Janashakthi

ജൂൺ 16ന് ദേശീയ പ്രതിഷേധ ദിനത്തിന് പാർടി ആഹ്വാനം ചെയ്തിരിക്കുകയാണ്. രണ്ട് ലക്ഷം കേന്ദ്രങ്ങളിലായി 10 ലക്ഷത്തിലധികമാളുകൾ കേരളത്തിൽ മാത്രം പ്രതിഷേധത്തിൻ്റെ ഭാഗമാകും.

ആദായനികുതിക്ക്‌ പുറത്തുള്ള എല്ലാ കുടുംബത്തിനും 7500 രൂപവീതം ആറു മാസത്തേക്ക്‌ നൽകുക, ഒരാൾക്ക്‌ 10 കിലോവീതം ഭക്ഷ്യധാന്യം സൗജന്യമായി നൽകുക, തൊഴിലുറപ്പ്‌ വേതനം ഉയർത്തി 200 ദിവസം ജോലി ഉറപ്പാക്കുക, നഗരങ്ങളിലും തൊഴിലുറപ്പ്‌ പദ്ധതി നടപ്പാക്കുക, ജോലിയില്ലാത്തവർക്കെല്ലാം തൊഴിൽരഹിത വേതനം നൽകുക, പൊതുമേഖലയിലെ സ്വകാര്യവൽക്കരണം തടയുക, തൊഴിൽനിയമങ്ങൾ ഇല്ലാതാക്കുന്നത് അവസാനിപ്പിക്കുക എന്നിവയാണ്‌ പാർടി ഉയർത്തുന്ന പ്രധാന മുദ്രാവാക്യങ്ങൾ.

പാനൂരിന്റെ രാക്ഷ്ട്രീയ ചരിത്രത്തിൽ കമ്മ്യൂണിസ്റ്റ്
പ്രസ്ഥാനത്തിന്റെ ഇന്നിന്റെ വളർച്ചയിൽ ഇന്നലെകളിൽ
ജീവനും ജീവിതവും നൽകിയ വിപ്ലവകാരി ...

ആ കാലങ്ങളിൽ കോൺഗ്രസ് ഉയർത്തിയ അക്രമ
രാക്ഷ്ട്രീയത്തെ പ്രതിരോധത്തിന്റെ ചങ്കുറപ്പുകൊണ്ട്
നേരിട്ട് പാനൂരിന്റെ വിവിധ ഗ്രാമങ്ങളിൽ ചെങ്കോടി
പറിക്കാൻ മുന്നിൽ നിന്ന് നയിച്ച ധീരനായ കമ്മ്യൂണിസ്റ്റ്....

പി .ആർ കുറുപ്പിന്റെ മരണത്തോടെ പാനൂർ മേഖലയിൽ
കോൺഗ്രസ്സ് രാക്ഷ്ട്രീയ പതനത്തിൽ കൂപ്പുകുത്തുകയും
അതോടൊപ്പം അക്രമരാക്ഷ്ട്രീയത്തിന്റെ അസുരഭാവത്തോടെ
ആർ .എസ് .എസ് ഉയർന്നുവരികയും ചെയ്തപ്പോൾ ..ആർ .എസ് .എസ്
ഉയർത്തിയ വെല്ലുവിളികൾക്കു മുന്നിൽ മുട്ടുമടക്കത്തെ പ്രതിരോധനത്തിന്റെ
കാരിരുമ്പിൻ കോട്ടത്തീർത്ത് പാനൂർ മേഖലയിലെ പോരാളികൾക്കാകം
സിരകളിൽ ഊർജ്ജവും വിപ്ലവ വീര്യവുമായി പടനയിച്ചു മുന്നേറിയവൻ ..

കുഞ്ഞനന്തൻ എന്ന കമ്മ്യൂണിസ്റ്റിന്റെ പേര് കൂട്ടിവായിക്കാതെ
പാനൂരിലെ കമ്മ്യൂണിസ്റ്റ് പ്രസ്ഥാനത്തിന്റെ ചരിത്രം പൂർണ്ണമാകില്ല
ഒരിക്കലും ...ധീരതയുടെ ഹൃദയവിശാലതയുടെ മാനുഷിക നന്മയുടെ
പോരാട്ടത്തിന്റെ മഹാമേരുവായിരുന്നു സഖാവ് കുഞ്ഞനന്തൻ..

