Rafi Reporter

Nehru Zoological Park mein visitors ka record rush Ek din mein 24,210 logon ne kiya Zoo Park Ko Visit

Nehru Zoological Park, Hyderabad mein aaj 24,210 visitors ne zoo ka daura kiya. Har saal ki tarah is saal bhi logon mein zoo dekhne ka zabardast craze dekhne ko mil raha hai.

Zoo management ne hygiene, parking, drinking water, washrooms aur internal transport jaise tamam facilities par khaas tawajjo di, jabke extra booking counter bhi khola gaya.

380 acres mein phaila Hyderabad Zoo mein 195 se zyada animal species maujood hain aur yeh mulk ke behtareen zoos mein shumar hota hai. Telangana Tourism ke mutabiq, zoo ne 2 million se zyada visitors ke saath state mein top place hasil kiya hai.

Praja Palana Pragathi Pranalike celebrations ke tehat Bird Walk bhi organize ki gayi, jahan 70 bird watchers ne 60 se zyada bird species ko sight kiya.