Garubhasa Unit Committee - ABSU

खालार- 02-06-2026
गरुभाषा सिरां

दिनै गरुभाषा दालाय आफाद एबसुनि सिङाव थानाय चाम्फाबथि गोजौ फरायसालि आरो गरुभाषा गोजौसिम फरायसालिनि फरायसाफोरजों थांनानै लोगो हमहैनाय आरो आथिखाल सोलोंथाय थासारिखौ बिथा खालामना दान्दिसे सावरायहैनाय जायो। बे हाबाफारियाव सिरां जिल्ला एबसुनि लोगो आफादगिरि आरो सिरां जिल्ला एबसुनि लोगो सोलोंथाय नेहाथारि कामेस्वर बसुमतारि बिथांआबो बाहागो लायो बेजों लोगोसे सिदलि सिरां दखरा आफाद एबसुनि गाहाय नेहाथारि देरहासात दैमारि, बोसोनगिरि एनज मुसाहारि, बाथ्रा दान्थे नेहाथारि फुंजा औवारि दालाय आफाद एबसुनि आफादगिरि बिरनजय बरगयारि आरो गाहाय नेहाथारि सिमां बसुमतारि बिथांमोनहाबो बाहागो लानाय जादों।

खालार:- 26.05.26
गरुभाषा सिरां

दिनै Garubhasa State dispensary नि Pharmacist Nityam Kr. Nath मानगोनां बिथाङा फैगो 31.06.26 इं खालार खालि आजिरा लागोन बेनिखायनो आजिरा लानायनि सिगांनो जोंनि दालाय आफाद एबसुनि मावखुलियाव बिथांखौ मान बावनायजों लोगोसे बोथिसे ओंखाम जाहोनाय जादों मानोना बिथाङा गरुभाषा ओनसोलनि थाखाय थाद'नाय गैयै सावस्रिनि गोबां सिबिथाय होबोदोंमोन । बे हाबाफारियाव गरुभाषा Out Post नि IC मानगोनां बिथांजों लोगोसे जोंनि सिदलि सिरां दखरा आफाद एबसुनि गाहाय नेहाथारि देरहासात दैमारि,लोगो आफादगिरि समर नार्जारि गरुभाषा गुदि बर थुनलाइ आफादनि आफादगिरि बाबुराम बसुमतारि,लोगो आफादगिरि चक्र नाजारि, गरुभाषा गुदि थ्रायबेल संघनि नेहाथारि बिरन दैमारि सिरां जिल्ला एबसुनि बारग' नेहाथारि हिरिम्ब बसुमथारि बिथां मोनहाबो हाबाफारियाव बाहागो लानाय जादों।

9 मे, 2026: गरुभाषा,सिरां
सिदली-चिरां दख'रा दुलाराय बर' फसायसा आफादआ देग्लाय 2026 इं बोसोरनि दख'रा आफादनि सिंनिफ्राय गासै सा 87 मेट्रिक आन्जादाव सेथि मासि उथ्रिसार जानाय फरायसाफोरखौ बरायनाय आरो मान बाउनाय हाबाफारि लानाय जायो काशिकत्रानि बैराथि नब्लांआव। बे हाबाफारिखौ दख’रा आफादनि आफादगिरि दानसोरां बसुमतारी बिथाङा मेलनि मासि लानानै सामलायनायाव गाहाय आलासि महरै बाहागो लायो दुलाराय बर' फरायसा आफादनि आफादगिरि मानाव गेदेद खोरोमदाव औवारी बिथाङा। लोगोसे बेखेवगिरि आलासि महरै बाहागो लाफैयो सिरां जिल्ला एबसुनि गाहाइ नेहाथारि ड० रेडियान नार्जारी बिथाङा। बे हाबाफारियाव मिरु एबसुनिफ्राय नेहाथारि बिरखां नार्जारी आरो लोगो सोलोंथाइ नेहाथारि बिस्वजित नार्जारी बिथांमोन बाहागो लानो हायो।लोगोसे दख'रा एबसुनि ओन्सोलनि सानसुमैफोर आरो फोरोंगिरिफोर फरायसाफोर बाहागो लानाय जायो।

3 मे, 2026:
गरुभाषा,सिरां

सिरां जिल्लानि सिङाव थानाय गरुभाषानि बाथाबारि गामियाव बाथाबारि फुंबिलि क्लाब काम- लाइब्रेरीनि बान्जायनायाव देग्लाय 2026 इं बोसोरनि गामिनिफ्राय मेट्रिक आरो हायारसेकेण्डारि आन्जादाव उथ्रिसार जानाय फरायसाफोरखौ बरायनाय आरो मान बाउनाय हाबाफारि लानाय जायो। बे हाबाफारियाव गाहाय आलासि महरै बाहागो लाफैयो बड'लेण्ड मुलुग सोलोंसालिमानि लोगो बिबुंगोरा ड० सुदेब चन्द्र बसुमतारी बिथाङा। लोगोसे बे हाबाफारियाव सिदली-चिरां दख'रा एबसुनिफ्राय गाहाइ नेहाथारि देरहासात दैमारी बिथाङा बाहागो लानानै मेलखौ बेखेवना होयो। हाबाफारियाव बाहागो लानाय जायो सिदली-चिरां दख'रा एबसुनि रांगिरि नेरसोन बसुमतारी, गरुभाषा दालाय आफाद एबसुनि गाहाइ नेहाथारि सिमां बसुमतारी आरो सिदली गुदि बर' थुनलाइ आफादनि आफादगिरि प्रदिप कुमार नार्जारी बिथांमोन।

गरूभाषा, सिरां
10 एप्रिल, 2026

गरूभाषा दालाय आफाद एबसुआ मेट्रिक आन्जादआव सेथि मासियाव उथ्रिसार जानो हानाय फरायसाफोरखौ न' न' थांनानै बरायहैनायजों लोगोसे इयुनाव मा बायदि फरायलांनांगौ, गाज्रि हाबानिफ्राय माबोरै गावखौ रैखा खालामनांगौ बेफोरनि सायाव सावरायनाय जायो । बे हाबाफारियाव गरूभाषा दालाय आफादनि आफादगिरि बिरनजय बरगयारी, सोलोंथाय नेहाथारि गेरेमसा औवारो, बेलसिं बसुमतारी आरो जुबराज औवारी बिथांमोनहा बाहागो लाहैयो ।