എന്നും ഇല്ലാതാക്കാൻ തക്കംപാർത്തിരുന്ന കോൺഗ്രസ് കഴിഞ്ഞ
യു ഡി എഫ് ഭരണകാലത്ത് ഭരണ സ്വാധീനത്തിൽ വാലാട്ടികളായ
കുറെ ഉദ്യോഗസ്ഥരെ മുൻനിർത്തി ടി .പി ചന്ദ്രശേഖരൻ വധവുമായി
ബദ്ധപ്പെടുത്തി കള്ളക്കേസ് സൃക്ഷ്ടിച്ഛ് വളരെ ആസൂത്രിതമായ നീക്ക
ത്തിലൂടെ ഗൂഢാലോചന കുറ്റം ചുമത്തി ന് സഖാവിനെ കാരാഗൃഹത്തി
ൽ അടക്കുകയിരുന്നു ..ജയിലിൽ കഴിയവേ പ്രായാധിക്യം മൂലം പലപ്പോഴും
ഗുരുതരമായ ആരോഗ്യപ്രേശ്നങ്ങൾ കാരണം നിരവധി തവണ പരോളിന്‌
അപേക്ഷിച്ചിട്ടും യു ഡി എഫ് ഗവണ്മെന്റ് സഖാവിന് ജ്യാമ്യം
നിഷേധിക്കുകയായിരുന്നു ...പിന്നീട് പിണറായി സർക്കാർ അധികാരത്തിൽ
വന്നതോടുകൂടിയാണ് സഖാവിനു വിദഗ്ധ ചികിത്സ ലഭിക്കാൻ സൗകര്യമൊരുക്കിയത്

സഖാവിന്റെ വേർപാടോടെ കമ്മ്യൂണിസ്റ്റ് പ്രസ്ഥാനത്തിന്റെ പാനൂരിലെ
ഒരു വന്മരമാണ് നിലംപതിക്കുന്നത് ..പക്ഷെ എങ്കിലും പാനൂരിലെ
പോരാളികളുടെ ഹൃദയങ്ങളിൽ സഖാവ് ജ്വലിക്കുന്ന സൂര്യനായി എന്നും
കത്തിനിൽക്കും ...
#പ്രിയസഖാവിന് #ആദരാജ്ഞലികൾ🌹

സി.പി.ഐ(എം) സംസ്ഥാന സെക്രട്ടറി
കോടിയേരി ബാലകൃഷ്‌ണന്‍
പുറപ്പെടുവിക്കുന്ന പ്രസ്‌താവന

പരിസ്ഥിതി ദിനമായ ജൂണ്‍ 5-ന്‌ സി.പി.ഐ(എം) നേതൃത്വത്തില്‍ സംസ്ഥാന വ്യാപകമായി ഫലവൃക്ഷ തൈകള്‍ നടും. എല്‍.ഡി.എഫ്‌ സര്‍ക്കാര്‍ നടപ്പിലാക്കുന്ന സുഭിക്ഷ പദ്ധതിയോട്‌ ഐക്യപ്പെട്ടുകൊണ്ടാണ്‌ ഈ പരിപാടി സംഘടിപ്പിക്കുന്നത്‌. നാടിന്റെ ഭക്ഷ്യസ്വയം പര്യാപ്‌തതയിലേക്ക്‌ നയിക്കുന്നതിന്‌ പഴങ്ങളുടെ ഉല്‍പ്പാദനം നല്ല രീതിയില്‍ വര്‍ദ്ധിപ്പിക്കേണ്ടതുണ്ട്‌. ഫലവൃക്ഷതൈ നടുന്ന പാര്‍ടി ഘടകങ്ങള്‍ അതിന്റെ പരിപാലന ഉത്തരവാദിത്തവും ഏറ്റെടുക്കും. പാര്‍ടിയുടെ ഉടമസ്ഥതയിലുള്ള സ്ഥലങ്ങളിലും പാര്‍ടി അംഗങ്ങളുടെ വീട്ടുവളപ്പിലുമാണ്‌ തൈകള്‍ നടുന്നത്‌. സംസ്ഥാനതല ഉദ്‌ഘാടനം ഇ.എം.എസ്‌ അക്കാദമി വിളപ്പിശാലയില്‍ നിര്‍വഹിക്കും. ജില്ലാ-ഏര്യാതല ഉദ്‌ഘാടനം അന്നേദിവസം നടക്കും.

പ്രളയവും കോവിഡും പ്രകൃതി സംരക്ഷണത്തിന്റെയും സ്വയംപര്യാപ്‌തയുടേയും പ്രാധാന്യം വര്‍ദ്ധിപ്പിച്ചിരിക്കുന്നു. ഇതു തിരിച്ചറിയാനും ക്രിയാത്മകമായി പ്രതികരിക്കാനും സമൂഹത്തിന്‌ ഉത്തരവാദിത്തമുണ്ട്‌. ഇതു മനസ്സിലാക്കി നാടിനെ ഭക്ഷ്യ സ്വയം പര്യാപ്‌തതയിലേക്ക്‌ നയിക്കുന്നതില്‍ പങ്കാളികളാകാനും ജൂണ്‍ 5-ന്റ പരിപാടി വിജയിപ്പിക്കുവാനും സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അഭ്യര്‍ത്ഥിച്ചു.