരു അടയാളമാകുന്നതിന്റെ ആരംഭ ദിനത്തിൽ ഞങ്ങൾ വീണ്ടും തുടങ്ങുന്നു, മുടങ്ങിയ വായനയും എഴുത്തും.
ഓരോ മലയാളിയും അവന്റെ ജാതിയും മതവും കേരളത്തിന്റെ വടക്കേ അറ്റത്തുള്ള കാസർകോടിന്റെ അതിർത്തിയിൽ അഴിച്ചു വെച്ച് വെറും മനുഷ്യനായി, അറിവിന്റെ സമുദ്രത്തിലെ കരക്കടിഞ്ഞ ഒരു മണൽത്തരി മാത്രമായി കയറിപോകുകയും, ഇല്ലങ്കിൽ പോകണമെന്ന് ആഗ്രഹികുകയും ചെയ്ത ഇടം- കൊല്ലൂർ മൂകാംബിക……..
നമ്മൾ വിശ്വാസത്തിൽ ആരും ആയികൊള്ളട്ടെ, ചിലപ്പോൾ നിരീശ്വര വാദി തന്നെയും. എങ്കിലും നമുക്കൊരിക്കലും കലയെയോ അക്ഷരങ്ങളെയോ തള്ളിപ്പറയുവാനോ വെല്ലു വിളിക്കുവാണോ കഴിയില്ല. കാരണം അങ്ങനെ ചെയ്യുന്നവൻ ഒന്നുകിൽ ജന്മന വിഡ്ഢിയോ അല്ലെങ്കിൽ മൃഗമോ ആവണം. അതുമാത്രമാണ് കൊല്ലുരിന്റെ പ്രസക്തി. കാരണം കൊല്ലൂര് അക്ഷരങ്ങളുടെയും കലയുടെയും കേന്ദ്രമാകുന്നു.. മൂകാംബിക ദർശനം എന്ന ഈ പുസ്തകം കൊല്ലൂർ മൂകാംബികയുമായി ബന്ധ പെട്ട മുഴുവൻ ഐതിഹ്യങ്ങളും, ചരിത്രങ്ങളും , കഥകളും, വഴികളും വായനക്കാർക്കായി ലളിതമായി പകർന്നു തരുന്നു.
കൊല്ലൂരിന്റെ മൂകാംബികയുടെ കഥകൾ, പൂജകൾ, ചുറ്റുവട്ട സ്ഥലങ്ങൾ, ദേവായലങ്ങൾ, സൗപർണിക, കുടജാദ്രി, താമസസ്ഥലങ്ങൾ ഒക്കെയും അറിയുന്നത് നമുക്കും അവിടേക്ക് പോയികൊണ്ടിരിക്കുന്നവർക്കും ഇനി പോവണമെന്ന് ആഗ്രഹിക്കുന്ന വർക്കും ഉപകരിക്കുന്നതാണ്..

മൂകംബികയിലെക്കും കുടജാദ്രിയിലെക്കും യാത്രാവിവരണത്തിന്റെ സ്വഭാവമുള്ള ഈ പുസ്തകത്തിൽ നമുക്ക് മുൻപേ സഞ്ചരിച്ച മഹാത്മാക്കൾ ,ഭക്തർ എന്നിങ്ങനെ പലരും പല ഘട്ടത്തിൽ വിവരിച്ചിട്ടുള്ള വസ്തുതകളെ ഒന്നിച്ചു ചേർത്ത് അവതരിപ്പിച്ചിരിക്കുന്ന ഒരു മനോഹര പുസ്തകമാണിത്..

അക്ഷരങ്ങളും കലകളും എല്ലാ പ്രതിസന്ധികളെയും തിന്മകളെയും ഇല്ലാതാക്കുന്നു..അവ നമുക്ക് ചൈതന്യവത്തായ ഊര്ജ്ജം പ്രദാനം ചെയ്യുന്നു.അവ നമ്മുടെ മനസ്സിനെ ഉണർത്തുകയും ശരീരത്തിലെ തകർന്ന കോശങ്ങളെ പുനർ നിർമ്മിക്കുകയും ചെയ്യുന്നു. അതെ നമുക്ക് അക്ഷരങ്ങളുടെ സംഗീതത്തിന്റെ ദേവീ സന്നിധിയിലേക്ക് ഒഴിഞ്ഞ പാത്രങ്ങളുമായി ഒരു യാത്ര തുടരാം കൊല്ലൂരിലേക്ക്…………….

സുരേഷ് വി

Face2book ningalilekkethunnu..
Puthiya mughabhavathillll.....

"Mukham".... . ..