Post Media .com.MR

ਇਹ ਫੋਟੋ ਸੇਵ ਕਰਕੇ ਰੱਖੋ ਅਤੇ ਅੱਗੇ ਵੀ ਸ਼ੇਅਰ ਕਰੋ ਕਿਸੇ ਦਾ ਭਲਾ ਹੋ ਸਕੇ🙏🏻🙏🏻🙏🏻🙏🏻🙏🏻

ਆ ਗਈਆਂ ਕੱਠੀਆਂ ਹੋ ਸਭ ਧੀਆਂ
ਲਾਈਆਂ ਵਿੱਚ ਪਿੜਾਂ ਦੇ ਤੀਆਂ
ਕਿਧਰੇ ਪਿੱਪਲੀਂ ਪੀਘਾਂ ਪਈਆਂ
ਕਈ ਭੱਜ ਵਿਚ ਗਿੱਧੇ ਵੜ ਗਈਆਂ
ਹਾਸੇ ਠੱਠੇ ਰੌਣਕ ਮੇਲੇ
ਹੋਏ ਨਾਲ ਸਬੱਬੀਂ ਮੇਲੇ
ਪਿੰਡ ਦੀਆਂ ਜੂਹਾਂ ਨਿਉਂ ਨਿਉਂ ਆਖਣ
ਆਓ ਜੀ ਆਇਆਂ ਨੂੰ ਬਹਾਰਾਂ ਨੂੰ
ਕਾਹਦਾ ਸਾਉਣ ਮਹੀਨਾ ਚੜਿਆ
ਚੜੵ ਗਿਆ ਚਾਅ ਮੁਟਿਆਰਾਂ ਨੂੰ

ਪੈਂਦੀ ਕਿੱਕਲੀ ਉੱਡਣ ਪਰਾਂਦੇ
ਦਿਲ ਦੇ ਵੇਗ ਨਾ ਸਾਂਭੇ ਜਾਂਦੇ
ਘੱਗਰਾ ਘੁੰਮ ਧਰਤ ਨੂੰ ਹੂੰਝੇ
ਅੰਬਰ ਨਾਲ ਗਿੱਧੇ ਦੇ ਗੂੰਜੇ
ਹਸਦੀਆਂ ਫਿਰਨ ਮਸਤ ਮੁਟਿਆਰਾਂ
ਰੋਕਣ ਕਿਵੇਂ ਮਲਾਰਾਂ ਨੂੰ
ਕਾਹਦਾ ਸਾਉਣ ਮਹੀਨਾ ਚੜਿਆ
ਚੜੵ ਗਿਆ ਚਾਅ ਮੁਟਿਆਰਾਂ ਨੂੰ

ਨੈਣੀਂ ਸੁਰਮਾ ਬਾਹੀਂ ਚੂੜੇ
ਚੜੵ ਗਏ ਰੰਗ ਮਹਿੰਦੀ ਦੇ ਗੂੜੇ
ਕੁਝ ਨੇ ਕੁੜੀਆਂ ਸੱਜ ਵਿਆਹੀਆਂ
ਸਾਉਣ ਮਹੀਨੇ ਪੇਕੀ ਆਈਆਂ
ਮਿਲਦੀਆਂ ਪਾ ਗਲਵੱਕੜੀ ਸਖੀਆਂ
ਪੂਰੇ ਕਰਨ ਕਰਾਰਾਂ ਨੂੰ
ਕਾਹਦਾ ਸਾਉਣ ਮਹੀਨਾ ਚੜਿਆ
ਚੜੵ ਗਿਆ ਚਾਅ ਮੁਟਿਆਰਾਂ ਨੂੰ

ਗੱਲਾਂ ਮੁੱਕਣ ਨਾ ਕਿਤੇ ਮੁਕਾਈਆਂ
ਸਿਰ ਘਣਘੋਰ ਘਟਾ ਚੜੵ ਆਈਆਂ
ਹੱਸ ਨੱਚ ਖੇਡ ਘਰਾਂ ਨੂੰ ਮੁੜੀਆਂ
ਸੁੱਖਾਂ ਸੁਖਦੀਆਂ ਰਾਹੀਂ ਤੁਰੀਆਂ
ਦਾਤਿਆ ਸਦਾ ਰੱਖੀ ਤੂੰ ਖਿੜੀਆਂ
ਮਾਪਿਆਂ ਦੀਆਂ ਗੁਲਜ਼ਾਰਾਂ ਨੂੰ
ਕਾਹਦਾ ਸਾਉਣ ਮਹੀਨਾ ਚੜਿਆ
ਚੜੵ ਗਿਆ ਚਾਅ ਮੁਟਿਆਰਾਂ ਨੂੰ
✍️ ਜਸਵਿੰਦਰ ਸਿੰਘ ਸਿੱਧੂ ਦੀ ਕੰਧ ਤੋਂ