Sahyadri Polytechnic Sawarde

*सह्याद्री शिक्षण संस्थेमधील पाठ्यपुस्तकाचे लिखाण करणाऱ्या प्रथम लेखिका प्रा. डॉ. लीना जावकर यांच्या 'प्रोफेशनल कम्युनिकेशन' पुस्तकाचे प्रकाशन*

चिपळूण :: तालुक्यातील सावर्डे येथील सह्याद्री शिक्षण संस्थेत कार्यरत असलेल्या प्राध्यापिका डॉ. लीना जितेंद्र जावकर यांनी अभियांत्रिकी पदविका अभ्यासक्रमासाठी लिहिलेल्या आणि पुण्यातील निराली प्रकाशनने प्रकाशित केलेल्या 'प्रोफेशनल कम्युनिकेशन' या पुस्तकाचे प्रकाशन आमदार शेखर निकम यांच्याहस्ते दि.8 फेब्रुवारीला झाले. शैक्षणिक क्षेत्रात अग्रगण्य असलेल्या पुणे येथील निराली प्रकाशन संस्थेने हे पुस्तक प्रकाशित केले आहे. अभियांत्रिकी आणि तंत्रज्ञान क्षेत्रातील विद्यार्थ्यांना येणाऱ्या इंग्रजी भाषेतील अडचणी लक्षात घेऊन प्रथम वर्ष पदविका अभ्यासक्रमावर आधारित हे पुस्तक आहे. लेखिका डॉ प्रा. लीना जावकर 19 वर्षापासून शिक्षण क्षेत्रात कार्यरत आहे. 2019 मध्ये त्यांनी शिवाजी विद्यापीठ ,कोल्हापूर मधून ecofeminism या विषयात PhD संपादन केली आहे.

अभियांत्रिकी पदविकेच्या ग्रामीण विद्यार्थ्यांसाठी हे पुस्तक उपयुक्त असल्याचे मत आ. निकम यांनी याप्रसंगी व्यक्त केले. आमदार साहेब पुढे म्हणाले, हे पुस्तक म्हणजे सह्याद्रीच्या शिरपेचात एक मानाचाच तुरा आहे.
आपल्या मनोगतात बोलताना डॉ. जावकर म्हणाल्या की, ‘पुस्तकाचे प्रकाशन, संस्थेचे चेअरमन आणि चिपळूण-संगमेश्वर तालुक्याचे आमदार शेखर निकम यांच्या हस्ते आणि शैक्षणिक क्षेत्रात अग्रगण्य समजल्या जाणाऱ्या निराली प्रकाशन यांच्यातर्फे होणे ही माझ्यासाठी अतिशय आनंदाची गोष्ट आहे. हे पुस्तक प्रकाशित होण्यासाठी कॉलेजचे प्राचार्य मंगेश भोसले आणि निराली प्रकाशन समूहाचे मॅनेजिंग डायरेक्टर जिग्नेश फुरिया, कोकण-गोवा प्रतिनिधी धीरज वाटेकर यांचे मोलाचे सहकार्य मिळालेले आहे. कोकण सारख्या दुर्गम भागात शिक्षण घेणाऱ्या, खेड्यापाड्यातून माध्यमिक शिक्षण घेऊन पुढील शिक्षणासाठी शहराकडे धाव घेणाऱ्या मुलांना professional communiction हे सरळ साध्या भाषेत समजावे. उद्योग क्षेत्राला अपेक्षित असणारे ऑफिस ड्राफ्टिंगचे नवीन फॉरमॅट विद्यार्थ्यांपर्यंत पोहचावेत यासाठी हे लेखन केले आहे.’
प्राचार्य मंगेश भोसले यांनी कार्यक्रमाचे प्रास्ताविक केले. त्यांनी पुस्तक निराली प्रकाशन कडून प्रसिद्ध करण्यामागील भूमिका स्पष्ट केली. तसेच निराली प्रकाशनचे मॅनेजिंग डायरेक्टर फुरिया यांच्या संदेशाचे वाचन केले. निराली प्रकाशनचे प्रतिनिधी आणि कोकणातील लेखक-पत्रकार धीरज वाटेकर यांनी उपस्थितांना प्रकाशनाविषयी माहिती दिली.
अनिरुद्ध निकम यांनी आपल्या आंतरराष्ट्रीय शिक्षणातील अनुभवांच्या आधारे अशा पुस्तकांच्या आवश्यकतेवर तसेच विद्यार्थ्यांना अतिशय स्फुर्तीपर भाष्य केले.

