ERO 10 Chopda

लोकसभा सार्वत्रिक निवडणुकीची तयारी अंतिम टप्प्यात आली असून यासाठी प्रशासनाने वेग घेतलेला आहे. याचाच एक भाग म्हणून चोपडा तहसील कार्यालयात क्षेत्रीय अधिकाऱ्यांची आढावा बैठक संपन्न झाली. मतदार संघातील सहाय्यक निवडणूक निर्णय अधिकारी गजेंद्र पाटोळे तथा अति .सहाय्यक निवडणूक निर्णय अधिकारी भाऊसाहेब थोरात, यावल येथील तहसीलदार मोहनमाला नाझीरकर, निवडणूक नायब तहसीलदार सचिन बांबळे, नायब तहसीलदार आर आर महाजन, निवडणूक प्रशिक्षक नरेंद्र सोनवणे, सर्व नोडल आणि क्षेत्रीय अधिकारी उपस्थित होते.
मतदार संघातील सर्व मतदान केंद्रांवर देण्यासाठी ईव्हीएम मशीन ची सिलिंग सेटिंग प्रक्रिया प्रशासनाने यशस्वीपणे पार पाडली आहे. निवडणुकीदरम्यान चोपडा तालुक्यातील 136 मतदान केंद्रांवर सीसीटीव्ही कॅमेरे तर यावल तालुक्यात 24 सीसीटीव्ही कॅमेरे बसवले गेले असून त्याद्वारे मतदान केंद्रांचे वेब कास्टिंग करण्यात येणार आहे. सर्व क्षेत्रीय अधिकाऱ्यानी मतदान केंद्रांची अंतिम तपासणी करून आवश्यक त्या सर्व सुविधा मतदान केंद्रांवर उपलब्ध करून द्याव्यात. मतदान केंद्रांवर कुलर, मंडप, पिण्याचे पाणी व्हिडिओग्राफी आधी आवश्यक बाबी पूर्ण असल्याची खात्री करावी.आदर्श मतदान केंद्र, महिलांसाठी खास पिंक बूथ, मी दिव्यांग मतदान केंद्रांवर सर्व मतदारांना विशेष सुविधा उपलब्ध करून द्याव्यात.निवडणुकीसाठी नियुक्त करण्यात आलेल्या कर्मचाऱ्यांचे मानधन रोखीने मिळणार आहे. निवडणूक प्रक्रिया यशस्वीपणे पार पाडण्यासाठी सर्वांनी कसोशीने प्रयत्न करावेत असे आवाहन क्षेत्रीय अधिकारी आणि उपस्थित तलाठ्यांना करण्यात आले.

चतुर्थश्रेणी कर्मचाऱ्यांचे निवडणूक प्रशिक्षण संपन्न

चोपडा येथील नगर परिषदेच्या नाट्यगृहात लोकसभा निवडणुकीच्या पार्श्वभूमीवर निवडणूक कर्तव्यासाठी नियुक्त करण्यात आलेल्या चतुर्थ श्रेणी कर्मचाऱ्यांचे प्रशिक्षण संपन्न झाले. यावेळी अतिरिक्त सहाय्यक निवडणूक निर्णय अधिकारी तथा तहसीलदार भाऊसाहेब थोरात यांनी कर्मचाऱ्यांना निवडणुकीदरम्यान करावयाची कामे आणि जबाबदारी याबाबत यथोचित प्रशिक्षण दिले. यावेळी मतदारसंघातील चतुर्थ श्रेणी कर्मचारी मोठ्या संख्येने उपस्थित होते.
मतदान केंद्रांवर मतदारांच्या रांगा लावणे, मतदान केंद्रांवरील पायाभूत सुविधांची उपलब्धता करणे मतदानाच्या दिवशी निर्धारित केलेले कामे पार पाडणे आदीं बाबत कर्मचाऱ्यांना माहिती देण्यात आली. निवडणुकीसाठी नियुक्त मतदानाचा अधिकार मिळावा यासाठी त्यांच्याकडून पोस्टल बॅलेट नमुन्यात अर्ज घेण्यात आले.
प्रशिक्षणाच्या यशस्वीतेसाठी निवडणुकीच्या कर्तव्यासाठी नियुक्त करण्यात आलेल्या सर्व अधिकारी आणि कर्मचारी वृंदाने परिश्रम घेतले

मतदान केंद्राध्यक्ष आणि प्रथम मतदानाधिकारी यांच्यासाठी ईव्हीएम हाताळणी प्रात्यक्षिक प्रशिक्षण दरम्यान मा तहसीलदार साहेब चोपडा video shooting करतांना

लोकसभा सार्वत्रिक निवडणूक 2024
04 रावेर मतदार संघातर्गत 10 चोपडा (अ.ज.) विधानसभा मतदार संघ निवडणूक संबधित कक्षाची पाहणी करतांना मा.जिल्हाधिकारी साहेब जळगाव, सहाय्यक निवडणूक निर्णय अधिकारी गजेंद्र पाटोळे, तहसीलदार भाऊसाहेब थोरात, चोपडा नगर परिषदेचे परीक्षाविधीन मुख्याधिकारी अर्पित चव्हाण, निवडणूक नायब तहसीलदार सचिन बांबळे

पं.ज.नेहरू प्राथ. वा माध्य. विद्यालय अकुलखेडा शाळेत
मतदार जनजागृती अभियान
चोपडा : पंडित जवाहरलाल नेहरू प्राथ. वा माध्य. विद्यालय अकुलखेडा येथे मतदान जनजागृती अभियान अंतर्गत शाळांचे विद्यार्थी व शिक्षक आणि मान्यवर ने शपथ घेतली.
या कार्यक्रमाच्या अध्यक्षस्थानी चोपडा तहसीलदार भाऊसाहेब थोरात होते. कार्यक्रम दरम्यान शिक्षकांनी तसेच विध्यार्थ्यानी लोकसभा निवडणुकीमध्ये मतदान करण्याची वा जनजागृती करण्याची शपथ घेतली. कार्यक्रमाच्या यशस्वीतेसाठी मुख्याध्यापक यांनी परिश्रम घेतले. यावेळी विद्यार्थी व शिक्षक मोठ्या संख्येने उपस्थित होते.
लोकशाही पद्धतीने होणाऱ्या निवडणुकीचे प्रकियेत मतदान करणे हे प्रत्येकाचे नैतिक कर्तव्य आहे आणि त्यासाठी लोकांच्या आवाज असणे आवश्यक आहे प्रत्येकाला मतदानाचा अधिकार आहे. मतदान करून तुम्ही बदल घडवू शकता आणि तुमच्या समाजात बदल घडवू शकता. तसेच मतदान विषयी विद्यार्थी संवाद साधून मतदानाचे महत्व पटवून सांगितले मतदान जागृती करण्यासाठी असे प्रतिपादन तहसीलदार भाऊसाहेब थोरात यांनी केले.