Indext-C

ઇન્ડેક્ષ્ટ-સી ધ્વારા તા.૨૨-૧૨-૨૦૨૧ થી તા.૩૧-૧૨-૨૦૨૧ દરમ્યાન પ્રદર્શન મેદાન, કિર્તીસ્થંભ પાસે, વડોદરા ખાતે “હસ્તકલા ઉત્સવ” નું આયોજન કરેલ છે.

ઇન્ડેક્ષ્ટ-સી ધ્વારા દિવાળી પર્વને ધ્યાને લઇ તા.૨૨-૧૦-૨૦૨૧ થી તા.૦૨-૧૧-૨૦૨૧ દરમ્યાન અમદાવાદ હાટ, વસ્ત્રાપુર તળાવ પાસે, અમદાવાદ ખાતે "દિવાળી હસ્તકલા મેળા" યોજવામાં આવેલ છે.

રાજ્યના કુટીર અને ગ્રામોદ્યોગ વિભાગ તેમજ ઇન્ડેક્ષ્ટ-સી દ્વારા યોજાઇ રહેલાં આ "દિવાળી હસ્તકલા મેળા" નું ઉદ્ઘાટન શ્રી જગદીશભાઇ વિશ્વકર્મા, માનનીય રાજયકક્ષાના મંત્રીશ્રી, કુટિર ઉધોગ, સહકાર, મીઠા ઉધોગ અને પ્રોટોકોલ (સ્વતંત્ર હવાલો), ઉધોગો, વન પર્યાવરણ અને કલાઇમેટ ચેન્જ, પ્રીન્ટીંગ અને સ્ટેશનરી ધ્વારા તા.૨૨-૧૦-૨૦૨૧ ના રોજ સાંજે ૪.૩૦ કલાકે કરવામાં આવેલ છે. આ ઉદઘાટનના પ્રેરક ઉપસ્થિતિમાં કુસુમબેન કૌલ વ્યાસ, ચેરપર્સન, બિઝનેસ વુમન વિંગ કમિટિ, જી.સી.સી.આઇ. તેમજ બેલાબેન શાહ, ચેરપર્સન, મહિલા વિંગ, રાજપથ કલબ તથા અન્ય મહાનુભાવો હાજર રહેલ છે.

આ સમગ્ર પ્રદર્શન-સહ-વેચાણ હાટનું આયોજન ઇન્ડેક્ષ્ટ-સીના કાર્યવાહક નિયામકશ્રી, રિન્કેશ પટેલ GAS ના માર્ગદર્શન હેઠળ મેનેજરશ્રી-આર.આર.જાદવના સંકલન ધ્વારા કરવામાં આવેલ છે. અમદાવાદની માયાળુ કલાપ્રેમી જનતાને આ "દિવાળી હસ્તકલા મેળા" ની મુલાકાત લઇ કારીગરોને પ્રોત્સાહિત કરવા અને કારીગરો પાસેથી ખરીદીની સુવર્ણતક ઝડપી લેવા ઇન્ડેક્ષ્ટ-સીના કાર્યવાહક નિયામકશ્રી, રિન્કેશ પટેલ GAS દ્વારા અનુરોધ કર્યો છે.

ઇન્ડેક્ષ્ટ-સી ધ્વારા તા.૦૮-૦૨-૨૦૨૦ થી તા.૧૭-૦૨-૨૦૨૦ દરમ્યાન સાબરમતી રીવરફ્રન્ટ, વલ્લભસદન પાછળ, આશ્રમ રોડ, અમદાવાદ ખાતે "વસંતોત્સવ હસ્તકલા પર્વ" નું આયોજન કરવામાં આવેલ છે. આ મેળામાં રાજયના વિવિધ જિલ્લાના અંતરિયાળ વિસ્તારના હાથશાળ, હસ્તકલા, માટીકામ, ચર્મોધોગ અને કુટિર ઉધોગના ૨૫૦ જેટલા કારીગરો દ્વારા પ્રદર્શન-સહ-વેચાણ કરવામાં આવેલ છે.

http://www.cottage.gujarat.gov.in

રાજય સરકારશ્રીના વાયબ્રન્ટ ગુજરાત ગ્લોબલ ટ્રેડ શો-૨૦૧૭ અંતર્ગત ઇન્ડેક્ષ્ટ-સી ને હેલીપેડ ગ્રાઉન્ડ, ટાઉન હોલ સામે, ગાંધીનગર ખાતે ૨૦૦૦ ચો.મી. જગ્યા ફાળવવામાં આવેલ છે. જેમાં કુટિર ઉધોગ ખાતા ધ્વારા રાજયની ઉત્કૃષ્ઠ કલાકારીગરીને ઉજાગર કરવા 'ક્રાફટ વિલેજ' નું આયોજન કરેલ છે. આ ક્રાફટ વિલેજમાં હાથશાળ-હસ્તકલા ઔધોગીક સહકારી મંડળીઓ, એન.જી.ઓ., કલ્સ્ટર, સરકારી/અર્ધસરકારી સંસ્થાઓ, સખી મંડળો, વ્યકિતગત કારીગરો, રાષ્ટ્રીય/રાજય એવોર્ડ વિજેતા કારીગરો ભાગ લીધેલ છે. આ ક્રાફટ વિલેજમાં ૫૬ કારીગરો ધ્વારા નિદશર્ન સહ વેચાણનું આયોજન કરવામાં આવેલ છે. આ ક્રાફટ વિલેજનું તા.૯-૧-૧૭ થી તા.૧૩-૧-૧૭ દરમ્યાન મુલાકાત લઇ કારીગરોને પ્રોત્સાહિત કરવા વિનંતી.