यावेळी विनती ऑरगॅनिक प्रायव्हेट लिमिटेडचे जनसंपर्क अधिकारी सचिन खरे, नगरपरिषद खेडचे प्रशासकीय अधिकारी प्रमोद ठसाळे, माजी नगरसेवक शशिकांत मोदी, परिमल भोसले, विकी नरळकर, विजय चितळे, भाजपा सरचिटणीस विनायक वरवडेकर, अखिल भारतीय नाट्य परिषद शाखा चिपळूणचे उपाध्यक्ष दिलीप आंब्रे, जावकर कुटुंबातील प्रमुख सुधीर जावकर या सर्व मान्यवरांनी शुभेच्छापर मनोगत केले व लेखिकेला पुढील वाटचालीसाठी शुभेच्छा दिल्यात.
त्याचबरोबर खडपे, वरवडेकर-मोरे कुटुंबीय, विद्यार्थी आणि हितचिंतक मोठ्या संख्येने उपस्थित होते. या कार्यक्रमाचे नियोजन सह्याद्री पॉलिटेक्निकच्या प्रा. पल्लवी बोरोले यांच्या मार्गदर्शनाखाली टेक्नीकल टीमने केले होते.

आज 23 एप्रिल - प्रसिद्ध बजाज ऑटो कंपनीच्या एचआर टीमने सह्यादी पॉलिटेक्निकच्या विद्यार्थ्यांसाठी कॅम्पस प्लेसमेंटसाठी ऑटो आणि मेकच्या विद्यार्थ्यांची मुलाखती घेतल्या . यामध्ये 38 विध्यार्थ्यां ची निवड त्यांनी केली. त्यापैकी 10 विध्यार्थ्यांची निवड आकुर्डी पुणे येथील R&D विभागासाठी झाली आहे.
यापूर्वी मार्च मध्ये झालेल्या कॅम्पस मध्ये KSPG AUTO यांनी 35 आणि जॉन डिअर यांनी 20 विध्यार्थ्यांची निवड केली होती.. पुढील कालावधी मध्ये TATA MOTORS, TBK India, Wipro Pari, Cikautxo या प्रसिद्ध कंपन्यांचे HR अधिकारी कॅम्पस प्लेसमेंट साठी येतं आहेत. TPO आणि Hod खानविलकर सर यांच्या विशेष परिश्रम आणि मार्गदर्शन यामुळे यावर्षी देखील 100 टक्के प्लेसमेंट चे उदिष्ट पूर्ण होईल.
Sahyadri Polytechnic Newsletter
सह्याद्रि शिक्षण संस्था, सावर्डे "Sahyadri Shikshan Sanstha, Sawarde"

पॉलिटेक्निक ते मरीन चीफ इंजिनिअर - यशस्वी प्रवास करणारे मा. इम्रान भाई कोंडकरी यांचा सत्कार सोहळा सह्याद्रि पॉलिटेक्निक मध्ये पार पडला ..विद्यार्थ्यांना मुलाखती द्वारे मरीन इंजिनिअरिंग बाबत सखोल ,बहुमोल मार्गदर्शन मा . इम्रान भाई कोंडकरी यांनी यावेळी केले .

INSPIRATIONAL STORY OF MARINE CHIEF ENGINEER IMRAN KONDKARI

आंतरराज्य बॅडमिंटन स्पर्धेत सह्याद्री पॉलिटेक्निक सावर्डेचे सुयश..!

शासकीय तंत्रनिकेतन रत्नागिरी या ठिकाणी आयोजित आंतरराज्यस्तरीय बॅडमिंटन स्पर्धेमध्ये सह्याद्री पॉलिटेक्निक सावर्डे च्या संघाने उपविजेते पद प्राप्त केले. सदर स्पर्धा या प्रामुख्याने महाराष्ट्र राज्य तंत्र शिक्षण मंडळ मुंबई जिमखाना, यांच्या माध्यमातून दक्षिण विभागातील विजेता संघ व उर्वरित पुणे, नाशिक, नागपूर , औरंगाबाद, अमरावती, मुंबई या विभागांमध्ये आयोजित केली जाते. यावर्षी या स्पर्धा आयोजित करण्याचा बहुमान शासकीय तंत्रनिकेतन रत्नागिरी यांना प्राप्त झाला होता. यामध्ये दक्षिण विभागातील विजयी सह्याद्री पॉलिटेक्निक सावर्डे संघाने राज्याच्या विविध विभागातून नामांकित संघांना पराभूत केले. या स्पर्धेचा अंतिम सामन्यात सह्याद्री पॉलिटेक्निक सावर्डे आणि गव्हरमेन्ट पॉलिटेक्निक कराड यांच्यात चुरशीची लढत झाली . त्यामध्ये सह्याद्री पॉलिटेक्निक सावर्डेला उपविजेते पद प्राप्त झाले.

या सर्व यशस्वी विद्यार्थ्यांना सह्याद्री शिक्षण संस्थेचे कार्याध्यक्ष तथा आमदार शेखर निकम, सह्याद्री पॉलिटेक्निक सावर्डेचे प्राचार्य मंगेश भोसले आणि शासकीय पॉलिटेक्निक रत्नागिरी चे प्राचार्य श्री. जाधव यांच्या वतीने विद्यार्थ्यांचे अभिनंदन करण्यात आले व पुढील वाटचालीस शुभेच्छा देण्यात आल्या.