Papyrus - The Book Store

युगप्रवर्तक छत्रपती - नरहर कुरुंदकर

देशमुख आणि कं.| पृष्ठ संख्या : ३२६
मूळ किंमत : ६०० रु | सवलतीत : ४८० रु + टपाल खर्च

'हिंदवी स्वराज्य' हे नाव सन १६४५ इतक्या आधी शिवाजीने वापरले आहे. पण पुढे त्या नावाचा वापर आढळत नाही. इतकेच खरे नसून शिवाजीने हिंदुराज्य निर्मितीचा गंभीर प्रयत्न केला नाही हेही खरे आहे. उलट तो सर्वधर्म प्रतिपादनाचा आदर्श डोळ्यांसमोर ठेवून होता. अखिल भारतभर राज्य निर्माण करण्याची त्याची जिद्द होती काय, याचे उत्तर 'होती' असे द्यावे लागेल. महाराष्ट्राबाहेर त्याने राज्य करण्याचा उपद्व्याप केलेला आहे आणि पुढे राजारामकाली मराठ्यांना अखिल भारतीय राज्याची स्वप्ने पडत होती, हे पुराव्याने सिद्ध आहे. उत्तरेतील हिंदूंच्यावर लादल्या गेलेल्या जिझीयाचा चिमटा शिवाजीला बसला हे जर सिद्ध असले, तर अखिल भारतीय राज्याचे स्वप्न त्याच्या डोळ्यांसमोर तरळत असले पाहिजे.
-पुस्तकातून

पुस्तक मिळवण्यासाठी इथे कॉमेंट किंवा ९७६९४४९६९४ या क्रमांकावर whatsapp करू शकता.

#नवं_कोरं

येरझारा - प्रफुल्ल शिलेदार (लेखसंग्रह)

पुठ्ठा बांधणी, डस्ट जॅकेट सह. | पृष्ठ संख्या : ३७४
मुखपृष्ठ : दिब्यज्योती सर्मा | पपायरस प्रकाशन

मूळ किंमत : ५९९ रु | सवलतीत : ५२५ रु (टपाल खर्च धरून)

'भिजकी वहीं'त कोलटकरांनी जगभराची मिथकं वापरली. एवढंच नव्हे तर मिथकांचं एक आंतरसांस्कृतिक मिश्रण बेमालूमपणे तयार करून जागतिकीकरणाच्या घुसळणीला एक धक्का दिला. हाडम्माची मिथ सांगताना महाभारतातील मयसभा येते, गुलबकावली येते, प्राचीन मोहेंजोदारोकरीण येते, हबशी दासी येते. हे करताना 'त्या दोरीत गुरफटून माझ्या हाडाचं कोडंच झालंवतं मोठं' अशी भाषेतील रूढ शब्दप्रयोगांना सलटवण्याची सलगीदेखील ते करतात. हे सगळं करताना त्यांच्या शब्दांमधून, शब्दयोजनेमधून वर्तमानाचं विलक्षण भान जाणवत राहतं. चलनी भाषेनं कालकुपीत टाकून गाडलेल्या अनेक विलक्षण शब्दांचं पुनरुज्जीवन बोलीवरील पकडीकरता प्रसिद्ध असलेल्या या कवीनं केलं आहे.
'बघता बघता वस्तूंच्या रक्तात साखर होऊन जाशील' असा चिमटा काढून जगण्याचं भान देणारा हा कवी आहे. कविता लिहिण्यास अत्यंत प्रतिकूल काळ आहे, असं वाटत असताना, कविता लिहिण्याच्या ऊर्मीची वाफ करणाऱ्या अनेक गोष्टी आजूबाजूला धगधगत असताना, कविता लिहिण्याचं प्रयोजनच हातातून निसटून जातंय की काय अशी परिस्थिती जगण्यात निर्माण होत असताना कोलटकरांच्या कवितेनं कविता लेखनावरील विश्वास आयुष्यभराकरता दृढ केला. कोलटकरांनी काहीही न बोलता आपल्या कवितेतून पुढल्या पिढीला दिलेला हा आश्वासक हात आहे.
- अरुण कोलटकर : तीन टिपणं

पुस्तक मिळवण्यासाठी इथे कॉमेंट किंवा 9769449694 या क्रमांकावर WhatsApp करू शकता.

