Mahila Samakhya Dwarka

મહિલા સામખ્ય, ગુજરાત દ્વારા દર સોમવાર અને ગુરુવારે ૨૩ જિલ્લામાં ૧૦૭ માહિતીકેન્દ્ર ચલાવવામાં આવે છે. જેના સંચાલનની જવાબદારી સંઘની ૨ સક્ષમ બહેનોને સોંપવામા આવેલ છે. જે અંતર્ગત દેવભૂમિ દ્વારકા જિલ્લાના ૪ તાલુકામાં કાર્યરત માહિતીકેન્દ્ર સંચાલિકા બહેનોની રીવ્યુ મીટીંગ કરવામાં આવી જેમાં કામગીરીની સમીક્ષા તેમજ મહિલા સામખ્ય કાર્યક્રમનો બહોળો પ્રચાર પ્રસાર થાય તે માટેનું આયોજન કરવામાં આવ્યું.

મહિલા સામખ્યના મુખ્ય પાંચ મુદ્દા પૈકી શિક્ષણના મુદ્દાને લઈને કલ્યાણપુર તાલુકાના રાવલ ગામ ખાતે શિક્ષણ તાલીમનું આયોજન કરી શિક્ષણનું મહત્વ સમજાવી દીકરીઓ આત્મનિર્ભર બને તે માટે આગળ અભ્યાસ કરવા માટે પ્રોત્સાહિત કરવા માટે સમજણ આપવામાં આવી.

સરકારશ્રી દ્વારા બહાર પાડવામાં આવેલ યોજનાઓનો લાભ ગ્રામ્ય વિસ્તારના લોકોને મળી રહે તે માટે દેવભૂમિ દ્વારકા જિલ્લામાં ચાલતા માહિતીકેન્દ્રોમાં વિનામુલ્યે ઓનલાઈન અને ઓફલાઈન ફોર્મ ભરી આપવામાં આવે છે તેમજ જે તે વિભાગ સાથે સંકલન કરી જેમ બને તેમ ઝડપથી લાભ અપાવવા માટે સતત પ્રયત્નો કરવામાં આવે છે.

જામ ખંભાળિયા ખાતે આવેલ વડગામા વાડીમાં પોષણ અને આરોગ્યને લગતી તાલીમનું આયોજન કરવામાં આવ્યું હતું. તેમાં હાજર રહેલ બહેનોને તેમના અને તેમના પરિવારજનોના પોષણ સ્તરમાં સુધારો લાવવા માટે લીલા શાકભાજી, કઠોળ અને અન્ય પોષણયુક્ત ખોરાકનું સેવન કરવા બાબતે તેમજ બીમારી સમયે અંધશ્રદ્ધા ન રાખતા સમયસર દવાખાના ની મુલાકાત લેવા વિશે સમજણ આપવામાં આવી.

આજરોજ ભાણવડ તાલુકાના ઘૂમલી ગામ ખાતે ૧૦ ગામની ૫૦ બહેનોને ખરાબ રાસાયણિક ખાતરથી આરોગ્યને થતા નુકસાન વિશે સમજણ આપી બહેનો પોતાના ઘર પાસે જ કિચન ગાર્ડન બનાવી કેમિકલ વગરના શાકભાજી ઉગાડી તેનો ઉપયોગ કરે તો પરિવારના આરોગ્યમાં સુધારો આવે તેવી માહિતી આપવામાં આવી. આ માટે તેઓને વિવિધ શાકભાજીના બિયારણનું પણ વિતરણ કરવામાં આવ્યુ. આ ઉપરાંત બહેનોને સજીવ ખેતી અને આયુર્વેદિક દવાથી થતા ફાયદા વિશે પણ જાણકારી આપવામાં આવી.

તારીખ 28/1/2022 ના રોજ દેવભૂમિ દ્વારકા જિલ્લા કચેરી પર સાક્ષરતા વર્ગ શરૂ કરવા માટે ની મીટીંગ રાખવામાં આવેલ હતી જેમાં કુલ ૩૬ બહેનોએ ભાગ લીધો હતો સાક્ષરતા વર્ગ ની આવેલ અરજીઓ ઉપરથી આગામી સમયમાં સાક્ષરતા વર્ગો શરૂ કરવા માટે નિર્ણય લેવામાં આવશે