Kashmir.

میرپور۔۔۔۔۔مقتول محمد نصیر کی بیٹی سارا نصیر نے کہا ہے کہ تھانے سے مایوس ہوکر ایس ایس پی اور ڈی ایس پی کے پاس گئے وہاں بھی انصاف نہیں ملا ایس ایس پی کا روایہ سلوک مناسب نہیں جبکہ ڈی ایس پی دھمکیاں دے رہا ۔۔۔ میرے والد کو سفاکی کے ساتھ قتل کیا گیا جوڈیشل انکوائری کروائی جائے انکے پاس ایک لاکھ بیس ہزار روپے تھے میری فون پر بات ہوئی انکے ساتھ انہوں نے کہا کہ گھر آ رہا ہوں آپکی فیس بھی ادا کروں گا اور گھر کا سودا سلف بھی لیکر آؤں گا، چک ساگر پولیس نے چیک پوسٹ پر میرے والد کو روکا اور ان پر شراب کا الزام لگایا اور اسی دوران سادہ کپڑوں میں ملبوس چھ افراد آئے اور پولیس کو شخصی ضمانت دیکر انھیں وہاں سے لے گئے اور پھر تین دن بعد انکی نعش ملی یہ بات سارہ نصیر نے کشمیر پریس کلب میرپور میں پریس کانفرنس کے دوران بتائی،معصوم بہنوں اور بھائی کے ہمراہ گفتگو کرتے ہوئے سارہ نصیر نے کہا کہ ہمارے سر کا سایہ ظالموں نے چھین لیا ہے انکا کہنا تھا کہ میرے والد ہائی ایس چلاتے تھے 12 ستمبر رات نو بجے کے بعد پولیس چیک پوسٹ چک ساگر پر پولیس نے انھیں روکا اور کہا کہ آپکے پاس شراب ہے اور انھیں گرفتار کر کے ان پر شراب کا مقدمہ درج کر دیا، سارہ نے بتایا کہ انکی گرفتاری سے قبل میری ان سے بات ہوئی تھی انہوں نے مجھے بتایا کہ میں گھر آ رہا ہوں اور پھر فون بند ہو گیا 15 ستمبر چار بجے کے قریب اطلاع ملی کہ آپکے والد کی لاش ملی ہے سارہ کا کہنا تھا کہ پولیس ہماری درخواست پر کوئی کاروائی نہیں کر رہی مشتبہ چھ افراد کا تعلق حکومتی پارٹی سے ہے پولیس انکے خلاف کاروائی سے گریزاں ڈی ایس پی سکندر چوہدری نے ہمیں دھمکایا اور کہا کہ کوئی کاروائی نہیں ہوگی جائیں جو کر سکتے ہیں کر لیں ، سارہ کا کہنا تھا کہ میری والدہ ایک سال قبل انتقال کر گئی تھی ہمارا والد ہی ہمارا واحد سہارا تھے وہ بھی ظالموں نے چھین لیا ہے میرے والد کو پولیس نے گرفتار کیا تھا اور پھر پولیس کے مطابق مشتبہ چھ افراد میں سے ایک شخص کی ضمانت پر انھیں چھوڑ دیا گیا تین دن تک میرے والد لاپتہ رہے اور پھر انکی لاش ملی ، سارہ نصیر نے روتے ہوئے چیف جسٹس آزادکشمیر سے اپیل کی کہ میرے والد کے قاتلوں کو گرفتار کر کے کڑی سے کڑی سزا دلوائی جائے سارہ نے کہا کہ ہم پانچ معصوم بہنوں اور بھائی کا اللہ کے سوا کوئی آسرا نہیں ہے ہم کہاں جائیں ہمیں پولیس بھی دھمکا رہی ہے کوئی ہماری بات سننے کے لئے تیار نہیں۔۔۔

رب کی دی ہوئی نعمتوں کا شکر ادا کریں۔۔۔