SAMAY ASSAM

📌১ টকা কেজিতো গ্ৰাহক নাই বিলাহীৰ: বোকাখাতৰ দেবিথানত কুইণ্টলে কুইণ্টলে বিলাহী পেলাই দিছে খেতিয়কে
📌 ১ টকা কেজিতো বিক্ৰী নহয় বিলাহী!
📌 বোকাখাতৰ দেবিথানত কুইণ্টলে কুইণ্টলে বিলাহী পেলাইছে খেতিয়কে
📌 আনহাতে ৰাজ্যৰ বজাৰত ৫০ৰ পৰা ৮০ টকা প্ৰতি কেজি
📌 কৃষি বিপণন ব্যৱস্থাৰ ওপৰত ডাঙৰ প্ৰশ্নবোধক

গোলাঘাট জিলাৰ বোকাখাত সমষ্টিৰ দেবিথান নাক-কাতি অঞ্চলৰ বিলাহী খেতিয়কসকলে চৰম লোকচানৰ সন্মুখীন হৈছে। ১ টকা প্ৰতি কেজি দৰতো বিলাহী বেচিব নোৱাৰি অৱশেষত কুইণ্টলে কুইণ্টলে পকা বিলাহী পেলাই দিবলগীয়া হৈছে খেতিয়কসকলে।

খেতিয়কৰ অভিযোগ, উৎপাদন খৰচ উঠাটো দূৰৰ কথা, কৃষি ক্ষেত্ৰৰ পৰা বজাৰলৈ নিয়াৰ ভাৰা খৰচো নুঠে। মধ্যভোগী আৰু সঠিক বজাৰ ব্যৱস্থাৰ অভাৱত এই অৱস্থা হৈছে।

ইয়াৰ সম্পূৰ্ণ বিপৰীতে, একে সময়তে ৰাজ্যৰ বিভিন্ন জিলাৰ বজাৰত প্ৰতি কেজি বিলাহীৰ দাম ঠাইভেদে ৫০, ৬০, ৭০, আনকি ৮০ টকা পৰ্যন্ত উঠিছে। খেতিয়কে পানীৰ দৰত বেচিব নোৱাৰা বিলাহী গ্ৰাহকে কিনিবলগীয়া হৈছে কেইবাগুণো অধিক দামত।

এই বৈষম্যই পুনৰবাৰ কৃষি বিপণন ব্যৱস্থাৰ দুৰ্বলতা উদঙাই দিছে। খেতিয়কসকলে চৰকাৰক উপযুক্ত মূল্য আৰু বজাৰৰ ব্যৱস্থা কৰি দিবলৈ দাবী জনাইছে।

গোলাঘাট৷

--সম্প্ৰতি BJP চৰকাৰৰ দিনত পুনৰ নতুনকৈ প্ৰাণ পাব ধৰিছে বুৰঞ্জী প্ৰসিদ্ধ ঐতিহাসিক কৃতি চিহ্ন সমূহ।

# উত্তৰ গুৱাহাটীত অৱস্থিত, পুৰাণ প্ৰসিদ্ধ
শ্ৰীশ্ৰী অশ্বক্লান্ত দেৱালয়ত পৰ্যটকৰ বাবে মুকলি কৰা হ'ল অতিথি গৃহ।

# উত্তৰ গুৱাহাটীৰ ব্ৰহ্মপুত্ৰ নদীৰ পাৰত, প্ৰাকৃতিক এক দৃষ্টি-নন্দন মনোমোহা সুন্দৰ পৰিৱেশত, দেৱালয়খনৰে
জেষ্ঠ পুৰোহিত দীলিপ শৰ্মাৰ মাঙ্গলিক অনুষ্ঠানৰ‌ পিছতে ফিতা কাটি অতিথি গৃহটো মুকলি কৰে,অসম পৰ্যটন উন্নয়ন নিগমৰ পৰিচালন সঞ্চালক পদ্মপাণি বৰাই।

# উক্ত অনুষ্ঠানতে উপস্থিত থকা, কামৰূপ জিলা আয়ুক্ত দেৱ কুমাৰ মিশ্ৰই কয় যে, দ্বিতীয় 'গয়া' হিচাপে বিখ্যাত, তথা ভগৱান শ্ৰীকৃষ্ণৰ স্মৃতি বিজড়িত এই দেৱালয় অতীজৰে পৰা অগণন ধৰ্মপ্ৰাণ ৰাইজ আৰু পৰ্যটকৰ আকৰ্ষণ স্হলি।

# সাম্প্ৰতিক চৰকাৰখনে বিভিন্ন আচঁনিৰ জৰিয়তে উন্নয়ন মূলক কাম কৰাৰ উপৰিও, ভবিষ্যতেও দেৱালয়খনৰ ধৰ্মীয় মৰ্যাদা অক্ষুণ্ণ ৰাখিবলৈ সকলো চেষ্টা কৰিব বুলি আয়ুক্ত গৰাকীয়ে আশ্বাস প্ৰদান কৰে।

