Ignite NAMHSS

a proud member of Ignite 💝

സ്വപ്നങ്ങളെ പിന്തുടർന്ന് ജുമാന നേടിയത് രാജ്യത്തെ പ്രീമിയർ സ്ഥാപനത്തിലേക്കുള്ള പ്രവേശനം...!

ജീവിതസാഹചര്യങ്ങൾ തീർത്ത പ്രതിസന്ധികളെ തൻ്റെ ആത്മവിശ്വാസം കൊണ്ട് മറികടന്ന് ജുമാന നടന്നുകയറിയത് രാജ്യത്തെ പ്രീമിയർ സ്ഥാപനങ്ങളിൽ ഒന്നായ റൂർക്കി IIT യുടെ പടവുകൾ. ഒരു ആവറേജ് സ്റ്റുഡൻ്റ് ആയിരുന്ന ജുമാന തൻ്റെ ഇഛാശക്തിയും കഠിനാധ്യാനവും പഠന വഴിയിൽ നിക്ഷേപിച്ചാണ് ഈ അതുല്യനേട്ടം കൈവരിച്ചത്. SSLC,+2 പരീക്ഷകളിൽ 99.5 ശതമാനം മാർക്ക് നേടിയ ഈ മിടുക്കി ഫുൾ സ്കോളർഷിപ്പിലാണ് എൻട്രൻസ് പരിശീലനം പൂർത്തിയാക്കിയത്. ജീവിതത്തിൻ്റെ പൊള്ളുന്ന യാഥാർത്ഥ്യങ്ങളോട് പൊരുതി തൻ്റെ മകളുടെ സ്വപ്നങ്ങൾക്ക് ചിറക് വിരിക്കുന്ന ഉമ്മയാണ് ഈ മിടുക്കിക്കുട്ടിയുടെ ഏറ്റവും വലിയ ജീവിതസൗഭാഗ്യം.മകളുടെ പഠനകാര്യത്തിലെന്ന പോലെ പഠനേതര മേഖലകളിലെ മികവ് വർദ്ധിപ്പിക്കാനുളള അവസരോചിതമായ ഇടപെടലുകളും അവർ നടത്തുന്നു എന്നത് ഏറെ ശ്രദ്ധേയമാണ്. അനിതരസാധാരണമായ ആത്മബലം കൊണ്ട് ഒരു സിംഗിൾ പാരൻ്റ് എന്ന നിലയിലുള്ള വെല്ലുവിളികളെ അതിസമർത്ഥമായാണ് ഈ മാതാവ് അതിജീവിക്കുന്നത്. ഒരു സ്വകാര്യ ക്ലിനിക്കിലെ നഴ്സിംഗ് അസിസ്റ്റൻ്റ് ആയി ജോലി ചെയ്യുന്ന ഇവർ മകളെ കുറിച്ച് കാണുന്നത് നിറവുള്ള സ്വപ്നങ്ങളാണ്. ജീവിത വഴിയിൽ ആത്മമിത്രങ്ങളെ പോലെ കൈകൾ കോർത്ത് പിടിച്ച് മുന്നേറുന്ന ഈ ഉമ്മയും മകളും സമൂഹത്തിനാകെ പകർന്നു നൽകുന്നത് വലിയ പ്രചോദനമാണ്. എൻ എ എം ഹയർ സെക്കൻഡറി സ്കൂൾ സമഗ്ര വിദ്യാഭ്യാസ പദ്ധതിയായ |GN|TE ലെ ഒരു സജീവ സാന്നിധ്യം എന്ന നിലയിലും അർപ്പണ ബോധമുള്ള ഒരു വിദ്യാർത്ഥി എന്ന നിലയ്ക്കും എൻ എ എം ഹയർ സെക്കൻഡറി സ്കൂളിൻ്റെ ഹൃദയവീഥിയിൽ സ്വയം അടയാളപ്പെടുത്തിയ ജുമാന ലോക ശ്രദ്ധ നേടുന്ന ഉയരങ്ങളിലേക്കുളള യാത്ര തുടരുകയാണ്.... പ്രിയ വിദ്യാർത്ഥിനി ജുമാനയ്ക്ക് ഹൃദ്യമായ അഭിനന്ദനങ്ങൾ.💖

സമീർ ഓണിയിൽ,
ഇഗ്നൈറ്റ്
എൻ എ എം പെരിങ്ങത്തൂർ

എൻ എ എം പെരിങ്ങത്തൂർ