M.K Shoukath Ali

ഇരുപതിനായിരം തൊഴിലവസരങ്ങളുമായി
78 പുതിയ പ്രൊജക്ടുകള്‍:
ഫെസ്‌കോ ഗ്രൂപ്പ് വിഷന്‍ 2040 പ്രഖ്യാപിച്ചു.

ദുബൈ: ബഹുമുഖ വാണിജ്യ, വ്യവസായ പദ്ധതികള്‍ ഉള്‍പ്പെടുത്തി ഫെസ്‌കോ ഗ്രൂപ്പ് വിഷന്‍ 2040 പ്രഖ്യാപിച്ചു.

ഫെസ്‌കോ ഗ്രൂപ്പിന്റെ വിഷന്‍ 2040 പ്രഖ്യാപനച്ചടങ്ങ് ‘ഫെസ്‌കോ ദി ഫ്യൂച്ചര്‍‘ ദുബൈ മില്ലിനിയം പ്ലാസ ഹോട്ടലിൽ വെച്ച് നടന്നു. 2040 വിഷൻ അൺ വീലിംഗ് അപ്കോം ഗ്രൂപ്പ്‌ ചെയർമാൻ ആൻഡ് മാനേജിങ് ഡയറക്ടർ എ പി അബ്ദുൽ കരീം നിർവഹിച്ചു, ഫെസ്ക്കോ ഗ്രൂപ്പ്‌ ചായർമാൻ ഡോ അറക്കൽ ബാവ പ്രസിഡൻഷ്യൽ സ്പീച്ചും, മിഷൻ 26 ബിഗ്‌നിംഗ് ഫ്ലോറ ഗ്രൂപ്പ്‌ ചെയർമാൻ ആൻഡ് മാനേജിങ് ഡയറവക്ടർ ഫ്ലോറ ഹസൻ ഹാജി, ബ്രോഷർ ലോഞ്ചിങ് യു എ ഇ കെ എം സി സി നാഷണൽ കമ്മിറ്റി ജനറൽ സെക്രെട്ടറി അൻവർ നഹ, ഫൗഡേഴ്‌സ് സ്റ്റോറി അൺ വീലിംഗ് റിനം ഗ്രൂപ്പ്‌ മാനേജിങ് ഡയറക്ടർ പി ടി എ അബ്ദുൽ മുനീർ, ഫെസ്ക്കോ ഗ്രൂപ്പ്‌ വെബ് സൈറ്റ് ലോഞ്ചിങ് വേൾഡ് ലിങ്ക് ഗ്രൂപ്പ്‌ മാനേജിങ് ഡയറക്ടർ എം കെ ശംസുദ്ധീൻ, ലോഗോ ലോഞ്ചിങ് സയ്യിദ് ഹൈദ്രോസ് തങ്ങൾ കൂട്ടായി, വാക്ക്ത്രൂ ലോഞ്ചിങ് അപ്‌കോ ഗ്രൂപ്പ്‌ ജോയിന്റ് മാനേജറിംഗ് ഡയറക്ടർ മുഹമ്മദ്‌ കോയ എന്നിവർ നിർവഹിച്ചു. ലുലു റീജിനൽ ഡയറക്ടർ ഷാജി ജമാലുദ്ധീൻ, ക്യാപിറ്റൽ ടിംബെർ മാനേജിങ് ഡയറക്ടർ ജാബിർ മീരാൻ എന്നിവർ ചടങ്ങിനു ആശംസകൾ അർപ്പിച്ചു. അബ്ദുൽ സലാം സഅദി കക്കിടിപ്പുറം പ്രാത്ഥനയും ഫെസ്കോ മാനേജിങ് ഡയറക്ടർ എം കെ ഷൌക്കത്ത് അലി സ്വാഗതംവും, ഡ്രക്ടർമാരായ മുഹമ്മദ്‌ റിയാസ്, സഫ്‌വാൻ എൻ ടി പ്രൊജക്റ്റ്‌ പ്രെസന്റേഷനയും മുഹമ്മദ്‌ സർഫ്രസ് നന്ദിയും പറഞ്ഞു. ചടങ്ങിൽ വെച്ച് എം കെ സൈനുദ്ധീൻ ഹാജിയെ ആദരിക്കുകയും ചെയ്തു കൂടാതെ ചടങ്ങില്‍ അന്തര്‍ദേശീയ, ദേശീയ രംഗത്തെ പ്രമുഖരും പങ്കെടുത്തു.

എം കെ ഷൌക്കത്ത് അലി
ഫൗണ്ടർ ആൻഡ് മാനേജിങ് ഡയറക്ടർ

I had the pleasure of attending the wedding of our Customer Relationship Manager, Musammil Adani. Wishing the couple a happy and blessed married life.

“സൗക്കോ… ഇന്ന് വാപ്പാടെ ഖബർ സിയാറത്തിനു എത്ര ആളുണ്ടായിരുന്നു?”

