Urdu

کشش سے دنیا کی اب تک نکل گیا ہوتا
جہاں کے چاند کو روکے رکھا ہے چاند مرا
نازش بارہ بنکوی

غزل
ہمیں دنیا سے رغبت ہے، کریں کیا
مگر مرنا حقیقت ہے، کریں کیا

بنا پوچھے غلط ہے پیار کرنا
نہیں اس کی اجازت ہے کریں کیا

اسے پا جانا ممکن بھی نہیں ہے
وہی جینے کی صورت ہے، کریں کیا

سبھی کچھ اپنا اس پر ہے نچھاور
اسے پھر بھی شکایت ہے، کریں کیا

محبت سے بچیں آخر کہاں تک
یہ انسانوں کی فطرت ہے، کریں کیا

وہ ہے اک چھوئی موئی پودے جیسی
ہمیں چھونے کی عادت ہے، کریں کیا

نکلنے کا نہ دل سے راستہ ہے
نہ رہنے کی اجازت ہے، کریں کیا

انھیں پردے سے "نازش" ہے محبت
ہمیں شوقِ زیارت ہے، کریں کیا
نازش بارہ بنکوی