# অতিথি গৃহৰ এই মুকলি সভাত উপস্থিত থাকে, ক্ৰমে গুৱাহাটী স্মাৰ্ট চিটি লিমিটেডৰ পৰিচালন সঞ্চালক এছ.লক্ষ্মণণ, প্ৰত্নতত্ব বিভাগৰ সঞ্চালক বনজিৎ দেউৰী, জনস্বাস্থ্য বিভাগৰ মুখ্য অভিযন্তা মুকুট বৰ্মনকে ধৰি অশ্বক্লান্ত দেৱালয় পৰিচালনা সমিতিৰ সভাপতি তথা দলৈ লক্ষেশ্বৰ শৰ্মা, উপদেষ্টা ডঃ প্ৰদীপ শৰ্মা আৰু মন্দিৰৰ বিষয়-ববীয়া সকল।

উত্তৰ গুৱাহাটীৰ পৰা দ্বীপেন বায়নৰ ৰিপোৰ্ট।

গোলাঘাটত কৃতি ছাত্ৰ-ছাত্ৰীক সম্বৰ্ধনা:

অসম চাহ জনজাতি ছাত্ৰ সন্থা (আটছা) গোলাঘাট জিলা সমিতিৰ উদ্যোগত আৰু অসম চাহ জনজাতি মহিলা সমিতি গোলাঘাট জিলা সমিতিৰ সহযোগত আজি গোলাঘাট জিলা পুথিভঁৰাল প্ৰেক্ষাগৃহত এক বিশেষ সম্বৰ্ধনা ও অভিনন্দন অনুষ্ঠান অনুষ্ঠিত কৰা হয়।

শেহতীয়াকৈ ঘোষিত হাইস্কুল শিক্ষান্ত আৰু উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ হোৱা চাহ জনজাতিৰ কৃতি ছাত্ৰ-ছাত্ৰীসকলক এই সম্বৰ্ধনা জনোৱা হয়।

আটছাৰ গোলাঘাট জিলা সমিতিৰ সভাপতিৰ সভাপতিত্বত অনুষ্ঠিত সভাত প্ৰথমে এটি কোৰাছ পৰিবেশন কৰি অনুষ্ঠানৰ আৰম্ভণি কৰাৰ লগতে এগচি বন্তি প্ৰজ্বলনেৰে অনুষ্ঠানৰ শুভাৰম্ভ কৰে৷ আয়োজিত। অনুষ্ঠান ত সাংসদ কামাখ্যা প্ৰসাদ তাচা, আটছাৰ কেন্দীয় সমিতিৰ জগদীশ বৰাই,অসম ৰাজ্যিক সন্থাৰ সভাপতি,প্ৰবীন সাংবাদিক জীতু শৰ্মা ৰাজখোৱা, প্ৰবীন সাংবাদিক, অসম সাহিত্য সভাৰ কেন্দীয় বিষয়ববীয়া দিগন্ত কুমাৰ ভুঞ,ঘনশ্যাম বাঢ়ৈৰ লগতে বহুকেইজন বিশিষ্ট ব্যক্তি, অভিভাৱক আৰু শিক্ষক উপস্থিত থাকে। বক্তাসকলে কৃতি ছাত্ৰ-ছাত্ৰীসকলক উৎসাহিত কৰাৰ লগতে আগন্তুক দিনত সমাজ আৰু জাতিৰ উন্নতিৰ হকে কাম কৰি যাবলৈ আহ্বান জনায়।

উল্লেখ্য যে, অনুষ্ঠানত কৃতি ছাত্ৰ-ছাত্ৰীসকলক মানপত্ৰ আৰু উপহাৰৰ টোপোলা প্ৰদান কৰা হয়।

ৰমানন্দ দেৱৰ দ্বাৰা প্ৰতিষ্ঠিত দেৰগাঁৱৰ ৰজাবাহত অৱস্থিত শ্ৰীশ্ৰী ন-গোসাঁই টোলৰ ধৰ্মগুৰু বিভূতি ধৰ গোস্বামীৰ দেহাৱসান…

ৰমানন্দ দেৱৰ দ্বাৰা প্ৰতিষ্ঠিত দেৰগাঁৱৰ ৰজাবাহত অৱস্থিত শ্ৰীশ্ৰী ন-গোসাঁই টোলৰ ধৰ্মগুৰু বিভূতি ধৰ গোস্বামীৰ আজি পুৱা ৪বাজি২৫মিনিটত ৮৪বছৰ বয়সত গুৱাহাটীৰ হেলথ চিটি হস্পিতাল(Health City Hospital)ত চিকিৎসাধীন অৱস্থাত দেহাৱসান ঘটে। তেখেতৰ মৃত্যুত বিভিন্ন প্ৰান্তত থকা শিষ্য-প্ৰশিষ্য,অনুৰাগী,শুভাকাংক্ষী সকলৰ লগতে বৃহত্তৰ দেৰগাঁৱত শোকৰ ছাঁ পৰিছে।মৃত্যুৰ সময়ত তেখেতে পত্নী,দুজন পুত্ৰ,এগৰাকী কন্যা,নাতি-নাতিনী সহ বহু আত্মীয়,কুটুম্বক এৰি থৈ গৈছে।আজি বিয়লি নিজ বাসগৃহৰ সমীপত অন্তোষ্টিক্ৰীয়া সম্পন্ন কৰা হয়।