KINGS MEDIA

ബക്കറ്റിൽ ഉപേക്ഷിച്ച നിലയിൽ നവജാത ശിശു

ചെങ്ങന്നൂർ: മുളക്കുഴയിലെ കോട്ട ഭാഗത്ത് വീടിന്റെ ശുചിമുറിയിലെ ബക്കറ്റിൽ നവജാത ശിശുവിനെ ചെങ്ങന്നൂർ പോലീസ് കണ്ടത്തി. ഇന്ന് ഉച്ചയോടെയാണ് നാടിനെ നടുക്കിയ സംഭവം നടന്നത്. ചെങ്ങന്നൂരിലെ സ്വകാര്യ ആശുപത്രിയിൽ ബ്ലീഡിങ്ങിനെ തുടർന്ന് ചികിത്സയ്ക്ക് എത്തിയ യുവതിയെ ഡോക്ടർ പരിശോധിച്ചപ്പോൾ യുവതി അടുത്ത സമയങ്ങളിൽ പ്രസവിച്ചതായി കണ്ടെത്തിയത്. വിശദമായ വിവരം ഡോക്ടർ യുവതിയിൽ നിന്നു ചോദിച്ചറിഞ്ഞതിനെ തുടർന്ന് ആശുപത്രി അധികൃതർ പോലീസിനെ വിവരമറിയിച്ചു. യുവതിയിൽ നിന്നും താമസ സ്ഥലവും മറ്റ് വിവരങ്ങളും മനസ്സിലാക്കിയ പോലീസ് യുവതി താമസിച്ച വീട്ടിലെത്തി നീല ബക്കറ്റിൽ കുട്ടിയെ കണ്ടെത്തുകയായിരുന്നു. ഈ ബക്കറ്റിൽ തന്നെ ചെങ്ങന്നൂരിലെ സ്വകാര്യ ആശുപത്രിയിൽ എത്തിച്ച കുട്ടിയെ പ്രാധമിചിക ചികിത്സ നൽകിയ ശേഷം വിദഗ്ധ ചികിത്സക്കായി മെഡിക്കൽ കോളജിലേക്ക് മാറ്റി.

ശദാബ്ദി ആഘോഷത്തിൽ പുഷ്പാർച്ചന നടത്തിയ ഗാന്ധി പ്രതിമ ചെങ്ങന്നൂരില്‍ സ്ഥാപിക്കും

ചെങ്ങന്നൂർ: വൈക്കം സത്യാഗ്രഹത്തിന്റെ ശദാബ്ദി ആഘോഷത്തിൽ കേരള മുഖ്യമന്ത്രി പിണറായി വിജയൻ തമിഴ്നാട് മുഖ്യമന്ത്രി എം.കെ സ്റ്റാലിൻ സാംസ്കാരിക വകുപ്പ് മന്ത്രി സജി ചെറിയാൻ തുടങ്ങിയ വിശിഷ്ട വ്യക്തികൾ പുഷ്പാർച്ചന നടത്തിയ മഹാത്‌മാഗാന്ധിയുടെ അർത്ഥകായ പ്രതിമ മാവേലിക്കര പീസ് ഫൗണ്ടേഷൻ ഓഫ് ഇന്ത്യയുടെ നേതൃത്ത്വത്തിൽ മന്ത്രി സജി ചെറിയാൻ ചെയർമാനായിട്ടുള്ള കൊഴുവല്ലൂരിലെ കരുണ പാലിയേറ്റീവ് അങ്കണത്തിൽ സ്ഥാപിക്കുമെന്ന് ഫൗണ്ടേഷൻ പ്രസിഡന്റ്‌ ശില്‌പിയുമായ ബിജു ജോസഫ് അറിയിച്ചു.