श्यामा - चंद्रकांत काकोडकर
कादंबरी

रोहन प्रकाशन | पृष्ठ संख्या : १४८
मूळ किंमत : २०० रु | सवलतीत : २१० रु (टपाल खर्च धरून)

एका तरुण कवीच्या आयुष्यातील कालटप्प्यांत तीन स्त्रियांशी आलेल्या संबंधांच्या गोष्टी म्हणजे चंद्रकांत काकोडकर यांची 'श्यामा' कादंबरी...
ट्रामवर अवलंबून असलेल्या मुंबईच्या पार्श्वभूमीत घडणाऱ्या या कादंबरीत काकोडकरांच्या लेखनाची सारी वैशिष्ट्ये सापडतील. आज तिला थोर म्हणा किंवा वाईट, पण ती वाचताना नायकाचे कवीपण, त्याच्या कविता आणि एकूण जगण्याचे तपशील सापडतील. शिवाय त्यावर अश्लीलतेचा आरोप किती हास्यास्पद होता हे कळेल. पंचवीस रुपये दंड न भरता आरोपांविरोधात सर्वोच्च न्यायालयापर्यंत लढता लढता पदरचे दहा हजार रुपये (त्या काळातले) खर्च करणारा आणि प्रचंड मनस्तापाचा धनी झालेला मराठीतील हा एकमेव लेखक ! १९७१ नंतर या कादंबरीची प्रत दुर्मीळच राहिली. पुढील आवृत्ती काढायला कुणी धजावले नाही. श्रृंगारिक लेखक म्हणून काकोडकरांना बाजूला ठेवणाऱ्या साहित्याच्या मुख्य धारेला या कादंबरीच्या ऐतिहासिक मूल्याची जाण कधी झाली नाही. ही कादंबरी सर्वोच्च न्यायालयात निर्दोष सिद्ध झाल्याने राज्यातील न्यायालयांत त्यावेळी गुदरण्यात आलेले अशा प्रकारचे कथा-कादंबऱ्यांवरील सारे खटले निकाली लागले. त्यामुळेदेखील 'श्यामा'चे महत्त्व अधोरेखित होते...
- पंकज भोसले (प्रस्तावनेतून

पुस्तक मिळवण्यासाठी इथे कॉमेंट किंवा 9769449694 या क्रमांकावर WhatsApp करू शकता.

घर - युडिथ हेरमान
मराठी भाषांतर : सुनंदा विद्यासागर महाजन

वॉल्डन पब्लिकेशन | पृष्ठ संख्या : १७९
मूळ किंमत : ३५० रु | सवलतीत : ३२५ रु (टपाल खर्च धरून)

घर या कादंबरीत लेखिका एक मध्यमवयीन, मध्यमवर्गीय स्त्रीची गोष्ट आपलं आयुष्य सोडून नव्याच्या शोधात समुद्रकिनाऱ्यावरच्या एका लहानशा गावात येऊन राहते, अजून जुने आयुष्य पुरते सुटले नाही, आठवणीत तर ते रेंगाळत आहेच, जुनी नाती मनातून पुरती पुसली जात नाहीत. नवीन नाती तयार करताना ती सावध आहे. ती करताना आपली भावनिक गुंतवणूक कितपत होत आहे याचा अंदाज तिला बेत नाही. थोडक्यात, जुने मागे टाकले आहे आणि नवीन आयुष्य जरासे आकाराला येत आहे या टप्प्यावर ती येऊन पोचली आहे. या नवीन गावीच आपले घर आहे का? हे गाव आपल्याला आपले वाटत आहे का? शहरी-निमशहरी वातावरणाच्या ऐवजी हा समुद्राचा निकट सहवास आपल्याला झेपत आहे का ? अशा अनेक प्रश्नांसहित ती नवीन ठिकाणी जगण्यासाठी चाचपडत आहे. हेरमानच्या कथांमध्ये आढळणाऱ्या पात्रांना त्यांना मिळालेल्या सोबतीतील अपुरेपण जाणवत असते, तसेच या कादंबरीतील पात्रेही मनाने एकटी आहेत, जोडीदाराच्या, सोबतीच्या शोधात आहेत. ही पात्रे परस्परविरोधी वाटावीत अशी आयुष्य जगत आहेत, कोणी सतत खबरदारी घेऊन सावधपणे जगत आहे. तर कोणाला समुद्रावर, समुद्रात स्वत:ला झोकून द्यायचे आहे, तर कोणी समुद्रकिनारी घर करून राहायला बघत आहे, वाट्टेल तो धोका पत्करून मनासारखे जगणारे कोणी आहे, तर कोणी जन्मभर एकाच ठिकाणी राहून तेच तेच करण्यात मग्न आहे. त्या पात्रांच्या आयुष्यात कंटाळवाणी कामं आहेत, बंद पेट्या आणि पिंजरे आहेत, मोडलेली, बिघडलेली नाती, लहानपणीच्या कटू आठवणी आहेत, पण तरी ही कादंबरी काही शोकात्म नाही.ती आपल्याला, म्हणजे मराठी वाचकाला, तेथील समाजात जगण्याच्या किती निराळ्या पद्धती असू शकतात, जगण्यात किती निराळे, आपण कल्पनाही करू शकणार नाही असे बारकावे असू शकतात याकडे लक्ष वेधते. आणि हे सांगतानाची अतिशय प्रभावशाली अशी लेखनशैली हे तर बुडिथ हेरमान यांचे खास वैशिष्ट्य. अतिशय संवेदनशीलतेने हेरमान पात्रांच्या अनुभवांमधील बारकावे पकडतात.

पुस्तक मिळवण्यासाठी इथे कॉमेंट किंवा 9769449694 या क्रमांकावर WhatsApp करू शकता.