ഓരോ വർഷവും വിശുദ്ധമായ റമളാനിലെ ലൈലത്തുൽ ഖദർ പ്രതീക്ഷിക്കുന്ന 27ആം രാവിൽ, ഞങ്ങളുടെ കുടുംബത്തിൽ പതിവായി നടക്കുന്ന ഒരു ചടങ്ങാണ് ഞങ്ങളുടെ പ്രിയപ്പെട്ട വാപ്പയുടെ കബർ സിയാറത്ത്.

43 വർഷങ്ങൾക്ക് മുമ്പ് ഞങ്ങളെ വിട്ടുപോയ പ്രിയപ്പെട്ട വാപ്പയുടെ സിയാറാത്തിൽ, ജേഷ്ഠന്മാർ, അനിയന്മാർ, പേരക്കുട്ടികൾ, മരുമക്കൾ, മഹല്ല് ഖത്തീബ്, മൂത്തഅല്ലിമീങ്ങൾ, നാട്ടുകാർ — എല്ലാവരും പങ്കെടുക്കുന്നത് പതിവാണ്.

സിയാറത്ത് കഴിഞ്ഞ ഉടനെ ഞാൻ വീട്ടിലേക്ക് മടങ്ങും. അവിടെ എന്റെ ഉമ്മ വലിയ ആകാംക്ഷയോടെ കാത്തിരിക്കും. ഞാൻ വാതിൽ കടന്നുവരുന്ന നിമിഷം തന്നെ, അവരുടെ അധരങ്ങളിൽ നിന്ന് പതിവായി ഉയരുന്ന ആദ്യ ചോദ്യം അതായിരുന്നു —

“സൗക്കോ… ഇന്ന് വാപ്പാടെ കബർ സിയാറത്തിനു എത്ര ആളുണ്ടായിരുന്നു?”

ആരാണ് വന്നത്… എത്ര പേർ പങ്കെടുത്തു… ആരൊക്കെ ദുആ ചെയ്തു…
എല്ലാം ഏറെ ശ്രദ്ധയോടെ ചോദിച്ചറിഞ്ഞു കേൾക്കും.

അതിനു ശേഷം, വാപ്പയുടെ ഓർമ്മയിൽ കണ്ണുനിറച്ച് ദുആ ചെയ്യും. ജീവിതകാലത്തെ അനവധി ഓർമ്മകളും അനുഭവങ്ങളും അപ്പോൾ ഞങ്ങളോടൊപ്പം പങ്കുവെക്കും. ആ നിമിഷങ്ങൾ ഞങ്ങളുടെ ഹൃദയങ്ങളിൽ ഇന്നും തെളിഞ്ഞുനിൽക്കുന്നു.

ഇന്നും പതിവ് പോലെ തന്നെ ആ സിയാറത്ത് നടന്നു.
എന്നാൽ അല്ലാഹുവിന്റെ വിധി — കഴിഞ്ഞ മുഹറം 30ന് ഉമ്മയും അല്ലാഹുവിലേക്കുള്ള യാത്രയായി.

വാപ്പയുടെ ചാരത്ത് തന്നെ പ്രിയപ്പെട്ട ഉമ്മക്കും അന്ത്യവിശ്രമം ലഭിച്ചു എന്നത് ഞങ്ങൾ വലിയൊരു ഭാഗ്യമായി കരുതുന്നു.
ഉമ്മയുടെ ഇഷ്ടം പോലെ തന്നെ ഇന്ന് ഇരുവർക്കും വേണ്ടി സിയാറത്ത് നടത്തി.

പക്ഷേ… ഇന്ന് തിരിച്ചു വരുമ്പോൾ മനസ്സിനെ ഏറ്റവും കൂടുതൽ വേദനിപ്പിച്ചത് ഒരു കാര്യം മാത്രം

“ഇന്ന് എത്ര ആളുണ്ടായിരുന്നു?”
എന്ന് ചോദിക്കാൻ ഉമ്മ ഇനി ഇല്ല എന്ന ആ ശൂന്യത…

ആ ചോദ്യം ഇല്ലാത്ത വീട്ടിലെ നിശ്ശബ്ദത ഹൃദയത്തെ ആഴത്തിൽ സ്പർശിക്കുന്നു.

അല്ലാഹുവേ…
ഞങ്ങളുടെ വാപ്പക്കും ഉമ്മക്കും പരലോകജീവിതം വിജയകരമാക്കേണമേ.
അവർക്കു ജന്ന്ന്നാത്തുൽ ഫിർദൗസ് നൽകേണമേ.
ഖബർ ജീവിതം നന്മയും സമാധാനവും നിറഞ്ഞതാക്കേണമേ.

ഈ പുണ്യമായ രാവിൽ, നിങ്ങൾ എല്ലാവരും അവർക്കു വേണ്ടി ഒരു ദുആ ചെയ്യണമെന്നു വിനീതമായി അഭ്യർത്ഥിക്കുന്നു. 🤲

എം കെ ഷൌക്കത്ത് അലി