Sony Books

*മനസ്സാക്ഷിയെ പിടിച്ചുലയ്ക്കുന്ന ഒരു അസ്ഥികൂടം!*

ഇത് ഇന്നത്തെ ഒരു പത്രവാർത്തയാണ്!

പേരാമ്പ്രയിൽ സ്വന്തം വീട്ടുവളപ്പിൽ ഒന്നര മാസം പഴക്കമുള്ള ഒരു വൃദ്ധന്റെ അസ്ഥികൂടം കണ്ടെത്തിയ വാർത്ത കേവലം ഒരു അപകട മരണമല്ല, മറിച്ച് ആധുനിക കേരളത്തിന്റെ സാംസ്കാരിക ജീർണ്ണതയുടെ നേർച്ചിത്രമാണ്.
ഭാര്യ മരിച്ചുപോയ, രണ്ട് മക്കളുള്ള 72-കാരനായ കുഞ്ഞിക്കണ്ണൻ എന്ന വൃദ്ധൻ വീട്ടിൽ തനിച്ചായിരുന്നു താമസം. പറമ്പിൽ വീണ് മരിച്ച് ഒന്നര മാസമായിട്ടും, മക്കളോ അയൽക്കാരോ ആരും അറിഞ്ഞില്ല! ഒടുവിൽ കറന്റ് ബിൽ അടയ്ക്കാത്തതിനാൽ കണക്ഷൻ വിച്ഛേദിക്കാൻ എത്തിയ കെ.എസ്.ഇ.ബി ജീവനക്കാരൻ അന്വേഷിച്ചപ്പോഴാണ് ഈ ക്രൂരമായ യാഥാർത്ഥ്യം പുറംലോകം അറിയുന്നത്.

*രണ്ടു മക്കളുണ്ടായിരിക്കേ ഈ ദാരുണ അന്ത്യം നമ്മുടെ സമൂഹത്തെ ഏറെ ചിന്തിപ്പിക്കേണ്ടതല്ലേ?*

മാറിതാമസിച്ചാലും ജന്മം നൽകി വളർത്തിയ പിതാവിനെക്കുറിച്ച് ഒന്നര മാസക്കാലം ഒരു വിവരവും അന്വേഷിക്കാതിരിക്കാൻ മക്കൾക്ക് എങ്ങനെ സാധിക്കുന്നു?

*നമ്മുടെ 'അയൽപക്ക സംസ്കാരം' എവിടെ?*

സഹോദരിയുടെ വീട്ടിൽ പോയതാകും എന്ന് കരുതി ഒന്നര മാസം ഒരു മനുഷ്യനെ കാണാതിരുന്നിട്ടും തിരിഞ്ഞുനോക്കാത്ത അയൽപക്ക ബന്ധം എന്ത് സാമൂഹിക പ്രതിബദ്ധതയാണ് അവകാശപ്പെടുന്നത്?

ടെക്നോളജിയിലൂടെ ലോകം വിരൽത്തുമ്പിൽ ഒതുക്കുമ്പോഴും, തൊട്ടടുത്ത വീട്ടിലെ മനുഷ്യന്റെ വിരലനക്കം പോലും അറിയാൻ നമുക്ക് സമയമില്ലാതാകുന്നു,
ഇന്ന് നമ്മുടെ മാതാപിതാക്കൾക്ക് നൽകുന്ന ഇതേ അവഗണന നാളെ നമ്മുടെ മക്കൾ നമുക്കും തിരിച്ചു നൽകില്ലേ? സമ്പത്തും വിദ്യാഭ്യാസവും എത്രയുണ്ടായാലും മുതിർന്നവരെ കരുതാൻ പഠിക്കാത്ത തലമുറ ഒരു പരാജയമാണ്.

തിരക്കുകൾക്കിടയിലും തനിച്ചു താമസിക്കുന്ന മാതാപിതാക്കളെയും പ്രായമായ അയൽക്കാരെയും ഒന്നു വിളിക്കാനും അന്വേഷിക്കാനും അല്പം സമയം കണ്ടെത്തുക. ഇനിയൊരു അസ്ഥികൂടവും നമ്മുടെ മനുഷ്യത്വമില്ലായ്മയെ നോക്കി ഇങ്ങനെ പല്ലിളിക്കാതിരിക്കട്ടെ...!!!
കടപ്പാട്

New Arrivals

Books Order ചെയ്യുവാൻ വാട്സപ്പ് ചെയ്യു
https://wa.me/919778598137

For details regarding International shipping, you can contact us here or Whatsapp us @ 9778598137

Happy reading!

For orders DM us SONY BOOKS 📚
or Whatsap 9778598137